য়ুমলৈ-কৈরৈ মন্ত্রালয়

শ্রী অমিৎ শাহনা কোবিদ-১৯ লাইচৎ থেংননবা লিংখৎখিবা এম.ঐচ.এ. কন্ত্রোল রুম ওপরেসনশিং য়েংশিনখ্রে

Posted On: 18 APR 2020 8:21PM by PIB Imphal

হোম এফিয়ার্সকী য়ুনিয়ন মিনিস্তর শ্রী অমিৎ শাহনা ময়াই তাংবল লৌদুনা ঙসি নই দিল্লীদা প্রধান মন্ত্রী শ্রী নরেন্দ্র মোদীগী লুচিং মখাদা কোবিদ-১৯ লাইচৎ থেংননবা লিংখৎখিবা এম.ঐচ.এ. কন্ত্রোল রুম ওপরেসনশিং য়েংশিনবগী মীফম অমা পাংথোকখ্রে।

গৃহ মন্ত্রীনা কন্ত্রোল রুমগী ওফিসরশিংগা লোয়ননা তোঙান-তোঙানবা রাজ্যশিংদা কোবিদ-১৯গী ফিভম য়েংশিনখি, মখোয়গী মিৎয়েংশিং তাখি অমদি মখোয়না পাংথোক্লিবা শিংথানীংঙাই ওইরবা থবকশিং অদুদা থাগৎপা ফোংদোকখি। এম.ঐচ.এ. কন্ত্রোল রুম অসি ২৪x৭ মথৌ তৌরি অমদি লাইচৎ অসি থেংননবা রাজ্যশিংগা পুন্না থবক তৌমিন্নবতা নত্তনা কেন্দ্র সরকারগী তোঙান-তোঙানবা মন্ত্রালয়শিংগসু থবক তৌমিন্নরি।

মীফম অদুদা হোম এফিয়ার্সকী রাজ্য মন্ত্রী শ্রী নিত্যানন্দ রাই অমসুং শ্রী জি. কিশন রেদ্দীগা লোয়ননা মন্ত্রালয়গী কন্ত্রোল রুমগী মকোক থোংবা ওফিসরশিংসু শরুক য়াখি। মীফম অদুদা সোসিয়েল দিস্তেন্সিংগী চৎন-কাংলোন চেকশিন্না ঙাকখি।



(Release ID: 1615911) Visitor Counter : 44