(Contains Press releases concerning Covid-19, issued in last 24 hours, inputs from field offices, and Fact checks undertaken by PIB)

नवी दिल्‍ली-मुंबई, 19 एप्रिल 2020

Covid-19 च्या संकटाचा उपयोग करून भारताने जगाला एक नवी कार्यसंस्कृती देण्याची गरज आहे तरुणांचा आपला देश यात पुढाकार घेईल असा विश्वास पंतप्रधान नरेंद्र मोदी यांनी आज व्यक्त केला या नव्या कार्यसंस्कृती मध्ये पंतप्रधान नरेंद्र मोदी यांना जुळवून घेण्याची क्षमता, कार्यक्षमता, सर्वसमावेशकता, संधी, वैश्विकता या गोष्टी अभिप्रेत आहेत.

आरोग्य मंत्रालयाची कोविड-19  घडामोडींवर पत्रकार परिषद 

आरोग्य आणि कुटुंब कल्याण मंत्रालयाचे संयुक्त सचिव श्री लव अगरवाल, गृह मंत्रालयाच्या प्रवक्त्या श्रीमती पुण्य सलिला श्रीवास्तव आणि ICMR चे प्रवक्ते श्री रमन गंगाखेडकर यांनी आज पत्रकार परिषदेत खालील माहिती दिली.

• केंद्रीय गृहमंत्री अमित शाह यांनी अधिकाऱ्यांची बैठक घेतली, कोविड-19  शी आपला संघर्ष सुरू राहणार असून लॉकडाऊन आणि इतर मार्गदर्शक तत्वांचे प्रामाणिकपणे पालन करणे गरजेचे आहे असे त्यांनी सांगितले - गृह मंत्रालय
• हॉटस्पॉट, क्लस्टर आणि क्षेत्रबंदीमध्ये समाविष्ट नसलेल्या भागांनीही, जेथे लॉकडाउनमधून मुभा देण्यात आली आहे, अशा भागांनीही दक्ष राहिले पाहिजे-असे गृहमंत्र्यांनी म्हटले आहे.
• समुदायांच्या चाचण्या करणाऱ्या वैद्यकीय पथकांना राज्यांनी पुरेशी सुरक्षा पुरवणे गरजेचे आहे- गृह मंत्रालय
• स्थलांतरित मजुरांना त्याच राज्य/ केंद्रशासित प्रदेशात, संमत व्यवसायांमध्ये कामावर उपस्थित राहण्याच्या दृष्टीने प्रवास करण्यासाठी,  गृह मंत्रालयाने SOP म्हणजेच प्रमाणित कृती प्रक्रिया जारी केली आहे.
• आतापर्यंत 3,86,791 कोविड-2019  चाचण्या करण्यात आल्या आहेत. 37,173 चाचण्या काल केल्या गेल्या. त्यापैकी 29,287 चाचण्या ICMR  नेटवर्कमधील 194 प्रयोगशाळांमध्ये करण्यात आल्या. उर्वरित 7,886 चाचण्या, 82 खासगी प्रयोगशाळांमध्ये करण्यात आल्या – ICMR
• 2,231 लोक बरे झाले आहेत,  बरे होण्याची टक्केवारी  आता 14.19% आहे. गेल्या 24 तासात: 1,334 नव्या कोविड-19 रुग्णांची नोंद, 27 मृत्यू. कोविड-19 रुग्णांची एकूण संख्या- 15,712. एकूण मृत्यू – 507- आरोग्य मंत्रालय
• गेल्या 28 दिवसांत कोविडचा एकही नवीन रुग्ण न सापडलेल्या माहे (पुदुचेरी) आणि कोडाग्गू/कुर्ग (कर्नाटक) यांखेरीज, 23 राज्य/केंद्रशासित प्रदेशांतील अन्य 54 जिल्ह्यांत गेल्या 14 दिवसांत एकही नवीन रुग्ण आढळलेला नाही
• औषधे व लसींच्या चाचण्यांसंदर्भात काम करण्यासाठी एका उच्च स्तरीय कृती दलाची स्थापना करण्यात आली आहे. नीती आयोग सदस्य आणि पंतप्रधानांचे  प्रमुख शास्त्रीय सल्लागार या दलाचे सहअध्यक्ष आहेत. लस निर्मितीसाठी सर्व मंत्रालयांकडून सुरू असलेल्या कामामधील समन्वयाला हे कृती दल गती देईल.
• पंतप्रधानांनी उल्लेख केल्याप्रमाणे, 20 एप्रिलपासून, म्हणजेच आज मध्यरात्रीपासून, क्षेत्रबंदी नसलेल्या भागांमध्ये निवडक बाबींत मुभा देण्यात येईल. हॉटस्पॉट जिल्ह्यांतील भागांत कोणतीही सवलत/मुभा दिली जाणार नाही.
• स्थानिक गरजांनुसार राज्ये व केंद्रशासित प्रदेश केंद्र सरकारने जारी केलेल्या मार्गदर्शक नियमांपेक्षा जास्त कठोर निर्बंध लागू करू शकतात.
• हॉटस्पॉट म्हणजे कोविड19 चा मोठा प्रादुर्भाव झालेले भाग, किंवा बऱ्यापैकी संसर्ग झालेले क्लस्टर्स. हॉटस्पॉटच्या अंतर्गत भागात, कोविड2019 च्या फैलावावर नियंत्रण ठेवण्यासाठी स्थानिक प्रशासन, क्षेत्रबंदीचे भाग व बफर झोन यांच्या सीमा ठरविते.
• क्षेत्रबंदीच्या भागांमध्ये मध्ये कोणतेही निर्बंध शिथिल करण्याची अनुमती दिली जाणार नाही, या संपूर्ण भागात अतिशय कठोर नियंत्रण ठेवणे गरजेचे आहे. या भागात केवळ अत्यावश्यक सेवांनाच परवानगी दिली जाईल.
• जेथे निवडक मुभा दिलेल्या आहेत अशा भागांत, सध्याच्या लॉकडाउनच्या उपाययोजनांची काटेकोर अंमलबजावणी होण्याची खबरदारी राज्यांनी व जिल्ह्यांनी घ्यावयाची आहे. तसेच SOP नुसार व्यक्ती-व्यक्तींदरम्यान उचित सामाजिक अंतर राखण्यासाठी उपाय करण्याचीही काळजी त्यांनी घ्यावी

