ক’ভিড-১৯য়ে সৃষ্টি কৰা দুৰ্যোগৰ এই মুহূৰ্তত সকলো ভাৰতীয়ৰ ঘৰৰ ৰান্ধনীশাল নিয়মীয়াকৈ চলি থাকিবলৈ আৰু খেতিয়ক ৰাইজৰ পথাৰৰ কাম-কাজ অব্যাহত ৰখাৰ বাবে যাৱতীয় সহযোগিতা আগবঢ়াবলৈ ভাৰতীয় ৰে’লে কেতবোৰ গুৰুত্বপূৰ্ণ পদক্ষেপ গ্ৰহণ কৰিছে।

সেই অনুসৰি, যোৱা ১এপ্ৰিলৰ পৰা ১২এপ্ৰিল, ২০২০ পৰ্যন্ত ৰে’ল বিভাগে ৩৬৭২৪টা ডবাত খাদ্য সামগ্ৰী, ৮৬১টা ডবাত চেনী, ১৭৫৩টা ডবাত নিমখ, ৬০৬টা তেল পৰিবাহী ডবাত খোৱাতেল, ১৪৩১৭টা ডবা(একোটা ডবাত ৫৮ৰ পৰা ৬০টন পৰ্যন্ত সামগ্ৰী কঢ়িয়াব পাৰে)সাৰ কঢ়িয়াইছে।

আনহাতে, খাদ্য সামগ্ৰী, চেনী, নিমখ আৰু খোৱাতেল আদিৰ দৰে সামগ্ৰী সময় মতে সংগ্ৰহ কৰাৰ লগতে সময় মতে খেতিয়কলৈ সাৰৰ যোগান নিশ্চিত কৰাৰ বাবেও ৰে’ল বিভাগে সৰ্বাত্মক প্ৰয়াস অব্যাহত ৰাখিছে। ইয়াৰ বাবে বিভাগটোৱে ‘ৰসায়ণ আৰু সাৰ মন্ত্ৰালয়’ৰ সৈতে ঘনিষ্ঠ সম্পৰ্ক ৰাখি সমাগত খাৰিফ শস্যৰ বতৰত যাতে দেশৰ খেতিয়ক ৰাইজৰ বাবে পৰ্যাপ্ত পৰিমাণে সাৰ উপলব্ধ কৰাব পাৰি সেই কথা নিশ্চিত কৰাত গুৰুত্ব আৰোপ কৰিছে।

সবিশেষ তথ্য তালিকা দাঙি ধৰা হ’ল:

সেইদৰে, ফল-মূল, শাক-পাচলি, গাখীৰ-দুগ্ধজাত সামগ্ৰী আৰু খেতিৰ বাবে কঠীয়াৰ দৰে সহজে নষ্ট হ’ব পৰা দ্ৰব্য-সামগ্ৰী কঢ়িয়াবলৈ ৬৩টা অধিসূচিত পথেৰে সময় নিৰ্দ্ধাৰিত ভাবে ১৭১খন ৰে’লৰ চলাচল অব্যাহত ৰাখিছে বিভাগটোৱে।

ইফালে, পাৰ্চেল বিশেষ ৰেলগাড়ীৰে দেশৰ সকলো গুৰুত্বপূৰ্ণ মহানগৰীক সামৰি সেৱা আগবঢ়োৱাৰ বাবেও বিভাগটোৱে ব্যপক ব্যৱস্থা কৰিছে। সেই অনুসৰি দিল্লী, মুম্বাই, কলকাটা, চেন্নাই, হায়দৰাবাদ আৰু বাংগালুৰুৰ মাজত ৰে’ল চলোৱাৰ প্ৰস্তুতি সমপূৰ্ণ কৰা হৈছে। আনহাতে উত্তৰ-পূৰ্বাঞ্চলৰ ৰাজ্যকেইখনলৈ অত্যাৱশ্যকীয় সা-সামগ্ৰীৰ যোগান নিশ্চিত কৰাৰ বাবে গুৱাহাটীলৈ ৰে’ল চলোৱাৰ বাবেও সিদ্ধান্ত গ্ৰহণ কৰিছে বিভাগটোৱে। সেইদৰে ভোপাল, এলাহাবাদ, ডেৰাডুন, বাৰাণসী, আহমেদাবাদ, বডোডৰা, ৰাঁছী, গোৰক্ষপুৰ, তিৰুৱনন্তপুৰম, ছালেম, ৱাৰেংগল, বিজয়াড়া, বিশাখাপট্টনম, ৰুৰকেল্লা, বিলাসপুৰ, ভুছাৱাল, টাটানগৰ, জয়পুৰ, ঝান্সী, আগ্ৰা, নাছিক, নাগপুৰ, আকোলা, জলগাঁও, চুৰাট, পুনে, ৰাইপুৰ, পাটনা, আছানচোল, কানপুৰ, জয়পুৰ, বিকানেৰ, আজমেৰ, গোৱালিয়ৰ, মথুৰা, নেল্লোৰ, জব্বলপুৰ আদি মহানগৰীৰ মাজত এই ৰে’লসেৱা অব্যাহত আছে।

পাৰ্চেল বিশেষ ৰে’লগাড়ীৰ সবিশেষ তথ্যৰ বাবে যোগাযোগ কৰিব পাৰে:

indianrailways.gov.in

https://enquiry.indianrail.gov.in/mntes/q?opt=TrainRunning&subOpt=splTrnDtl

****

SG/MKV/KB