লৈবাক অসিদা কোবিদ-১৯গী লাইচৎ অসি শন্দোরকপদগী থিংনবা লৈবাক অসিদা লৈরিবা দিস্ত্রিক্ত এদমিনিসত্রেসন অমসুং গ্রাম পঞ্চায়ৎ পুম্নমক্না থবক থৌওং কয়া অমা পাইখত্তুনা থবক তৌবা হৌরক্লি। মখোয়না হৌদোরকপা থবক থৌরম খরা অফবা থৌওং অমগী খুদম অমা ওইনা অতোপ্পশিংনা মতুং ইনবা য়াবশিং অদুদি:

• মধ্য প্রদেশ: আজীৱিকা মিশন, রাজগর দিস্ত্রিক্ত অসি গ্রাম পঞ্চায়ৎশিংদা য়েন্থোক্নবগীদমক্তা মাস্কশিং তুবগী থবক্তা য়াওরি। ভোপাল দিস্ত্রিক্তকী উজুর তেহসিলগী মনুং চন্না লৈবা অচার্পুরা গ্রাম পঞ্চায়ৎকী সর্পঞ্চনা খুঙ্গংগী মীওইশিংদা মাস্কশিং লেম্না য়েন্থোকখি। নরসিংহপুর দিস্ত্রিক্তা লৈবা চিচোলী ব্লোক্কী খমারিয়া পঞ্চায়ত্তা ৱাল পেন্তিংশিং তৌখি।

• তামিল নাদু: পঞ্চায়ৎ ওফিসিয়েলশিংগী মিৎয়েং মখাদা, তিরুপ্পুর দিস্ত্রিক্তা লৈবা তিরুপ্পুর ব্লোক্কী মঙ্গলম পঞ্চায়ত্তা সেনিতাইজেশন তৌখি।

• নাগালেন্দ: নাগালেন্দগী রাজ্য আসিদা কোবিদ-১৯গী লাইচৎ অসিবু লাকশিন্নবা হোৎনবদা কয়া য়াম্না শেম-শারবগে অমসুং কয়াম য়াংনা থবক পাইখৎপা ঙম্লবগে হায়বগী মতাংদা সরকারদা পাউতাক পীনবা রাজ্য সরকারনা চীফ সেক্রতরী, শ্রী তেমজেন তোই (আই.এ.এস.)গী মখাদা হৌদোক্তুনা, মার্চ ১৭, ২০২০দা কোবিদ ১৯গী মতাংদা স্পিসিয়েল এদভাইজরী গ্রুপ (এস.এ.জি.) অমা শেমখ্রে।

খুঙ্গংগী থাক্তদি, দিমাপুরগী কুহুবোতো ব্লোক্কী মনুং চন্না লৈবা শোজুখু খুঙ্গংগী মখাদা ঝাকে এস.ঐচ.জি.না ময়ুম মকৈ লৈজদবশিংদা অথোংবা চাক পীজখি অমসুং দিমাপুরগী চুমুকেদিমা ব্লোক্কী মনুং চন্না লৈবা সিগ্নেল অঙ্গামী খুঙ্গংদা, খুঙ্গংগী থাক্তা লৈবা ওর্গনাইজেশন্না নোংমগী খুশুমল তাল্লগা হিংলিবা ইমুং খুদিংগী চেং কেজি ১০ পীখি।