হৌজিক্কী ওইরিবা কোবিদ-১৯গী লাইচৎ অসিনা মরম ওইদুনা খুদোংচাবা য়েংলগা ভারতকী কম্পেনীশিংবু লৌশিনবগী থবক থৌরম খুদিংমক থিংনবা সরকারনা হৌজিক্কী লৈরিবা ফোরেন দাইরেক্ত ইনভেস্তমেন্ত (এফ.দি.আই.) পোলিসী শেমদোকখ্রে অমসুং কন্সোলিদেতেৎ এফ.দি.আই. পোলিসী, ২০১৭তা য়াওরিবা অদুগা মন্ননা হৌজিক লৈরিবা এফ.দি.আই. পোলিসীগী পেরা ৩.১.১. অসি শেমদোকখ্রে। মসিগী মতাংদা কমর্স অমসুং ইন্দস্ত্রী মন্ত্রালয়গী ইন্দস্ত্রী অমসুং ইন্তর্নেল ত্রেদ চাউখৎহনবা বিভাগনা প্রেস নোৎ মশিং ৩ (২০২০গী পরিং) অমসু থোকখ্রে। মসিগী মতুং ইন্না হৌজিক ওইরিবা অমসুং শেমদোক্লবা ফিভমশিং অসি মখাদা পীরিঃ

হৌজিক্কী ফিভম

পেরা ৩.১.১: এফ.দি.আই. পোলিসীগী মতুং ইন্না অথিংবা লৈতবা সেক্তর/খোঙথাংশিং অদুগী মনুং চন্দবশিংদা ইন্দিয়াদা লৈতবা এন্তাইতীশিংনা শেল থাদবা য়াই। অদুম ওইনমক বঙ্গলাদেশকী নাগরিক অমা নত্ত্রগা বঙ্গলাদেশতা মীং চনবা কম্পেনীগী ওইনদি সরকারগী খুত্থাং খক্তদা শেল থাদবা য়াই। মখা তানা পাকিস্তানগী নাগরিক অমা নত্ত্রগা পাকিস্তানদা মীং চনবা কম্পেনীগী ওইনগীসু দিফেন্স, স্পেস, এতোমিক ইনর্জী অমসুং ফোরেন ইনভেস্তমেন্ত তৌবা য়াদবা সেক্তর/খোংথাং নত্তবা অতৈ সেক্তর/খোংথাংশিংদা সরকারগী খুত্থাং খক্তদা শেল থাদবা য়াই। 

শেমদোক্লবা ফিভম

পেরা ৩.১.১: পেরা ৩.১.১(ক): এফ.দি.আই. পোলিসীগী মতুং ইন্না অথিংবা লৈতবা সেক্তর/খোঙথাংশিং অদুগী মনুং চন্দবশিংদা ইন্দিয়াদা লৈতবা এন্তাইতীশিংনা শেল থাদবা য়াই। অদুম ওইনমক ভারতকা ঙমখৈ তাইনবা নত্ত্রগা ভারত্তা শেল থাদবা এন্তাইতীকী মপু ওইবশিং অদু লৈবা লম নত্ত্রগা অসিগুম্বা লৈবাক অসিগী নাগরিক অমনা সরকারগী খুত্থাং খক্তদা শেল থাদবা য়াই। অদুম ওইনমক পাকিস্তানগী নাগরিক অমা নত্ত্রগা পাকিস্তানদা মীং চনবা কম্পেনীগী ওইনগীসু দিফেন্স, স্পেস, এতোমিক ইনর্জী অমসুং ফোরেন ইনভেস্তমেন্ত তৌবা য়াদবা সেক্তর/খোংথাং নত্তবা অতৈ সেক্তর/খোংথাংশিংদা সরকারগী খুত্থাং খক্তদা শেল থাদবা য়াই। 

পেরা ৩.১.১(খ): ভারত্তা লৈবা এন্তাইতী অমগী হৌজিক লৈরিবা নত্ত্রগা তুংদা লৈরক্কদবা অমগী মপু হোংবগী মতাংদা, হকথেংননা নত্ত্রগা নাকোইননা, অমসুং ওইগদৌরিবা মপু অদু পেরা ৩.১.১(ক)গী মখাদা চনবা য়াদবশিংগী মনুংদা চল্লবদি হোংলক্লিবা মপু অদু ভারত সরকারদগী অয়াবা অমা ফংবা তাই। 

মথক্তা পীরিবা ৱারেপশিং অসি এফ.ই.এম.এ. গী চে থোকপা নুমিৎ অদুদগী চৎনবা হৌগনি।