কোবিদ-১৯ লাইচৎ অসিগা মরী লৈননা, ভারত সরকারগী পঞ্চায়তী রাজগী মন্ত্রালয়না রাজ্য সরকারশিংগা খুৎশম্নদুনা তোঙান-তোঙানবা খোঙথাং কয়া লৌখৎখ্রে। লোকদাউনগী খোঙথাংশিংবু থুগাইদনবা অমসুং সোসিয়েল দিস্তেন্সিংগী কাঙলোনশিংবু ঙাক্না চত্তুনা লাইচৎ অসি লাকশিন্নবগীদমক রাজ্যশিং অমসুং দিস্ত্রিক ওথোরিতীশিংগা কুপ্না খন্ন-নৈনদুনা মখোয়গী কাঙলোনশিং ইন্নবা হোৎনরি।

খ্বাইদগী ফবা খুদম ওইনা অতোপ্পশিংনা পায়খৎপা য়াবা তোঙান-তোঙানবা থৌরাং কয়া পঞ্চায়ৎকী থাক্তা পায়খৎনরি। মখোয়শিংদুগী মনুংদগী খরদি-

রাজস্থানঃ রাজ্য অসিগী গ্রাম পঞ্চায়ৎ খুদিংমক্তা খুঙ্গংশিংদা লৈরিবা মীপুম খুদিংমক্তা ভাব তাহন্নবা সোসিয়েল মীদিয়া ৱাৎসএপ গ্রুপ শিজিন্নরি। মফম খুদিংমক্তা পোস্তর থেত্তুনা খুঞ্জাশিংদা ঈ-পাউশিং মখোঙদগী হৌনা ভাব তাহল্লি। হনুমানগর্হ দিস্ত্রিক্তকী মাকাসর গ্রাম পঞ্চায়ৎকী লম্বীশিংদা সোদিয়ম হাইদোক্লোরাইৎ চাইথোক্লি অমসুং চাং নাইনা শেংদোকপগী থবক পায়খৎলি। মাই খুম্নবা ফি হায়বদি ফেস মাস্কশিং গ্রাম পঞ্চায়ৎ মেম্বরশিং অমসুং সোসিয়েল ওর্গনাইজেসনশিংনা য়েন্থোক্লি অমসুং নাগরিকশিংদা মিৎ, নাতোন অমসুং চীন থেংদনবা, খুৎ-শা সাপোন্না তোইনা হামদোক্নবা অমসুং অমগা-অমগগী মরক্তা অরাপ্পা নীংথিনা থম্নবা হায়রি। খুঙ্গংগী প্রজাশিংদা রাসন য়েন্থোকপগী মথক্তা মপু লৈত্রবা শা-শনশিংগী শজিকসু সোসিয়েল সর্ভিস ওর্গানাইজেসনশিংনা পীবীরি।

বিহারঃ ইন্দো-নেপাল ঙমখৈদগী কিলোমীতরর ১৪খক চৎলগা লৈবা সিংৱাহিনী গ্রাম পঞ্চায়ত্তা সর্পঞ্চনা খুদম ওইদুনা লুচিংলি। মীয়াম ভাব তাহন্নবগীদমক ফক্লাংদা লাই য়েকপগী থবক পায়খৎলি।

ছতিসগর্হঃ খুঙ্গংগী প্রজাশিংদা অমসুং অতোপ্পা লমদগী লাকপা মীশিংদা অমগা-অমগগী মরক্তা অরাপ্পা থম্নবা অমসুং কারিকর দিস্ত্রিক্তা খুঙ্গংদুদা হল্লকপা মীওইশিংনা করম্বা খোঙথাং লৌখৎকদগে হায়বগী মতাংদা ৱাখল লৌশিং পীরি। এম.এন.আর.ই.জি.এ.গী লৌউ-শিংউ তৌবা অমসুং শিনমীশিংদা পি.আর.ওফিসেলশিংনা অমগা-অমগগী মরক্তা অরাপ্পা থম্বা অমসুং খুৎ-শা হাম্বগী মতাংদা ৱাখল-লৌশিং পীরি।  

