ইন্দো-য়ু.এস. সাইন্স এন্দ তোক্নোলোজী ফোরম (আই.য়ু.এস.এস.তি.এফ.)না কোভিদ-১৯গা মরী লৈনবা লমদা থিজিল্লিবা ইন্দিয়া অমদি য়ু.এস. সাইন্তিস্তশিং অমসুং ইঞ্জিনিয়রশিং হৌজিক লৈরিবা মচাক মথুমশিং শীজিন্নদুনা অমদি শেন্থং থাদদুনা ভর্চুএল মেকানিজম অমগী খুত্থাঙদা পুন্না থিজিনবগী থবক থৌওং চত্থনবা প্রপোজেল কৌখ্রে‍। ইন্দো-য়ু.এস. খোঙবুগী কান্নবা অমদি মমলবু অহেনবা থিজিনবদা অমদি কোভিদ-১৯গা মরী লৈনবা অরুবা শীংনবশিং থেংনবদা মায় পাক্না শীজিন্নবা ঙমগদবা প্রপোজেলশিংদা পুক্নীং থৌগৎলি‍।

মালেমগী ওইনা থেংনরিবা কোভিদ-১৯গুম্বা শীংনবা অসিনা মালেমগী ওইনা কোক চূংশিন্নবা, খোঙবু ওইমিন্নবা অমদি খ্বাইদগী ফবা সাইন্তিস্তশিং, ইঞ্জিনিয়রশিং অমসুং এন্ত্রিপ্রিন্যুরশিং পূনশিন্দুনা থবক তৌমিন্নদুনা হৌজিক থেংনরিবা লাইচৎ অসি লাকশিনবখক্তা নত্তনা মাংদা তাদুনা লৈরিবা শীংনবশিংবুসু লাকশিন্নবা হোৎনমিন্নবা মথৌ তারি‍। আই.য়ু.এস.এস.তি.এফ. লৈবাক অনিসিগী মরক্তা কোক চূংশিন্নবা হায়বা মশাগী নুংগী ওইবা ৱাফম অদুদা মীৎয়েং থম্লদুনা হীরম অসিগীমদমক্তা কোক চূংশিন্নবগী থৌওং কনখৎহল্লি।

আই.য়ু.এস.এস.তি.এফ. অসি ভারত অমদি য়ুনাইতেদ স্তেত্স ওফ অমেরিকা লৈঙাক অনিগী মরক্তা য়ানচে অমগী মখাদা ইং ২০০০গী মার্চ থাদা লিংখৎখিবা, মহৈ-মশিং অমদি ইন্দস্ত্রীগী লমদা লৈবশিংগী মরক্তা তোয়না পাউ ফাওনদুনা সাইন্স, তেক্নোলোজী, ইঞ্জিনি্ররিং অমসুং অনৌবা ৱাখল্লোনবু পুক্নীং থৌগৎনবা লৈবা, লৈবাক অনিমক্না শেনথং থাবদা মায়কৈ অনিগী ওইবা মরোমদোম লেপচবা লুপ অমনি‍। ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজী অমসুং য়ু.এস. দিপার্তমেন্ত ওফ স্তেত অনি অসিনা মসিগী নোদেল দিপার্তমেন্তশিংনি‍।

“কোভিদ-১৯গী অসিগুম্লবা তানফম অসিদা সাইন্সকী লমদা চঙশিনবা হায়বসি নীংথিনা পাউ ফাওদোক্নবা, মথৌ তাবশিং খঙদোকপা, কোক চূংশিন্নবা, খোংজেল য়াংবা, চাং মান্নবা তেককী

মায়ওন, পু্চেল শেংবা, থৌদাং খঙবা, খুন্নাইদা কান্নবা, অমদি খুদোংচাদবা কোকহনবা পাম্বগী ইথিল হায়রিবশিং অসিবু মালেমগী ওইনা মাঙদা পুখৎলকপনি‍। আই.য়ু.এস.এস.তি.এফ.দা কোক চূংশিন্নদুনা মরী লৈনবা তেক্নোলোজীশিং শেমগৎপগী পুৱারী অমা লৈজৈ অমদি হৌদোক্লিবা থৌওং অসিগীদমক্তা অফবা ফম্বাক অমনি,” হা্য়না দিপার্তমেন্ত ওফ সাইন্স এন্দ তেক্নোলোজীগী সেক্রেতরী প্রোফ‍ঃ অশুতোস শর্ম্মনা হায়খি‍।

মালেম অসিনা কোভিদ-১৯ লাইচৎ থেংনরিঙৈ তানফমসিদা সাইন্স এন্দ তেক্নোলোজীদা লৈবা কাংলুপশিংনা পুন্না চঙশিনমিন্নবা অমদি মালেমগী ওইনা থেংনরিবা শীংনবা অসিবু কোকহন্নবা মচাক মথুমশিং য়েন্নবা হায়বসি তৌফম থোকপনি‍। অনৌবা ভেক্সিন, খুৎলায়, লায়ওং খঙদোক্নবা খুৎলায় অমদি ঈ-পাঊগা মরী লৈবা সিস্তেমশিং শেমগৎপদা লোয়ননা লায়চৎ অসিবু থেংনবদা ফুরুপশিংনা অমদি লৈবাকশিংনা তৌগদবা মওং মতৌ অমসুং থাদগদবা মচাক মথুমশিং লেপথোকপনচিংবগী লমদা পাম্বৈশিং পুথোকপদা সাইন্স, ইঞ্জিনিয়রিং অমসুং তেক্নোলোজীনা মরুওইবা থৌদাং লৌগনি‍। লৈবাকশিং অমসুং লুপশিং কোক চূংশিন্নবনা সাইন্স এন্দ তেক্নোলোজীগী লমদা লৈরিবশিংগী মরক্তা খুদোং চাহনগনি অমদি খংজবা লৌশিংশিং য়েন্নদুনা লাইচৎ অসি লাকশিন্নবা পাম্বৈ পুথোকপগী লমদা মপুং ফানা মায়য়োং য়াবা ঙমগদবা তোঙান-তোঙানবা, মালেমগী ওইনা খনবা সাইন্স, ইঞ্জিনিয়রিং অমসুং তেক্নোলোজী মপুং ফানা য়াওবা ৱর্কফোর্স অমা শেমগৎপদা কান্নবা পীগনি‍। মসিগীদমক এপ্লিকেসন এপ্রিল ১৫, ২০২০ দগী মে ১৫, ২০২০ ফাওবদা ওনলাইনদা লৌগনি‍।

(অহেনবা অকুপ্পা ৱারোলগীদমক https://www.iusstf.org/দা চঙবিয়ু

পাউ ফাওফমঃ দাঃ (মিস) নন্দিনি কানন, ই.দি. আই.য়ু.এস.এস.তি.এফ

ইমেলঃ nandini.kannan@indousstf.org

মোবাইলঃ +৯১-৯৭১৭৯৫৭০০৩)

****