রেলৱে মন্ত্রালয়
কোবিদ ১৯গী লোকদাউন য়েংলদুনা পেসেঞ্জর ত্রেন সর্বিস খুদিংমক ২০২০গী মে ৩ ফাওবা লোইনা লেপখ্রে
য়ু.তি.এস. অমসুং পি.আর.এস. য়াওনা তিকেৎকী কাউন্তর খুদিংমক মখা তাবা ওর্দর অমা থোক্ত্রিবা ফাওবা বুকিং তৌবদা অথিংবা লৈগনি,
ই-তিকেৎশিং য়াওনা মাংজৌননা ত্রেন তিকেৎ ককপদা মখা তাবা পাও লাক্ত্রিবা ফাওবা অথিংবা লৈগনি অদুবু ওনলাইন্দা তিকেৎ কেন্সেল তৌবগী খুদোংচাবদি অদুমক লৈগনি,
কেন্সেল তৌখ্রবা ত্রেনশিংগী রিজর্বেসনগী শেনফম অদু পুন্না হন্দোক্কনি
মাংজৌননা ককখিবা কেন্সেল তৌদ্রিবা ত্রেনশিংগী তিকেৎ কেন্সেল তৌবদসু রিজর্বেসনগী শেনফম অদু পুন্না হন্দোক্কনি
Posted On:
14 APR 2020 1:58PM by PIB Imphal
কোবিদ-১৯না মরম ওইদুনা চত্থরকপা লোকদাউনগীদমক্তা লৌখৎলকপা থৌদাংশিংগী মখা তাবা ওইনা ভারতকী রেলৱেজকী প্রিমিয়ন ত্রেনশিং, মেল/এক্সপ্রেস ত্রেনশিং, পেসেঞ্জর ত্রেনশিং, সবর্বান ত্রেনশিং, কোল্কতা মেত্রো রেল, কোঙ্কান রেলৱেনচিংবা য়াওবা পেসেঞ্জর ত্রেন সর্বিসশিং ২০২০গী মে ৩ ফাওবা লেপ্নবা ৱারেপ অমা লৌখ্রে।
লৈবাক অসিগী তোঙান তোঙানবা মফমশিংদা চংদবা য়াদ্রবা পোৎলমশিংগী অৱাৎপা লৈতনা ফংহন্নবগীদমকতদি পোত-চৈ অমসুং পার্সেল পুবা ত্রেনশিংদি অদুমক চেনগনি।
মখা তাবা ৱারোল অমা থোক্ত্রিবা ফাওবা ই-তিকেৎ য়াওনা অতৈ অতোপ্পা তিকেৎ অমত্তা বুকিং তৌবা য়ারোই। তৌবতবু ওনলাইন্দা তিকেৎ কেন্সেল তৌবগী খুদোংচাবদি লৈগনি।
য়ু.তি.এস. অমসুং পি.আর.এস.কী তিকেৎশিং য়াওনা মখা তাবা ৱারোল অমা থোক্ত্রিবা ফাওবা তিকেৎ বুকিং তৌনবা কাউন্তর খুদিংমক থিংজিনগনি।
কেন্সেল তৌখ্রবা ত্রেনশিংগী তিকেৎ রিজর্বেসন তৌবদা চংখিবা শেনফম অদু পুন্না হন্দোক্কনি।
মাংজৌননা ককখিবা কেন্সেলদি তৌদ্রিবা ত্রেনশিংগী তিকেৎ কেন্সেল তৌবদা চংখিবা রিজর্বেসনগী শেনফম অদু পুন্না হন্দোক্কনি।
২০২০গী মে ৩ ফাওবগী মনুংদা লৈবা কেন্সেল তৌখ্রবা ত্রেনশিংগী ওইনা ওনলাইন্দা তিকেৎ ককখিবশিংগী ওইনদি রেলৱেজনা ওনলাইন্দা মথন্তনা অদুম তিকেৎকী শেনফম হঞ্জিল্লক্কনি অমসুং কাউন্তরদা ককখিবশিংগী ওইনদি তিকেৎ কাউন্তরদগী ২০২০গী জুলাই ৩১ ফাওবগী মনুংদা তিকেৎকী শেনফম হন্দোকপা য়াগনি।
(Release ID: 1614452)
Visitor Counter : 149
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam