ঙাকশেল মন্ত্রালয়

নরেলা ক্বরেন্তাইন সেন্তরদা আর্মীনা তেংবাং পীখ্রে

Posted On: 19 APR 2020 7:37PM by PIB Imphal

দিল্লীদা লৈবা নরেলা ক্বরেন্তাইন সেন্তর অসি দিল্লীদা লৈবা কোবিদ সস্পেকশিং মেনেজ তৌনবগীদমক্তা লৈবাক অসিদা লৈবা খ্বাইদগী চাউবা সেনতরশিংগী মনুংদা অমনি। সেন্তর অসি মার্চ ২০২০গী ময়াই চল্লকপদা দিল্লী সরকারনা লিংখৎখিবনি। অহানবদদি নুংশি-চান্ননা লৈমিন্নরিবা মপান লমগী লৈবাকশিংদগী লাকপা মপান লমগী মীওই ২৫০ সেন্তর অসিদা থমখি, মতুংদা চাউরাক্না ১০০০ মুক্কী অহেনবা মীশিং অমা নিজামুদ্দীন মার্কজদগী মফম অসিদা পুরকখি।

এপ্রিল ০১,২০২০দগী নরেলা ক্বরেন্তাইন সেন্তরদা আর্মী দোক্তরশিং অমসুং নর্সিং স্তাফকী তীম অমনা সিবিল এদমিনিস্ত্রেশনগী মতেং পাংদুনা লৈরক্লি। এপ্রিল ১৬, ২০২০দগী আর্মীনা অয়ুক্কী পুং ৮.০০দগী নুংমিদাংগী পুং ৮.০০ ফাওবা ফেসিলিতী অসিবু মেনেজ তৌবগী থৌদাং লৌদুনা দিল্লী সরকারগী দোক্তরশিং অমসুং মেদিকেল স্তাফশিংবু পোথাহন্দুনা মখোয়দা ফেসিলিতী অসিবু নুমিদাং খক্তমক মেনেজ তৌহল্লি। পেরামেদিকেল স্তাফ ১৮গা লোইননা মেদিকেল ওফিসর তরুক য়াওবা পর্সোনেল ৪০না শেম্বা আর্মীগী তীম অমা প্রেমিজ অসিগী মনুংদা খক্তদা লৈনবা মশানা চোংথোরকখি।

আর্মীগী মেদিকেল তীমগী প্রোফেশনেল ওইবা খোংথাং অসিনা ইনমেৎশিংগী পু্ক্নিং চিংশিনখ্রে, মখোয়না আর্মীগী মেদিকেল তীমদা য়াম্না কোওপরেতিব অমসুং পোজিতিব ওইখি, মসিনা মরম ওইরগা মেদিকেল প্রোসিজরশিং পুম্নমক্তা কোম্না হেন্দলিং তৌবগী খুদোংচাবা পীখি। হোজিক্কী ওইনা মার্কজদগী মেম্বর ৯৩২ ফেসিলিতী অসিদা নীংথিনা শেন্নরি অমসুং মখোয়গী মনুংদা ৩৬৭তি তেস্ত তৌবদা কোবিদ পোজিতিব ওইরে।

মপুং ওইনা ফেসিলিতী অসিবু চলাইবদা সিবিল এদমিনিস্ত্রেশনগা অৱাংবা থাক্তা পুন্না থবক তৌমিন্নখি। প্রজা মীয়ামগী খুদোংথিবা নংদনবগীদমক্তা কোরোনা লাইচৎ অসিগী মায়োক্তা লৈবাক মীয়াম্না হোৎনরিবা অসিদা থৱাই য়াওনা মতেং পাংনবা অরেপ্পা অমসুং পান্দম অমগা লোইননা আর্মীনা মখাতানা লান্থংনখিগনি।



(Release ID: 1616307) Visitor Counter : 40