প্রধানমন্ত্রীগী লোইশঙ
প্রধান মন্ত্রী অমসুং রিপব্লিক ওফ সাউথ আফ্রিকাগী রাস্ত্রপতিগী মরক্তা তেলিফোন্দা ৱারী শানখ্রে
Posted On:
17 APR 2020 8:56PM by PIB Imphal
প্রধান মন্ত্রী শ্রী নরেন্দ্র মোদীনা রিপব্লিক ওফ সাউথ আফ্রিকাগী রাস্ত্রপতি হিজ এক্সিলেন্সী সাইরিল রামাফোসাগা ঙসি তেলিফোন্দা ৱারী শানখ্রে।
লুচিংবা অনিনা কোবিদ-১৯ লাইচৎনা থোকহল্লিবা দোমেস্তিক, রিজনেল অমসুং গ্লোবেলগী শিংনবশিংগী মতাংদা মিৎয়েংশিং থম্নখি। মখোয়না মখোয়গী প্রজাশিংগী হকশেল ঙাক্তুনা থম্নবগা লোয়ননা শেনমিৎলোনগী শাফু হন্থহন্নবা মখোয়-মখোয়গী মরী লৈনবা সরকারশিংনা লৌখৎলিবা খোঙথাংশিংদা খন্ন-নৈনখি।
প্রধান মন্ত্রীনা থাজবা পীখি মদুদি শিংনরিবা মতম অসিগী মনুংদা ভারতনা মরুওইবা হিদাক-লাংথকশিংগী সপ্লাই ফংহন্নবগীদমক সাউথ আফ্রিকাদা পীবা য়াবা তেংবাং পুম্নমক পীগনি।
প্রধান মন্ত্রীনা রাস্ত্রপতি রামাফোসানা আফ্রিকান য়ুনিয়নগী লুচিংবা অমা ওইনা মহাক্কী হৌজিক লৈরিবা কেপাসিতীদা লাইচৎ অসিদা কন্তিনেন্ত-ৱাইদ রেস্পোন্স অমা কোওর্দিনেৎ তৌনবগীদমক লৌরিবা থৌদাং অদু থাগৎপা ফোংদোকখি।
ভারত অমসুং আফ্রিকাগী মরক্তা মরূপ ওইবা অমদি পিপল-তু-পিপল একচেঞ্জগী চহি চা কয়া লীরবা মরীশিং অদু পল্লদুনা প্রধান মন্ত্রীনা ভাইরস অসিগী মায়োক্তা আফ্রিকা অপুনবনা হোৎনরিবা অদুগীদমক ভারতকী মপুং ফাবা তেংবাংগী ৱাফম থমখি।
(Release ID: 1615605)
Visitor Counter : 157
Read this release in:
Punjabi
,
English
,
Urdu
,
Marathi
,
Hindi
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam