দিপার্তমেন্ত ওফ সাইন্স এন্দ তেক্নোলোজী, এস.ই.ই.দি. দিভিজননা শৌগৎপা সি.এস.আই.আর.- নোর্থ ইস্ত ইনস্তিত্যুৎ ওফ সাইন্স এন্দ তেক্নোলোজী, জোরহাতকী মখাদা লৈবা রুরেল ৱুমেন তেক্নোলোজী পার্ক (আর.দবল্যু.তি.পি.) মখোয়গী অকোয়বগী মফমশিংদা কোভিদ-১৯ থেংনবদা মতেং পাংবা ওইনা ইমুং মনুংগী মীওইশিংদা অমদি লায়রবা ইমুংশিংদা লেম্না য়েন্থোক্নবগীদমক হেন্দ সেনিতাইজর, য়ুমদা শেম্বা মায়খুম অমদি মহিক হাৎনবা মহী শেম্বদা খুঙ্গংগী নুপীশিংবু শিজিন্নরি‍।

“কোভিদ-১৯গুম্বা মচৌবা শীংনবা অমা থেংনবা হায়বসি মীয়ামগী তেংবাঙ অমদি শরুক য়াবা মথৌ তাই‍।“ওইরিবা ফীভমসিদা মীয়াম পাক শন্না খঙহনবদা, মায়খুম অমদি মহীক হাৎনবা  পোৎশকনচিংবা অরায়বা পোৎলমশিং শেম-শাবা অমদি য়েন্থোক্নবগীদমক্তদি সেল্ফ হেল্প গ্রুপশিং অমসুং কত্থোক্লবা এন.জি.ও.শিং অসি চপ চারবনি,” হায়না দি.এস.তি. সেক্রেতরী প্রোফেসর অশুতোস শর্মনা হায়খি‍।

আর.দবল্যু.তি.পি., জোর্হাতনা লমদমদুগী খুঙ্গংগী নুপীশিং অদুবু নাৎকী গমোসা (অসমগী লশিংগী ফদি) শীজিন্নদুনা য়ুম্বা শেম্বা মায়খুম কমদৌনা শাগনি তমবিখ্রে‍। য়ুমদা শেম্বা মায়খুমগী মওং মতৌ শেম্বা লোইরে, গমোসা ১৫০ রোম লৈরে অদুগা ফি তুনবা মেচিন অনি শিন লাংলে (গমোসা অমনা মায়খুম ৬ শেম্বা য়াই)‍।

নুপীশিং অদুদা মায়খুম অমদা লুপা ১৫গী চাংদা পীনবা ৱাফম খন্নরি‍। মসিগী মথক্তা মহীক হাৎনবা মহী লিতর ২০০অমসু শেম্লি‍। দেতোল, ইথানোল, গ্লিসরিন, ইসেন্সিএল থাউনচিংবা মহীক হাৎনবা মহী শেম্নবা চঙবা মচাকশিং লৌশিন্দুনা থম্লে‍। মহীক হাৎনবশিংদু অকোয়বগী খুঙ্গংশিংগী ইমুংশিং অমদি লায়রবা মীওইশিংদা লেম্না য়েন্থোক্কনি‍।

আর.দবল্যু.তি.পি.গী নুপীশিং অদু মার্চ ২৪দা থিংজিনখিবা অদুগী মাঙওইননা তমবিখ্রবনি‍। নুপীশিং অদুনা হেন্দ সেনিতাইজর লিতর ৫০, মহীক হাৎনবা মহী লিতর ১৬০ শেমখ্রে অমদি মদুদা শরুক য়াখিবা নুপী ৬০ অমসুং মখোয়গী ইমুং মনুংশিংদা য়েন্থোকখ্রে‍। মীয়ামবু কোরোনা ভাইরসকী মরমদা ৱাখল তাহন্নবগীদমক তৌগদবা অমসুং তৌরোইদবশিং অদুগা ওইরিবা ফীভমসিদা লৌখৎফম থোকপা চেকশিন থৌরাংশিং অসামিজ লোনদা পোস্তর অমসুং চেজাইশিংসু আর.দবল্যু.তি.পি.না শেমখি‍।

(অহেনবা অকুপ্পা ৱারোলগীদমক:

মিঃ জতিন কলিতা, প্রিন্সিপাল সাইন্তিস্ত, সি.এস.আই.আর.-এন.ই.আই.এস.তি., জোর্হাত,

ইমেলঃ kalitajk74[at]gmail[dot]com, মোবাইলঃ +৯১-৯৪৩৫৫৫৭৮২৪

দাঃ ইন্দু পুরী, সাইন্তিস্ত ‘এফ’, দি.এস.তি., indub.puri[at]nic[dot]in, মোবাইলঃ ৯৮১০৫৫৭৯৬৪

****