نئی دہلی،  13 اپریل 2020،   بھارتی ریلوے  یہ یقینی بنانے کی پوری کوشش کر رہی ہے کہ ملک میں تمام لوگوں کے باورچی خانوں میں ضرورت کی خوردنی اشیا اور زرعی شعبے میں کسانوں کو زراعت کے لئے ضروری چیزیں ملتی رہیں۔ اس کوشش کے تحت گزشتہ 12 دنوں میں  یکم اپریل سے 12 اپریل 2020 تک، بھارتی ریلوے 36724 ویگن اناج، 861 ویگن چینی، 1753 ویگن نمک، 606 ویگن خوردنی تیل اور 14317 ویگن کھاد کی ڈھلائی کر چکی ہے۔ ایک ویگن میں 58-60 ٹن سامان کی کھیپ ہوتی ہے۔

یہ کوششیں اناج، چینی، نمک اور خوردنی تیل جیسی  زرعی مصنوعات کی بروقت ڈھلائی  اور كووڈ کی وجہ ملک بھر میں لاک ڈاؤن کے دوران کسانوں کو وقت پر کوافر مقدار میں کھاد کی فراہمی یقینی بنانے کے لئے کی  جا رہے ہیں۔ اپریل 2020 کے پہلے 12 دنوں کے دوران ان ضروری اشیاء کی ترسیل، نقل و حمل اور اترانے  کا  کام پوری رفتار کے ساتھ ہوتا رہا ہے۔

آئندہ خریف کے موسم کے لئے کھاد کی ڈھلائی  اور دستیابی کے لئے کیمیکل  اورفرٹیلائزر کی  وزارت کے ساتھ اور غذائی اجناس کی نقل و حمل کے لئے وزارت زراعت کے ساتھ نزدیکی  تال میل  برقرار رکھا جا رہا ہے۔

تفصیلات درج ذیل ہیں:

بھارتی ریلوے نے پھلوں ، سبزیوں، دودھ اور ڈیری مصنوعات اور زرعی کاموں کے لئے بیجوں سمیت جلد ی خراب ہونے والی اشیاء کے لئے لاک ڈاؤن کے آغاز کے بعد سے پارسل اسپیشل ٹرینوں کے لئے 63 راستوں کی نشاندہی کی ہے۔ 13 اپریل تک 63 راستوں کی نشاندہی کی گئی  ہے اور ان راستوں پر شیڈول کے مطابق پر  ریل گاڑیوں چلائی جا رہی ہیں۔

پارسل اسپیشل ٹرینوں کو ملک کے تمام بڑے شہروں، دہلی، ممبئی، کولکتہ، چنئی، حیدرآباد اور بنگلور سے جوڑنے کی منصوبہ بندی کی گئی ہے۔ اس کے علاوہ، ملک کے شمال مشرقی علاقے میں بھی فراہمی کو یقینی بنانے کے لئے، گوہاٹی کو بھی اس میں  شامل کر دیا گیا ہے۔ ان ٹرینوں سے جڑے دیگر اہم شہروں میں بھوپال، الہ آباد، دہرادون، وارانسی، احمد آباد، وڈودرا، رانچی، گورکھپور، ترواننت پورم، سلیم، وارنگل، وجئے واڑہ، وشاکھاپٹنم، راوركیلا، بلاسپور، بھساول، ٹاٹانگر، جے پور، جھانسی، آگرہ، ناسک، ناگپور، اكولا، جلگاؤں، سورت، پونے، رائے پور، پٹنہ، آسنسول، کانپور، جے پور، بیکانیر، اجمیر، گوالیار، متھرا، نیلور اور جبل پور وغیرہ شامل ہیں۔

ان راستوں پر بھی یہ ٹرینیں چلائی جا رہی ہیں جہاں مانگ کم ہے، تاکہ ملک کا کوئی بھی حصہ اس سے چھوٹ نہ جائے۔ بیچ  راستے میں سبھی ممکنہ مقامات پر ان ٹرینوں کا ٹھہرنا  یقینی بنایا گیا ہے تاکہ زیادہ سے زیادہ تعداد میں پارسل اپنی منزل  تک پہنچائے جا سکیں۔

تمام ریاستوں میں اس مہم سے جڑے  ڈائریکٹرز اور ریاستوں / مرکز کے زیر انتظام علاقوں کے متعلقہ سیکرٹریز سے درخواست کی گئی ہے کہ وہ بھارتی ریل کے ذریعے چلائی جا رہی ان ٹرینوں کا فائدہ اٹھانے کے لئے اپنے تمام وسائل کا استعمال کریں۔ رکن (تجارتی) ریلوے بورڈ نے ایسی ٹرینوں کے نئے  راستوں  اور ٹھہرنے کے بارے میں ریاستوں سے ملنے والی کسی بھی طرح کی مانگ  پر ضروری کارروائی کرنے کی پیشکش کی ہے۔

ریلوے کے مختلف زون  کےپرنسپل  سی سی ایم  / چیف کمرشیل  مینیجرز کی ایک فہرست، بکنگ کے عمل،  اسپیشل پارسل ٹرینوں کےٹائم  ٹیبل اور ایک مال کیلکولیٹر کو مشترک کرنے اور وسیع  تشہیر کے لئے سبھی حکام کے ساتھ مشترک کیا گیا ہے۔ بھارتی ریلوے کی ویب سائٹ پر پارسل اسپیشل ٹرینوں سے متعلق تفصیلات کے لئے لنک دستیاب ہے:

https://enquiry.indianrail.gov.in/mntes/q?opt=TrainRunning&subOpt=splTrnDtl

۔۔۔۔۔۔۔۔۔۔۔

م ن۔  ش ت۔ن ا۔

U-1693