লৈবাক অসিগী মফম খুদিংমক্তা লৈরিবা দিস্ত্রিক এদমিনিস্ত্রেসন অমসুং গ্রাম পঞ্চায়তশিংনা থৱাই-হকচাং য়াওনা লৈবাক অসিগী মনুং হঞ্জিনবা মফমশিংদা কোভিদ ১৯ শন্দোকপদগী য়েংশিন্নবা খোঙথাং কয়া লৌখৎলি। ভারত সরকারগী  পঞ্চায়তি রাজ মন্ত্রালয়না রাজ্য সরকারশিং, দিস্ত্রিক ওথোরিতিশিং, অমসুং গ্রাম পঞ্চায়তশিংগা খুৎশম্নদুনা লোকদাউনগী থৌরাংশিং থুগাইদনবা অমসুং সোসিয়েল দিস্তেন্সিংগী কাঙলোনশিং নীংথিনা ঙাক্তুনা চৎনবা হোৎনরি।

পঞ্চায়তকী থাক্তা অতোপ্পনা মতৌ তম্বা য়াবা খ্বাইদগী ফরবা তোঙান-তোঙানা থৌরাং কয়া পায়খৎলি। মখোয়শিংদুগী মনুংদা খরদি -

উত্তর প্রদেশঃ

• সিধারথনগর জিলাদা, পোস্তমেন অমনা গ্রাম পঞ্চায়তকী খুঞ্জাশিংদা মাইক্রো এ.তি.এমগী খুথাংদা শেল লৌথোকপা য়াহন্দুনা মতেং পাংলি।

• মিরুত দিভিজন্দা, জিলা ৬তা লৈবা অতোপ্পা লমগী মীওই ২০,০০০ মশক খঙদোকখ্রে। অপুনবা অতোপ্পা লমগী মীওই ৬০০ মপান লমদা চৎলুবগী পাউ লৈ।

• মীওই ৬৬০০কী ক্বারেন্তিন সেন্তর পুন্না ৭০০ মথৌ তৌরি।
• গ্রাম প্রধান/সেক্রেতরিনা চানবা অমসুং লৈফম শীল্লি।
• খম থেংনা লাইরবা ইমুংশিংদা ৱারবা মতম অসিদা থাগী লুপা ১০০০/- পীরি।
• রাসন/অথোংবা চাক-ইনশাং অতোপ্পা লমগী মীওইশিংদা অমসুং লৈজদ্রবশিংদা নুমিত খুদিংগী য়েল্লি।
• অমোৎপা শেংবগী থবক তৌরিবা থৌমী ২৮২০দা মাস্ক, সিনেতাইজর/সাপোন, গ্লোব অসিনচিংবা পীরি অমসুং মখোয়না খুঙ্গংশিংবু নুমিত খুদিংগী শেংবগী থবক তৌরি।
• চেকশিন্নিঙাই ওইবা মফমশিংদা চাং নাইনা সোদিয়ম হাইপোক্লোরাইত অমসুং ব্লিচিং পাউদর শীজিন্নদুনা সেনিতাইজ তৌরি।

কেরলাঃ

লোকেল সেলফ গবর্নমেন্ত ইন্সতিত্যুতশিংগী মতেংগা লোয়ননা পঞ্চায়ত অমসুং ম্যুনিসিপালিতিশিংদা ময়ামগী চাখুম ১৩০৪ মথৌ তৌহনখ্রে। মসিগী মনুংদগী ময়ামগী চাখুম ১১০০না কুদুম্বাশ্রী (স্তেত ৱিমিন এম্পৱারমেন্ত প্রোগ্রাম) গা লোয়ননা চলাইরি অমসুং লেমহৌরিবসিনা এল.এস.জি.আইশিংনা মখোয় মশানা হোৎনজদুনা চলাইরি।

• কুদুম্বাশ্রীনা লশিংগী মাস্ক লাখ ১৮ হেন্না ফি তুবা ৩০০রোমগা লোয়ননা শেমখ্রে অমসুং য়েন্থোকখ্রে।
• মসিতা নত্তনা, মাইক্রো ইন্তরপ্রাইস য়ুনিত ২১না সেনিতাইজর লিতর ২৭০০ শাখ্রে।
• কুদুম্বাশ্রীগী কম্যুনিতি কাউন্সেলর ৩৬০গী মতেংনা কাউন্সেলিং অমসুং ৱাখলগী ওইবা মতেং কয়া ৱাখলগী মতেং মথৌ তাবাশিংদা পীখ্রে। মার্চকী ১৫দগী এপ্রিল ৫ ফাওবদা হায়রিবা সার্ভিস অসি মীওই ৪৯৪৮৮দা ফংহনখ্রে।
• এল.এস.জি.আইশিংনা কুদুম্বাশ্রীগী মতেংনা নৈবরহুদ গ্রুপ (এন.ঐচ.জি) মেম্বর লাখ ২২গা লোয়ননা ৱাৎসঅপ গ্রুপ লাখ ১.৯ শেমদুনা কোভিদ-১৯ লোকদাউনগী মনুংদা সরকারগী পাউতাকশিংবু মখোয়দা খঙহন্নবগীদমক শেমখ্রে। হৌজিক হৌজিক মসিগী প্লেতফোর্ম অসি শীজিন্নদুনা ঈ পাউশিং এন.ঐচ.জি গ্রুপশিংদা থারি।

দাদর অমসুং নগর হাভেলিঃ

• তৌগদবা অমসুং তৌরোইদবশিং পঞ্চায়তকী মফমশিংদা সেনিতাইজেসন তৌবগা লোয়ননা নুমিত খুদিংগী খঙহল্লি।
• খুঙ্গংগী মফমশিংদা খুৎ চাম্নবা সেনিতাইজর লাখ ১.৩২ অমসুং মাস্ক ১৭,৪০০ লেম্না য়েন্থোকখ্রে।
• অকক্নবা মতমদা দুকানশিং হাংবা; সোসিয়েল দিস্তেন্সিং ঙাক্নবা দুকানশিংদা মী লেপ্নবা চৈখৈ চিংবনচিংবা।
• অকসায়া পত্র ফাউন্দেসন্না নুমিত খুদিংগী চানবা থোংদুনা লৈজদ্রবশিংদা পীবদা নত্তনা লম্বী শোরোক্তা লৈবা শা-ষনশিংদসু মচীঞ্জাক য়েন্থোক্লি।
• গ্রাম পঞ্চায়ত ২০দা লৈবা খুঙ্গংশিংদা আই.ই.সি গারীশিং শীজিন্নদুনা কোভিদ ১৯গী মরমদা খুঞ্জাশিংদা ৱাখল লৌশিং শন্দোক্লি।
• গ্রাম পঞ্চায়ত ২০মক্তা চেজাই ১০০০০ রোম য়েন্থোকখ্রে।
• ৱাংনা শাবা দলালশিংগী লিফশিংদসু সেনিতাইজ তৌখ্রে অমসুং মফমদুদা লৈবা মীয়ামদা লিফশিংবু অহল ওইরবশিং, মীরোনবী অমসুং নাম্মা শোইরবা মীওইশিং খক্তনা শীজিন্নহন্নবা খঙহনখ্রে।

অন্ধ্র প্রদেশঃ

য়ুম-য়ুমদা সর্ভে তৌবা অমসুং মাস্ক য়েন্থোকপাঃ সরকারনা কোভিদ ১৯দগী চেকশিন্নবা প্রজাশিংদা মাস্ক ক্রোর ১৬ য়েন্থোক্কনি অমসুং রাজ্য অসিনা অহুমশুবা তাঙ্কক্কী য়ুম-য়ুমদা সর্ভে তৌবা হৌখ্রে।

• য়ুমথোং ক্রোর ১.৪৭ লৈবগী মনুংদা য়ুমথোং ক্রোর ১.৪৩ দি কোভিদ-১৯ কেস লৈব্রা হায়না য়েংবা ঙমখ্রে।
• হৌজিক ফাওবদা, কেস ৩২.৩৪৯ মেদিকেল ওফিসরশিংদা শিন্নখিবগী মনুংদা ৯.১০৭ তেস্ত তৌনবা থাখ্রে।

সর্ভে অসি ইন্দিয়ন কান্সিল ওফ মেদিকেল রিসর্চ (আই.সি.এম.আর) না পীবা কাঙলোনগী মতুং ইন্না তৌবনি।