প্ৰধানমন্ত্ৰীৰ কাৰ্যালয়

প্ৰধানমন্ত্ৰী আৰু ইজিপ্তৰ ৰাষ্ট্ৰপতিৰ মাজত টেলিফোনিক বাৰ্তালাপ

Posted On: 17 APR 2020 8:37PM by PIB Guwahati

প্ৰধানমন্ত্ৰী শ্ৰী নৰেন্দ্ৰ মোদী আৰু ইজিপ্তৰ ৰাষ্ট্ৰপতি শ্ৰীযুত আব্দেল ফাটাহ এল-ছিছিয়ে আজি এক টেলিফোনিক বাৰ্তালাপত মিলিত হয়৷

দুয়োগৰাকী নেতাই ক’ভিড-১৯ মহামাৰীয়ে বিশ্বত সৃষ্টি কৰা পৰিস্থিতিৰ লগতে দুয়োখন দেশৰ চৰকাৰে দেশ দুখনৰ জনসাধাৰণৰ স্বাস্থ্য সুৰক্ষাৰ বাবে গ্ৰহণ কৰা পদক্ষেপসমূহৰ সন্দৰ্ভত মত বিনিময় কৰে৷ দুয়োগৰাকী নেতাই এই মহামাৰী ৰোধৰ বেলিকা লাভ কৰা অভিজ্ঞতা আৰু উন্নত অনুশীলনৰ বিনিময়ৰ ক্ষেত্ৰত সহমত প্ৰকাশ কৰে৷

প্ৰধানমন্ত্ৰীয়ে এই জটিল সন্ধিক্ষণত ভাৰতে অত্যাৱশ্যকীয় ঔষধ-পাতি যোগন সুনিশ্চিত কৰাকে ধৰি ইজিপ্তক সম্ভাব্য সকলো ধৰণৰ সহায় কৰাৰ আশ্বাস দিয়ে৷ তেওঁ ইজিপ্তত বসবাস কৰা ভাৰতীয় নাগৰিকসকলৰ প্ৰতি দেশখনৰ চৰকাৰে আগবঢ়োৱা সহায়ৰ বাবে ৰাষ্ট্ৰপতি ছিছিক ধন্যবাদ জনায়৷

দুয়োগৰাকী নেতাই দেশ দুখনৰ বিষয়াসকলে ক’ভিড-০১৯ সন্দৰ্ভত ঘনিষ্ঠ সহযোগিতা আৰু অভিজ্ঞতা বিনিময়ৰ ক্ষেত্ৰত সদায় সম্পৰ্ক ৰক্ষা কৰি যাব বুলি সহমত প্ৰকাশ কৰে৷

***

VRRK/AK/DB


(Release ID: 1615601) Visitor Counter : 191


Read this release in: English , Urdu , Marathi , Hindi , Manipuri , Bengali , Punjabi , Gujarati , Odia , Tamil , Telugu , Kannada , Malayalam