ಸಿಎಸ್ಐಆರ್ ನ ಮತ್ತೊಂದು ಪ್ರಯೋಗಾಲಯದಿಂದ ನಾವೆಲ್  ಕೊರೊನಾವೈರಸ್ ನ ಜೀನೋಮ್ ಅನುಕ್ರಮ ಪ್ರಾರಂಭ

ಕೋಶಗಳ ಮತ್ತು ಆಣ್ವಿಕ ಜೀವಶಾಸ್ತ್ರ ಕೇಂದ್ರ (ಸಿಸಿಎಂಬಿ) ಮತ್ತು ಇನ್ಸ್ಟಿಟ್ಯೂಟ್ ಆಫ್ ಜೀನೋಮಿಕ್ ಅಂಡ್ ಇಂಟಿಗ್ರೇಟೆಡ್ ಬಯಾಲಜಿ (ಐಜಿಐಬಿ) ನಂತರ, ವೈಜ್ಞಾನಿಕ ಮತ್ತು ಕೈಗಾರಿಕಾ ಸಂಶೋಧನಾ ಮಂಡಳಿ (ಸಿಎಸ್ಐಆರ್)ಯ ಮತ್ತೊಂದು ಸಂಸ್ಥೆಯು ನಾವೆಲ್ ಕರೋನವೈರಸ್ ನ ಸಂಪೂರ್ಣ-ಜೀನೋಮ್ ಅನುಕ್ರಮವನ್ನು ಪ್ರಾರಂಭಿಸಿದೆ. ಚಂಡೀಗಢ ಮೂಲದ ಇನ್ಸ್ಟಿಟ್ಯೂಟ್ ಆಫ್ ಮೈಕ್ರೋಬಿಯಲ್ ಟೆಕ್ನಾಲಜಿ (ಐಎಂಟೆಕ್) ವೈರಸ್ ದೊಡ್ಡ-ಪ್ರಮಾಣದ ಜೀನೋಮ್ ಅನುಕ್ರಮದ ಕೆಲಸವನ್ನು ಕೈಗೆತ್ತಿಕೊಂಡಿದೆ.

ಸೂಕ್ಷ್ಮಾಣುಜೀವಿಗಳಿಗೆ ಹೋಲಿಸಿದರೆ ವೈರಸ್‌ಗಳು ಹೆಚ್ಚಿನ ರೂಪಾಂತರದ ಪ್ರಮಾಣವನ್ನು ಹೊಂದಿರುತ್ತವೆ ಮತ್ತು ಅವುಗಳ ಆನುವಂಶಿಕ ವಸ್ತುಗಳು ವೇಗವಾಗಿ ಪುನರಾವರ್ತನೆಯಾಗುವುದರಿಂದ ಅವು ಶೀಘ್ರವಾಗಿ ಬದಲಾಗುತ್ತಲೇ ಇರುತ್ತವೆ. "ಈ ಜೀನೋಮ್ ಸೀಕ್ವೆನ್ಸಿಂಗ್ ಮಾದರಿಗಳನ್ನು ಅಂತರರಾಷ್ಟ್ರೀಯ ಮರುಸಂಗ್ರಹಿಸಿದ ಭಂಡಾರಕ್ಕೆ ಸಲ್ಲಿಸಲಾಗುವುದು" ಎಂದು ಇಂಡಿಯಾ ಸೈನ್ಸ್ ವೈರ್ ಜೊತೆ ಮಾತನಾಡುವಾಗ ಐಎಂಟೆಕ್ ನಿರ್ದೇಶಕರಾದ ಡಾ. ಸಂಜೀವ್ ಖೋಸ್ಲಾ ಹೇಳಿದರು. ಸಂಪೂರ್ಣ ಜೀನೋಮ್ ಅನುಕ್ರಮ ಮಾಹಿತಿಯು ಸಂಶೋಧಕರಿಗೆ ವೈರಸ್‌ನ ಉಗಮ, ಭಾರತದಲ್ಲಿ ಹರಡುವ ವಿವಿಧ ಬಗೆಯ ತಳಿಗಳು ಮತ್ತು ಅದು ನಮ್ಮ ದೇಶದಾದ್ಯಂತ ಹೇಗೆ ಹರಡಿತು ಎಂಬುದರ ಕುರಿತು ಒಳನೋಟಗಳನ್ನು ಪಡೆಯಲು ಸಾಧ್ಯವಾಗುತ್ತದೆ.  "ಈ ಅನುಕ್ರಮದಿಂದ ಪಡೆದ ಜೀನೋಮಿಕ್ ಸಂಪನ್ಮೂಲವು ಕೋವಿಡ್-19 ಗಾಗಿ ರೋಗನಿರ್ಣಯ ಮತ್ತು ಔಷಧಿಗಳಿಗಾಗಿ ಹೊಸ ಗುರಿಗಳನ್ನು (ವ್ಯಕ್ತಿ) ಗುರುತಿಸಲು ಸಹ ಅನುಮತಿಸುತ್ತದೆ" ಎಂದು ಡಾ ಖೋಸ್ಲಾ ಹೇಳಿದರು.

