রোদ ত্রান্সপোর্ত অমসুং হাইৱে মন্ত্রালয়
রোদ মন্ত্রালয়না ধাবাশিং অমসুং ত্রক শেম্নবা দুকানশিংগী পরীং য়াওবা দেশবোর্দ অমা মখোইগী ৱেবসাইত্তা হাংদোকখ্রে
प्रविष्टि तिथि:
20 APR 2020 4:49PM by PIB Imphal
রোদ ত্রান্সপোর্ত অমসুং হাইৱেগী মন্ত্রালয় (এম.ও.আর.তি.ঐচ.)না ধাবাশিং অমসুং তোঙান তোঙানবা লুপশিংনা, হায়বদি রাজ্যগী এন.ঐচ.এ.আই., ওইল মার্কেতিং কম্পেনীনচিংবশিং, লৈবাক শিনবা থুংনা লৈরিবা ত্রক শেম্ফমশিংগী মমিং য়াওবা দেশবোর্দকী লিঙ্ক অমা মখোইগী ৱেবসাইত্তা হাংদোকখ্রে। মমিংগী পরেং অসি https://morth.nic.in/dhabas-truck-repair-shops-opened-during-covid-19দা ফংবীগনি। হৌজিক্কী কিনীংঙাই ওইরবা কোবিদ-১৯গী লাইচৎ অসি লাকশিনবা ঙম্নবা হায়দুনা লাওথোকখিবা লোকদাউনগী মনুং অসিদা চংদবা য়াদবা পোৎলমশিংবু তোঙান তোঙানবা মফমশিংদা পুদুনা চৎলিবা ত্রক/কারগো পুদুনা ত্রক থৌরিবা মীওই অমসুং গারী শেংনবশিংবু তেংবাংনবা হায়দুনা দেশবোর্দ অসি শেম্বনি। রাজ্য/য়ু.তি.শিংদা লৈরিবা মরী লৈনবা মীওইশিং, ওইল মার্কেতিং কম্পেনীশিং (ও.এম.সি.শিং)গা চাং নাইনা ই-পাউ ফাওনরবা মতুংদা ই-পাউশিং অসি এম.ও.আর.তি.ঐচ.কী ৱেবসাইত্তা য়াওরিবা দেশবোর্দ লিঙ্ক অসিদা হাপকৎলি।
এন.ঐচ.এ.আই.গী সেন্ত্রেলাইজ ফোন নম্বর ১০৩৩ অসি চৎনবা য়াহন্দুনা গারী থৌবশিং/গারী চাম্বশিংনা নেস্নেল হাইৱেদা লৈবা ধাবাশিং অমসুং ত্রক শেম্ফমশিংগী মতাংদা হংলকপা মতমদা তাকপীদুনা মতেং পাংলি।
পনবা য়াবদি হায়রিবা ধাবাশিং অমসুং ত্রক শেমফমশিং, ত্রক থৌবশিং অমসুং চাম্থোক চামশিন তৌনবশিং অমসুং পোৎ চৈ পুথোক পুশিন তৌবদা য়াওবা অতৈ অতোপ্পা মীওইশিং অসিনা সোসিএল দিস্তেন্সিং, মাস্ক শিজিন্নবা অমসুং মশাবু লু নান্না লায়না তিলনা চংদনা লৈনবগী চেকশিন থৌরাং খুদিংমক লোইনা ইনগদবনি।
(रिलीज़ आईडी: 1616591)
आगंतुक पटल : 248
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada