মেতরিএল ওর্গনাইজেসন, ঘাতকোপার মুম্বাইদা লৈবা ইন্দিয়ন নেভী ক্বরেন্তাইন ফেসিলিতী অসিনা ইরানদগী পুথোরকপা মীওই ৪৪ (নুপী ২৪ য়াওনা)বু ক্বরেন্তাইন তৌবগী থৌদাং তুমিন্না অমদি মায় পাক্না লোইশিনখ্রে‍। মীওই ৪৪ অদুনা মার্চ ১৩, ২০২০দগী হৌরগা মার্চ ২৮ ফাওবা তৌখিবা কোভিদ-১৯গী চাংয়েংদা নেগেতিব ওইদুনা মফমদুদা পুন্না নুমিৎ ৩০নি লৈখি‍।

নেভীগী কত্থোক্লবা মেদিকেল স্তাফ কাংবু অমনা মখোয়গী হকচাংগী ফীভম চোকথবা নাইদনা কুপ্না শেন্নখি‍। মখোয়বু কঞ্জার্ভেন্সী পর্সোনেল কাংবু অমা অমসুং অতোপ্পা মফমদুবু লুনা নান্না থম্নবা অমদি লৈবা নুংঙাইনবগী থৌদাং লৌবা স্তাফ খরনা মতেং পাংখি‍। মখোয়দা পীজখিবা চান-থক্নবশিংদু মখোয়গী মথৌ তাগদবশিং য়েংলগা নীংথিনা য়েংশিন্দুনা শেমদোক শাদোক্লগা পীবনি‍।

ক্বরেন্তাইন ফেসিলিতী অদুনা মখোয়শিংদুবু লৈবদা নুংঙাইনবা অমদি করিগুম্বা অমা তৌদুনা লৈহন্নবগীদমক লাইব্রেরী, তি.ভি. কা, মনুংদা শান্নবা মশান্নশিং, জিম্নাজিয়ম মচা অমা অমদি মশিং য়ামদবা ক্রিকেৎকী মচাকনচিংবা খুদোংচাবশিং পীখি‍।

লৈবাক শীনবা থুংনা অথিংবা থমখিবদগী চংগদবা মচাকশিং মরাং কায়না ফংদবগী খুদোংচাদবশিং থোকখ্রবসু মদুবু অনৌবা ৱাখল্লোন অমদি অকনবা ফিরেপনা ঙমদুনা চৎখি‍। অদুগা লৈরিবা মীওইশিং অদু শ্রীনগর অমসুং লদাখদা মখোয়গী ময়ুমদা হনখিনবগী পাম্বৈ অমত্তা ফংদবা মরমনা মফমদুদা মখোয় মখা শাংথনা লৈখি‍। মখা তারকপদা মখোয়বু এয়লিফ তৌনবা থৌরাং য়াৎখি অমদি মীওইশিংদুবু আই.এ.এফ.কী সি-১৩০ এয়রক্রাফ শিজিন্নদুনা এপ্রিল ১২, ২০২০দা শ্রীনগরদা থিনখি‍। মখোয়না হনখিবগী খোংচত্তা মখোয় খুদিংমক্তা চাননবা পেক তৌরবা চিঞ্জাক, অচা-অথক অমদি খুৎনা তুবা মায়খুম অনি এন.দবল্যু.এ. ঘাতকোপারনা পীখি‍।

ইন্দিয়ন নেভিগী লৈবাকসিদা কোভিদ-১৯ থেংনবগী থৌরাংদা মতেং পাংননবা ফিরেপ লৈ অমদি লৈবাকসিগী মীওইশিংদা অমসুং সিবিল এদমিনিস্ত্রেসনদা অঙমবা মওংদা মতেং পাংননবা লেপতুনা লৈরি‍।‍

*****