ಹೋಲ್-ಜೀನೋಮ್ ಸೀಕ್ವೆನ್ಸಿಂಗ್ ಎನ್ನುವುದು ಒಂದು ನಿರ್ದಿಷ್ಟ ಜೀವಿಯ ಜೀನೋಮ್‌ನ ಸಂಪೂರ್ಣ ಡಿಎನ್‌ಎ ಅನುಕ್ರಮವನ್ನು ನಿರ್ಧರಿಸಲು ಬಳಸುವ ಒಂದು ವಿಧಾನವಾಗಿದೆ. ಸಂಸ್ಥೆಯು  ಸೂಕ್ಷ್ಮಜೀವಿಯ ಮತ್ತು ಜೀನೋಮಿಕ್ ಸಂಶೋಧನೆಯಲ್ಲಿ ಪರಿಣತಿ ಪಡೆದಿರುವುದರಿಂದ, ಸಿಎಸ್ಐಆರ್-ಐಎಂಟೆಕ್ ಕ್ಲಿನಿಕಲ್ ಮಾದರಿಗಳಿಂದ ಪ್ರತ್ಯೇಕಿಸಲ್ಪಟ್ಟ ಎಸ್ಎಆರ್ ಎಸ್-ಕೋವ್ -2 ಆರ್ ಎನ್ ಎ ಜೀನೋಮ್ ನ  ಅನುಕ್ರಮವನ್ನು ನಿರ್ವಹಿಸುತ್ತದೆ.

ಇಲ್ಲಿಯವರೆಗೆ, 9000 ಮಾದರಿಗಳನ್ನು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಪ್ರತಿ ಗ್ಲೋಬಲ್ ಇನಿಶಿಯೇಟಿವ್ ಆನ್ ಶೇರಿಂಗ್ ಆಲ್ ಇನ್ಫ್ಲುಯೆನ್ಸ ಡೇಟಾವನ್ನು (ಜಿ ಐ ಎಸ್ ಎ ಐ ಡಿ) ಅನುಕ್ರಮಗೊಳಿಸಲಾಗಿದೆ -  ದೇಶಗಳು ಜೀನೋಮ್ ಅನುಕ್ರಮಗಳನ್ನು ಹಂಚಿಕೊಳ್ಳಲು 2008 ರಲ್ಲಿ  ವಿಶ್ವಯ ಆರೋಗ್ಯ ಸಂಸ್ಥೆಯು  ಪ್ರಾರಂಭಿಸಿದ ಸಾರ್ವಜನಿಕ ವೇದಿಕೆ ಇದಾಗಿದೆ. ಈ ಅನುಕ್ರಮದಿಂದ ಪಡೆದ ಜೀನೋಮಿಕ್ ಸಂಪನ್ಮೂಲವು ಕೋವಿಡ್-19 ಗಾಗಿ ರೋಗನಿರ್ಣಯ ಮತ್ತು ಔಷಧಿಗಳ ಹೊಸ ಗುರಿಗಳನ್ನು ಗುರುತಿಸಲು ಸಹ ಅನುಮತಿಸುತ್ತದೆ.

ಸಿಎಸ್ಐಆರ್-ಐಎಂಟೆಕ್ ನಿರ್ದೇಶಕರಾದ  ಡಾ. ಸಂಜೀವ್ ಖೋಸ್ಲಾ, “ನಾವು ಈಗಾಗಲೇ ಮಾದರಿಗಳ ಕ್ಲಿನಿಕಲ್ ಪರೀಕ್ಷೆಯನ್ನು ಪ್ರಾರಂಭಿಸಿದ್ದೇವೆ ಮತ್ತು ಈಗ ವೈರಲ್ ತಳಿಗಳನ್ನು ಅನುಕ್ರಮಗೊಳಿಸಲು ಈ ಕಾರ್ಯಾಚರಣೆಯನ್ನು ಪ್ರಾರಂಭಿಸುವ ಮೂಲಕ, ಜಾಗತಿಕ ಸಾಂಕ್ರಾಮಿಕಕ್ಕೆ ಕಾರ್ಣವಾದ ಈ ವೈರಸ್ ನ  ಸ್ವರೂಪವನ್ನು ಅರ್ಥಮಾಡಿಕೊಳ್ಳಲು ನಾವು ಉತ್ತಮವಾಗಿ ಸಜ್ಜುಗೊಳ್ಳುತ್ತೇವೆ.. " ಸಿಎಸ್ಐಆರ್-ಐಎಮ್ ಟೆಕ್ ಭಾರತದಿಂದ ಬಂದ ಎಸ್ಎ ಆರ್ ಎಸ್-ಸಿ ಒ ವಿ -2 ತಳಿಗಳಲ್ಲಿನ ರಾಸಾಯನಿಕ ಮಾರ್ಪಾಡುಗಳನ್ನು ಅಧ್ಯಯನ ಮಾಡಲು ಪೋರ್ಟಬಲ್, ನೈಜ-ಸಮಯ ಮತ್ತು ನೇರ ಜೀನೋಮ್ ಅನುಕ್ರಮದಲ್ಲಿನ ತನ್ನ ಅನುಭವವನ್ನು ಬಳಸಲಿದೆ.

***