হৌজিক থোক্লিবা থৌদোক অসিদা প্রধান মন্ত্রী জনঔশধী কেন্দ্র (পি.এম.জে.কে.)গী মীওইশিংনা কোরোনাবু লান্থেংনরিবা লান্মী অমগুম লান্থেংনদুনা জাতি অসিগীদমক্তা খবক তৌরি হায়না কেমিকেল্স অমসুং ফর্তীলাইজর্সকী রাজ্য মন্ত্রী শ্রী মনসুখ মন্দাবিয়ানা হায়খ্রে।

জন ঔশধী কেন্দ্র ৬৩০০দা মমল হোংবা হীদাকশিং ফংলে হায়বগী অরেপ্পা অমা খঙহল্লগনি হায়না মন্ত্রীনা ত্বীৎ অমদা হায়খি। হৌজিক্কী ফীভম অসি থেংননবা গোদামশিংনা লানগী থাক্তা অহিং-নুংথিল খঙদনা কন্না হোৎনরি হায়না শ্রী মন্দাবিয়ানা মখা তানা হায়খি।

.

লোকদাউনগী চত্থরিঙৈদা খংহৌ হৌরকপা কোবিদ-১৯ না লৈবাক শীন-খুংনা শন্দোকরকপনা মরম ওইদুনা লৈবাক অসিদা প্রধান মন্ত্রী জন ঔষধি কেন্দ্রগী ফার্মাসিস্তশিংনা  অফবা মখলগী হীদাকশিং অহোংবা মমলদা ফংহনগদৌরি।

হৌজিক-হৌজিক, লৈবাকসিগী জীলা ৭২৬ তা পি.এম.জে.এ.কে. ৬৩০০ মথৌ তৌরি।

প্রধান মন্ত্রী জন ঔষধি কেন্দ্রগী (পি.এম.জে.এ.কে.) স্কীম অসি ফার্মাসিয়ুতিকেলসকী বিভাগ, কেমিকেল অমসুং ফরিতীলাইজর্স, ইন্দিয়া গবর্নমেন্তনা মথৌ তারকপা মতমদা অফবা অমদি অহোংবা হকচাং ফগৎলক্নবা চৎনহনখিবনি।

অহোংবা মীদাকশিং শোয়দনা ফংহন্নবা গুরুগ্রামদা সেন্ত্রেল গোদাউন অমা, গুৱাহতী অমসুং চেন্নইদা গোদাউন অনী অমদি দিস্রীব্যুতর ৫০ না মখোয়গী ঙমজবী থাদুনা হোৎনরি। হীদাকশিং পীবা য়েংশিন্নবা, পোলোই অমদগী পোলোই  ফাওবগী ওইবা  অকনবা এস.এ.পী. দা য়ুম্ফম ওইবা সোফ্তৱেয়র য়োন্নবা অমা শেমগৎখ্রে। খ্বাইদগী মনাক নকপা জন ঔষধী কেন্দ্র অমদি মমলগা কোন্নবা হীদাক ফংফমগী মফম খংনবা “জন ঔষধী সুগম”কৌবা মোবাইল এপ্লীকেসনসু লৈ। এপ অসি প্লে স্তোর অমদি আই-ফোন্দগী দাউনলোদ তৌবা য়াই।

লোকদাউন তৌরিঙৈগী মতমদা, প্রধান মন্ত্রী ভারতীয় জনঔষধী পরিয়োজনা (পি.এম.বি.জে.পি.)নসুসোসিএল মেদিয়া প্লেতফোর্মদা মীশিংনা মশানা মশাবু কোরোনাভাইরসতগী ঙাকথোকচনবগী ই-পাওগী ওইবা পোস্তশিংদগী চেকশিন্না য়েংশিল্লি।অদোম্না ফেসবুক, ত্বীতর, ইন্তাগ্রামদনচিংবদা @pmbjpbppi দা ফোলো তৌবা য়াই।

****