• प्रवासी वाहतूक
• शैक्षणिक संस्था
• औद्योगिक/ व्यावसायिक कामकाज( वगळले नसल्यास) 
• चित्रपटगृहे, मॉल्स 
• सामाजिक आणि धार्मिक कार्यक्रम
• धार्मिक प्रार्थनास्थळे
• टॅक्सी आणि कॅब ऍग्रीगेटर्स

या सर्वांवर ३ मेपर्यंत देशभरात बंदी असेल

• काही कामांना परवानगी देण्यात आली आहे, 'जान भी है, जहाँ भी है या सूत्रासह, हळूहळू सर्व जीवन सुरळीत करण्यासाठी प्रयत्न केले जातील.

• कृषी आणि ग्रामीण अर्थव्यवस्था कार्यान्वित राहतील
• रोजंदारीवर काम करणाऱ्यांसाठी रोजगारसंधी
• आरोग्यसेवा
• अत्यावश्यक वस्तूंसाठी पुरवठा साखळी

• ज्या भागात निर्बंध शिथिल करण्यात आले आहेत, त्या भागात सेवा पुन्हा सुरू करताना आपल्याकडून कोणतीही चूक होणार नाही याची खबरदारी आपल्याला घ्यावी लागेल. कोणत्याही नव्या रुग्णांची भर पडणार नाही याची काळजी आपल्याला घ्यावी लागेल
• मुभा देण्याचे निकष गतिशील आहेत; या भागांत कोविड2019 चे नवीन रुग्ण सापडले, तर हेही 'रेड झोन' आणि क्षेत्रबंदीच्या भागांमध्ये समाविष्ट होतील, जेथे लॉकडाउनच्या उपायांची कठोर अंमलबजावणी होत असेल
• देशात सध्या  समर्पित कोविड हॉस्पिटल्सची संख्या 755 झाली आहे. तर समर्पित कोविड आरोग्य केंद्रांची संख्या 1,389 आहे.
• त्यामुळे आता आपल्याकडे 2,144 समर्पित सुविधा उपलब्ध झाल्या असून या ठिकाणी तीव्र लक्षणे असलेल्या/अत्यवस्थ रुग्णांवर उपचार करता येणार आहेत
• विशेषतः दाट लोकवस्तीच्या भागांत, संसर्गाला अडथळा आणण्यासाठी, मास्क व चेहऱ्याची आच्छादने उपयोगी पडतील. याबाबत मार्गदर्शक सूचना अगोदरच जारी केल्या आहेत. सार्वजनिक तसेच कामाच्या ठिकाणी चेहऱ्याची आच्छादने वापरणे बंधनकारक आहे, असे गृहमंत्रालयाने यापूर्वीच सांगितले आहे
• 17 गट कोविड-19 वर लस विकसित करण्यासाठी काम करत आहेत, 5 गटांनी प्राण्यांवरील अभ्यासाचा टप्पा पूर्ण केला असून मानवावरील परिणाम तपासून पाहात आहेत. यातील एक ऑक्सफर्ड वॅक्सीन ग्रुप ChAdOx1 वर काम करत आहे. या गटाने केलेल्या अभ्यासातून काढलेल्या निष्कर्षांचा विचार करण्यात येईल.
• हॉटस्पॉट म्हणजे असे भाग जेथे कोविड2019 ची रुग्णसंख्या अधिक आहे, किंवा संख्या दुप्पट होण्यासाठी 4 दिवसांपेक्षा कमी काळ लागतो. राज्यांनी नियमितपणे ती यादी अपडेट करावी, असे निर्देश आहेत. 'रेड झोन अंतर्गत, क्षेत्रबंदीचे भाग ठरवले जातील, जेथे फक्त अत्यावश्यक सेवांना परवानगी असेल
• लक्षणे न दिसता पॉझिटिव्ह निघणाऱ्या रुग्णांची संख्या मोठी नाही. या आव्हानाबाबत सावध असणे. तसेच लक्षणे न दिसणाऱ्या परंतु धोका असणाऱ्या लोकांवर देखरेख ठेऊन चाचण्या करणे, त्यांच्याशी समन्वय राखणे, आणि विलगीकरणाची आवश्यक ती खबरदारी घेणे- हे या ठिकाणी महत्त्वाचे आहे.

वरील पत्रकार परिषदेचे @PIBMumbai ने केलेले लाइव ट्वीट पाहण्यासाठी इथे क्लिक करा

  इतर अपडेट्स :