তমিল নাদুঃ কানানুর গ্রাম পঞ্চায়ত্তা সেনিতাইজেসনগী থবক পায়খৎলি। খুঙ্গংগী প্রজাশিংনা মেতুপতী গ্রাম পঞ্চায়ত্তা রাসন অমসুং চঙদবা য়াদ্রবা পোৎচংশিং লৌবা মতমদা অমগা-অমগগী মরক্তা অরাপ্পা নীংথিজনা থম্লি। কোইম্বতোর দিস্ত্রিক্তকী পোলাচীগী অৱাং থংবা ব্লোককী ভাদাকিপালায়ম খুঙ্গংদা দিসইনফেক্তেন্ত কাপথোক্লি। তিরুভালুর দিস্ত্রিক্তকী ব্লোক পুলারাম্বাকম পার্ত্তা লৈবা শোত্থরবা কাঙলুপকী মীওইশিংদা গারী শীজিন্নদুনা মনা-মশীং য়েন্থোক্লি। ভিরুধুনগর ব্লোক্তা পাক্তক্ননা শেংদোকপা অমসুং দিসইনফেক্তেন্ত কাপথোকপগী থবক পায়খৎলি। তিরুভানামলাই দিস্ত্রিক্তকী য়ুম্থোং খুদিংদা দিসইনফেক্তেন্ত কাপথোক্লি। দিস্ত্রিক্ত অসিদা হকশেল অমসুং সেনিতেসনগী থবক তৌরিবা মীওইশিংদসু পি.পি.ই. কিৎ মখল ৩ য়েন্থোকখ্রে।

ওরিশাঃ কত্তক, ভুবনেস্বর অমসুং ভদ্রাক্তা সৎদাউন তৌরিঙৈ মতমদা, তোঙান-তোঙানবা গ্রাম পঞ্চায়ৎশিংগী খম থেংনা লাইরবা মীওইশিংদা চানবা পোৎলমশিং পীরি। ভন্দারী পোখারী জি.পি.দা লৈবা বেনিফিসরীশিংদা ফুদ সেক্যুরিতী এসিস্তেন্স ওইনা লুপা ১০০০/- পীরি। ভদ্রাক জি.পি.গী মখাদা লৈবা সদার গ্রাম পঞ্চায়ৎকী মফমশিং ওরিশা ফায়র সার্ভিসনা সেনিতাইজ তৌরি। ‘ হিংবগী লম্বী ফহনবা, মী তিনবা হন্থবা’- সদার ব্লোক্কী অকোইবদা লৈবা জি.পি.শিংদা লৈবা মহৈ মরোং থারিবশিংবু ঙাক্লৌ পীনবা, ভদ্রাক্তা সোসিয়েল দিস্তেন্সিং মপুং ফানা চৎনদুনা চঙদবা য়াদ্রবা পোৎ-চৈ য়োনবা কৈথেল হাংলি। বিলাস্পুর দিস্ত্রিক্তকী বমতা ব্লোককী গ্রাম পঞ্চায়ৎকী প্রধান্না খুঙ্গংগী প্রজাশিংদা কোবিদ ১৯গী মতাংদা ভাব তাহন্নবা হোৎনবা অমসুং মসিদগী ঙাকথোক্নবগী থৌরাংশিং পায়খৎপদা নত্তনা সরকারগী লোয়শঙশিং হায়বদি স্কুল, অঙ্গনৱারীশিং, জি.পি. ওফিস, লাইশঙ, য়ুম, লম্বী অসিনচিংবশিংবু মশানা পুথোকচদুনা সেনিতাইজ তৌরি। মহাক্না খুঙ্গংগী প্রজাশিংদা মাস্ক অমসুং সেনিতাইজরশিংসু য়েন্থোক্লি অমসুং লৈকাই- লৈকাইগী নহাশিংগা লোইননা অতোপ্পা লমদগী লাকপা শিন্মীশিংদা রাসন য়েন্থোক্লি।

তেলঙ্গনাঃ মীয়াম ভাব তান্ননবা মীফমশিং তেঙ্গনা রাজ্যগী মফম খুদিংমক্তা জিলাগী থাক্তা পাঙথোক্লি। সর্পঞ্চশিং, কাউন্সিলরশিং, জিলা পরিশদ মেম্বরশিং, ম্যুনিসিপাল চেয়রমেনশিং, তহশিলদারশিং অসিনচিংবশিংদা কোবিদ ১৯গী তৌগদবশিংগী ত্রেনিং পীরি। রঙ্গরেদী জিলাগী এস.বি. পালি জি.পি.না ময়ামগী মতেং পাংবা থৌমীশিং অমসুং সরকারগী ওফিসিএলশিংনা খুঙ্গংশিংদা চংদ্রিঙৈদা মখোয় হান্না সেনিতাইজ তৌনবগী খোঙথাং লৌখৎলি। সকারাপল্লী মন্দলগী চেয়রপার্সন্না মশামক্না মাস্ক তুদুনা কোতাপল্লিী জি.পি.গী খুঞ্জাশিংদা য়েন্থোক্লি। মেদাক জিলাগী সলকারাম্পেত মন্দলদা লোকদাউন মনুংদা বেঙ্ককী খুদোংচাবা ফংদ্রবা বেনিফিসরীশিংদা পেন্সন য়েন্থোকপদা মশামক শরুক য়ারি।

