সরকার অমসুং সরকারগী নত্তবা সেক্তরশিংগীদমক্তা কোবিদ-১৯গা লান্থেংনবদা শিজিন্নবা পোৎলমশিং হেন্না মথৌ তারিবা অসি ৱাত্তনা পীবা ঙম্নবগীদমক্তা দোমেস্তিক ইন্দস্ত্রীনা পোৎচৈ পুথোকপা ঙম্বগী মতিক অসি য়াম্না হেনগৎহনবগী মথৌ তাই। মসিগী মতাংদা ৱেবিনার অমা সোসাইতী ওফ ইন্দিয়ন দিফেন্স মেন্যুফেকচরর্স (এস.দি.আই.এম)না দি.আর.দি.ও.গা খুৎশম্নদুনা দিপার্তমেন্ত ওফ দিফেন্স রিসর্চ (দি.দি. আর. & দি.)গী সেক্রেতরী অমসুং দিফেন্স রিসর্চ অমসুং দিবেলপমেন্ত ওর্গানাইজেসন (দি.আর.দি.ও.)গী চিয়রমেন ওইরিবা দা. জি. সতীশ রেদ্দীনা লুচিংদুনা অমসুং অতোপ্পা স্তেকহোলদরশিংগা পুন্না ঙসি ৱেবিনার অমা পাংথোকখ্রে।

দা. রেদ্দীনা সেসন অদুদা মপুং ওইনা ৱা ঙাংখি অমসুং লাইচৎ অসি মায়োক্ননবগী লৈবাক্কী ওইবা থৌদোক অসিদা মতেং পাংনবগীদমক্তা কোবিদ-১৯গা মরী লৈনবা মেদিকেল ইক্বিপমেন্তশিং পুথোক্নবা ইন্দস্ত্রীশিংনা চোংথোরক্তুনা হোৎনবীবগীদমক্তা থাগৎপা ফোংদোকখি। মহাক্না পি.পি.ই.শিংগীদমক্তা ওইবা দি.আর.দি.ও.গী অনৌবা দিজাইনগী মতাংদা শমলপ্না তাকখি অমসুং মসিবু পাম্বা ইন্দস্ত্রীশিংদা মসিগী মপুং ফাবা নো-হাউসসু পীগনি হায়বগী থাজবা পীখ্রে। মহাক্না মখা তানা হায়খি মদুদি আর. & দি.না পি.পি.ই. ফেব্রিকশিং অসি অমুক হন্না শিজিন্নবা য়ানবগী মতাংদা কন্না হোৎনরি। ভেন্তিলেতরশিং, ওক্সিজেন সিলিন্দরশিং, গোগলশিং, তেস্ত কিৎশিং, স্বাবশিং অমসুং ভাইরেল ত্রান্সপোর্ত মেদিয়ম (ভি.তি.এম.)শিংগীদমক্তা মরু ওইবা কম্পোনেন্তশিংগী ইন্দিজিনাইজেসনগীদমক্তা য়াম্না কন্না হোৎনরি।

দি.দি. আর. & দি.গী সেক্রেতরীনা হায়খি মদুদি দি.আর.দি.ও.না হৌজিক হৌজিক চাউরাক্না পোত্থোক ১৫-২০মুক পুথোক্নবা হোৎনরি। মহাক্না য়ু.ভি. সেনিতাইজেসন বোক্স, খুৎনা পাইবা য়ু.ভি. দিভাইস, কোবসেক (কোবিদ সেমপল কলেক্সন কিওস্ক), ফুত ওপরেতেদ ফ্যুমিগেশন দিভাইস, তচ ফ্রী সেনিতাইজর অমসুং কোবিদ-১৯দগী ঙাকথোক্নবা ফেস শীল্দ হায়রিবা নৌনা পুথোকপা পোত্থোকশিং অসিগী মরমদা ময়েক শেংনা তাকখি।

ইন্তরেক্তিব সেসন অদুদা ৱাহং কায়ামরুম অমা ইন্দস্ত্রীশিংনা পোৎচাক, পোৎচাক ফংফম, চাংয়েং তৌবা, সীলেন্তশিং অমসুং দি.আর.দি.ও.না পুথোকপা পোত্থোকশিংগী মতংদা ৱাহং কয়ামরুম অমা থাংগৎখি। ৱাহংশিং অদুগী পাউখুম অদু দি.আর.দি.ও., সাউথ ইন্দিয়া তেক্সতাইল রিসর্চ এসোসিয়েসন  (এস.আই.তি.আর.এ.) অমসুং অতোপ্পা ওর্গনাইজেসনশিংগী পেনেলিস্তশিংনা পীখি। ইক্বিপমেন্তশিং অসিগী তেক্নিকেলগী ওইবা অকুপ্পা মরোল পুম্নমক দি.আর.দি.ও.গী মাইকৈদগী ইন্দস্ত্রীশিংদা পোত্থোক পুথোক্নবগীদমক্তা  লেম্না ফংহনখি।

মহাক্না ৱেবিনার য়াওবা লাক্লিবশিং পুম্নমক্তা মাইপাকপা ওইনবসু ফোংদোকখ্রে অমসুং দি.আর.দি.ও. অমসুং ইন্দস্ত্রীশিংগী মরক্তা লৈরিবা তেক্নিকেল পার্তনরশিপ অসি চিরবা মতম অসিদা হেন্না চেৎশিল্লগনি হায়না থজবা পীখ্রে।