• कोविड-19 महामारीमुळे भारत सरकारतर्फे वाढविण्यात आलेल्या विविध मुदत वाढींचा आयकर दात्यांना संपूर्ण लाभ मिळावा यासाठी, सीबीडीटी आर्थिक वर्ष 2019-20 साठीच्या (मुल्यांकन वर्ष 2020-21) परतावा अर्जात सुधारणा करत आहे, या महिन्याच्या अखेर पर्यंत याबाबतीत सूचित केले जाईल.
• कोविड-19 मुळे देशभरात लागू असलेल्या लॉकडाऊनच्या पार्श्वभूमीवर, केंद्रीय वित्तमंत्रालयाच्या व्ययविभागाअंतर्गत असलेल्या महालेखा नियंत्रक कार्यालयाने सार्वजनिक वित्तीय व्यवस्थापन व्यवस्थेचा वापर करत, थेट लाभ हस्तांतरण योजनेमार्फत 16.01 कोटी लाभार्थ्यांच्या खात्यात 36,659 कोटी रुपये जमा केले आहेत. थेट लाभ हस्तांतरणामुळे रोख मदत थेट लाभार्थ्यांच्या खात्यात जमा होत असून या योजनेच्या भ्रष्टाचाराला आळा घालता येतो
• गृहमंत्रालयाने खुलासा केला आहे की, अत्यावश्यक नसलेल्या वस्तूंचा ई-कॉमर्स कंपन्यांद्वारे पुरवठा लॉक डाऊनच्या कालावधीत प्रतिबंधित राहील.
• देशांतर्गत किंवा प्रवासी उड्डाणे पुन्हा सुरू करण्याबाबत अद्याप कोणताही निर्णय झाला नसल्याचे केंद्र सरकारने स्पष्ट केले आहे.
• सध्या संपूर्ण देशभर कोविड-19महामारीचा उद्रेक झाला आहे, अशा काळामध्ये आर्थिक परिस्थितीविषयी अनेक अफवा पसरल्याचे निदर्शनास आले आहे. सरकार निवृत्तीवेतनामध्ये कपात करणार आहे किंवा हे वेतन देणे थांबवणार आहे, अशीही एक अफवा पसरत आहे. यामुळे निवृत्ती वेतनधारकांमध्ये चिंता व्यक्त केली जात आहे. मात्र सरकारपुढे निवृत्तीवेतनात कपात करण्याचा किंवा ते थांबवण्याचा कोणताही प्रस्ताव नाही.
• केंद्रीय गृहमंत्री अमित शहा याच्या अध्यक्षतेखाली नवी दिल्ली येथे कोविड-19 साथीच्या आजारा विरुद्धच्या लढ्यासाठी स्थापन केलेल्या एमएचए नियंत्रण कक्षाच्या कामकाजाचा आढावा घेण्यासाठी एक बैठक आयोजित करण्यात आली होती. पंतप्रधान नरेंद्र मोदी यांच्या नेतृत्वाखाली या नियंत्रण कक्षाची स्थापना करण्यात आली आहे.
• सध्याच्या कोविड-19 साथीच्या आजारामुळे उद्‌भवणाऱ्या संधीचा फायदा घेऊन भारतीय कंपन्यांचे संपादन/हस्तांतरणाची शक्यता टाळण्यासाठी सरकारने विद्यमान थेट परदेशी गुंतवणूक (एफडीआय) धोरणाचा आढावा घेतला आणि एकत्रित एफडीआय धोरण, 2017 मध्ये समाविष्ट असलेल्या विद्यमान एफडीआय धोरणाच्या परिच्छेद 3.1.1 मध्ये सुधारणा केली आहे.