মহারাস্ত্রঃ মহারাস্ত্রদগী মীতোপ শিনমীশিংনা দোর্নাকালদা মখোংনা মশাগী খুলদা চৎলিবা মীওইশিংদা লৈফম, চেঙ অমসুং থক্নবা ঈশিং ওফিসিএলশিংনা পীরি।

কর্নাতকাঃ উত্রা কনাদা জিলাগী ভাতকাল তালুক্কী জালী তাউন পঞ্চায়ৎনা থাগৎনীংঙাই ওইবা থবক কয়া হোৎনরি। তাউন পঞ্চায়ৎনা লোকদাউন মমাঙদগী হৌনা কোবিদ-১৯দগী ঙাকথোক্নবা থৌরাং কয়া মায় পাক্না পায়খৎখি। মসিদা খুঞ্জাশিং, ঙামীশিং, অমসুং লম কোয়বা মীওইশিং মহৌশাগী পুন্সিদা পুনবা ভাতকাল শমুদ্র খোঙাবাল লৈ। পঞ্চায়ৎ প্রসিদেন্তনা মফম অসিগী অকোয়বা হান্না থিংজিন্দুনা শমুদ্র খোঙবাল অসিদা মী লাকপা থিংখি। মহাক্না থংনবা গ্রাম পঞ্চায়ৎশিংনসু মসিমক তৌনবা অমসুং থবক অসিবু শৌগৎপীনবা হোৎনখি। মহাক্না ময়ামদা কোরোনাভাইরসকী মতাংদা ভাব তানবা অমসুং মসিদগী ঙাকথোক্নবা খোংথাংশিং চেদা নমথোকখি।

লদাখঃ কার্গিল জিলাগী চৌকিয়াল জি পি (খ্বাইদগী ঈংবা মফমশিংগী মনুংদা অমা ওইরিবা) অমসুং লেহ জিলাগী দিস্কেত নুব্রা জি.পি.দা চাননবা চীঞ্জাকশিং য়েন্থোকপগী থবক পায়খৎলি। লদাখতা হেলথ চেক অপ অমসুং ক্বরেন্তাইন ফেসিলিতীশিং শীন-লাংখি।

ঝার্খন্দঃ কোদর্মা জিলাগী মনুং হঞ্জিনবা খুঙ্গংশিংদা ফোরেস্তকী থৌমীশিংনা লেম্না রাসন য়েন্থোক্লি।

কেরলাঃ ইর্নাকুলম জিলাগী ভাদাকেকারা গ্রাম পঞ্চায়ৎনা অথু-অকাইগী ওইবা থবক থৌরম পাঙথোক্নবা ৱেবসাইৎ অমা হৌদোকখি।

অন্দমান অমসুং নিকোবার ইথৎশিং: সরকারনা তশেংনা মতেং মথৌ তারবা মীওইশিং মশক খঙদোকখ্রে। মখোয়দা ইনশাং-নাপী, রাসনগী পোৎ-চৈশিং, য়েন, বেকরীগী পোত্থোক অমসুং থক্নবা ঈশিং কয়া অৱাবা কোক্নবা পীখি। ইথৎ অপুনবগী ওইনা য়ুম্থোং খুদিংমক থুংনবা হোৎনখি। থৌমীশিংনা ২৪X৭ থবক শুদুনা ময়ামগী পুন্সিদা য়াইফনবা হোৎনখি। নিল কেন্দ্র জি.পি.দা, সেনিতেসনগী শিন্মীশিংনা কৈথেলগী মফম পুম্বা দুকান, ইনশাং-নাপী য়োনবা কৈথেল য়াওনা সেনিতাইজ তৌরি।

গোৱাঃ সাত্তরী (অৱাং থংবা গোৱা)গী সোনাল খুঙ্গংগী খুঞ্জাশিংনা, নহাশিংনা ২৪x৭ শেন্নদুনা লৈবা উগী থোং পাল্লি। খুঞ্জাশিংনা মপান থোক্নদনবগীদমক চঙদবা য়াদ্রবা পোৎশিং খুঙ্গংগী মনুংদা ফংহনলি।

*****