ਕੇਂਦਰੀ ਪ੍ਰਤੱਖ ਟੈਕਸ ਬੋਰਡ  (ਸੀਬੀਡੀਟੀ)  ਨੇ ਅੱਜ ਕਿਹਾ ਕਿ ਕੁੱਲ 5,204 ਕਰੋੜ ਰੁਪਏ  ਦੇ ਇਨਕਮ ਟੈਕਸ ਰਿਫੰਡ ਲਗਭਗ 8.2 ਲੱਖ ਛੋਟੇ ਕਾਰੋਬਾਰਾਂ (ਪ੍ਰੋਪਰਾਈਟਰ,  ਫਰਮ,  ਕੰਪਨੀਆਂ ਅਤੇ ਟਰੱਸਟ)  ਨੂੰ 8 ਅਪ੍ਰੈਲ 2020 ਤੋਂ ਲੈ ਕੇ ਹੁਣ ਤੱਕ ਜਾਰੀ ਕੀਤੇ ਗਏ ਹਨ।  ਇਹ ਇਨਕਮ ਟੈਕਸ ਰਿਫੰਡ ਕੋਵਿਡ-19 ਮਹਾਮਾਰੀ ਦੀ ਮੌਜੂਦਾ ਪਰਿਸਥਿਤੀਆਂ ਵਿੱਚ ਤਨਖ਼ਾਹ ਕਟੌਤੀ ਅਤੇ ਕਰਮਚਾਰੀਆਂ ਦੀ ਛਾਂਟੀ ਦੇ ਬਿਨਾ ਹੀ ਆਪਣੇ ਕਾਰੋਬਾਰ ਨੂੰ ਚਲਾਉਣ ਵਿੱਚ ਸੂਖਮ, ਲਘੂ ਅਤੇ ਦਰਮਿਆਨੇ ਉੱਦਮਾਂ (ਐੱਮਐੱਸਐੱਮਈ) ਦੀ ਮਦਦ ਕਰਨਗੇ।

ਸੀਬੀਡੀਟੀ ਨੇ ਕਿਹਾ ਕਿ ਸਰਕਾਰ ਦੇ ਫੈਸਲੇ  (8 ਅਪ੍ਰੈਲ 2020 ਦਾ ਪ੍ਰੈੱਸ ਨੋਟ ਦੇਖੋ)  ਦੇ ਬਾਅਦ ਤੋਂ ਲੈ ਕੇ ਹੁਣ ਤੱਕ ਇਨਕਮ ਟੈਕਸ ਵਿਭਾਗ ਨੇ ਹਰੇਤ 5 ਲੱਖ ਰੁਪਏ ਤੱਕ ਦੇ ਲਗਭਗ 14 ਲੱਖ ਰਿਫੰਡ ਜਾਰੀ ਕੀਤੇ ਹਨ,  ਤਾਕਿ ਕੋਵਿਡ-19 ਮਹਾਮਾਰੀ ਦੀ ਮੌਜੂਦਾ ਸਥਿਤੀ ਵਿੱਚ ਕਰਦਾਤਿਆਂ ਦੀ ਮਦਦ ਕੀਤੀ ਜਾ ਸਕੇ।  ਐੱਮਐੱਸਐੱਮਈ ਸੈਕਟਰ  ਦੇ ਛੋਟੇ ਕਾਰੋਬਾਰਾਂ ਨੂੰ ਰਾਹਤ ਪ੍ਰਦਾਨ ਕਰਨ ਉੱਤੇ ਫੋਕਸ ਕਰਦੇ ਹੋਏ ਸੀਬੀਡੀਟੀ ਛੇਤੀ ਤੋਂ ਛੇਤੀ 7,760 ਕਰੋੜ ਰੁਪਏ  ਦੇ ਹੋਰ ਰਿਫੰਡ ਜਾਰੀ ਕਰੇਗਾ।

ਸੀਬੀਡੀਟੀ ਨੇ ਆਪਣੀ ਇਹ ਬੇਨਤੀ ਦੁਹਰਾਈ ਕਿ ਲਗਭਗ 1.74 ਲੱਖ ਮਾਮਲਿਆਂ ਵਿੱਚ ਬਕਾਇਆ ਟੈਕਸ ਮੰਗ ਨਾਲ ਸਬੰਧਿਤ ਕਿਸੇ ਵੀ ਉਲਝਨ ਨੂੰ ਸੁਲਝਾਉਣ ਲਈ ਕਰਦਾਤਿਆਂ  ਦੇ ਜਵਾਬ ਦਾ ਇੰਤਜਾਰ ਕੀਤਾ ਜਾ ਰਿਹਾ ਹੈ। ਇਸ ਸਬੰਧ ਵਿੱਚ 7 ਦਿਨਾਂ ਦੇ ਅੰਦਰ ਜਵਾਬ ਦੇਣ ਲਈ ਇੱਕ ਰਿਮਾਇਨਡਰ ਈਮੇਲ ਭੇਜੀ ਗਈ ਹੈ,  ਤਾਕਿ ਰਿਫੰਡ ਦੀ ਪ੍ਰੋਸੈੱਸਿੰਗ ਛੇਤੀ ਤੋਂ ਛੇਤੀ ਕੀਤੀ ਜਾ ਸਕੇ ।

ਜ਼ਿਕਰਯੋਗ ਹੈ ਕਿ ਇਹ ਜਵਾਬ ਕਰਦਾਤਾ ਈ- ਫਾਇਲਿੰਗ ਖਾਤੇ ਜ਼ਰੀਏ ਇਸ ਉੱਤੇ ਔਨਲਾਇਨ ਦਿੱਤੇ ਜਾ ਸਕਦੇ ਹਨ  :  www.incometaxindiaefiling.gov.in

****

ਆਰਐੱਮ/ਕੇਐੱਮਐੱਨ