• शेतकऱ्याला चांगल्या उत्पन्नाची हमी राहावी यासाठी नाफेड आणि भारतीय अन्न महामंडळ यासारख्या केंद्रीय नोडल  एजन्सी कार्यरत असतात. 2020-21 च्या रब्बी हंगामासाठी अनेक राज्यात शेतकऱ्यांकडून सुचीबद्ध वस्तूंची खरेदी सुरु झाली आहे. लॉक डाऊनच्या काळात शेतकऱ्यांना वेळीच विपणन सहाय्य  पुरवण्यात येत आहे. कोविड-19 महामारीच्या काळात व्यवस्थापन दिशा निर्देशांचे पालन करत जास्तीत जास्त शेतकऱ्यांना सहाय्य पुरवण्यात येत आहे.
• प्रतिबंधित नसलेल्या क्षेत्रात 20 एप्रिल 2020 पासून  निर्बंध शिथिल करण्याच्या पार्श्वभूमीवर केंद्रीय ग्रामीण विकास, पंचायत राज आणि कृषी आणि शेतकरी कल्याण मंत्री नरेंद्र सिंह तोमर यांनी राज्ये आणि केंद्रशासित प्रदेशांचे ग्रामीण विकास मंत्री आणि संबंधित अधिकाऱ्यांसमवेत सुमारे दोन तास व्हिडीओ कॉन्फरन्स घेतली. अशा भागात,प्रधानमंत्री आवास योजना ग्रामीण पीएमएवाय(जी),प्रधान मंत्री ग्राम सडक योजना  पीएमजीएसवाय, राष्ट्रीय ग्रामीण उपजीविका एनआरएलएम आणि  महात्मा गांधी ग्रामीण रोजगार हमी योजना मनरेगा अंतर्गत काम सुरु करण्याबाबत यावेळी चर्चा झाली.
• कोविड -19 ची चाचणी सकारात्मक आल्यानंतर अलगीकरण कक्षात ठेवलेले 26 खलाशी आयएनएस आंग्रे या मुंबईतील किनारा प्रतिष्ठानचे आहेत. नौदल मालमत्ता तीन आयामांमध्ये मोहीम राबविण्यासाठी तैनात आहे आणि सर्व यंत्रणा आणि हवाई तळावरील  मालमत्ता चांगल्या प्रकारे कार्यरत आहेत. नौदल हे  लढाऊ-सज्ज, मोहिमेसाठी सक्षम असून साथीच्या आजाराशी लढा देण्याकरिता तसेच हिंदी महासागर क्षेत्रातील आमच्या मित्रत्वाचे संबंध असणाऱ्या  शेजार्‍यांना पाठिंबा देण्यासाठी राष्ट्रीय मोहिमेत भाग घेण्यास तयार आहे.

महाराष्ट्र अपडेट्स

हिरव्या आणि नारिंगी झोनमध्ये असलेल्या उद्योगांना प्रक्रिया आणि उत्पादन नियंत्रित प्रमाणात सुरू करण्याची राज्य सरकार परवानगी देत आहे. या उद्योगांना त्यांच्या कामगारांसाठी वाहतुकीची व्यवस्था करावी लागेल. महाराष्ट्रामध्ये 3,648 केसेसची नोंद झाली आहे तर 211 मृत्यू झाले आहेत परंतु त्याच वेळी राज्याने देशात सर्वाधिक म्हणजेच 66,896 चाचण्या केल्या आहेत

Fact Check on #Covid19

***

DJM/MC/SP/DR