সি.এস.আই.আর.গী লেব অমা ওইরিবা সি.এস.আই.আর.-এন.সি.এল. পুনেনা মখোয়গী ভেঞ্চর সেন্তরগী খুত্থাঙদা হৌখিবা চহী তরারোমসিদা অনৌবা পোত্থোকশিং অমসুং ইন্ত্রপ্রিনর্শিপ পুক্নিং থৌগৎপদা মাঙজিল থাদুনা লাক্লি অমদি মফমদুদগী অনৌবা পোত্থোকশিংনা কোরোনা লাইচৎ থেংনবদা মতেং পাংলি‍। কোরোনা লাইচৎ হন্থহনবদা মতেং ওইগদবা ইকুই কুইদনা পুথোকখিবা অনৌবা পোত্থোক অনিগী মতাংদা তাক্লি:

১) দিজিতেল আই.আর. থর্মোমীতরঃ সি.এস.আই.আর.-এন.সি.এল.গী ভেঞ্চর সেন্তরগী শ্রী প্রতিক কুলকরনীনা লুচিংবা ইনক্যুবেতী বি.এম.ই.কে.না কোরোনা লাইচৎ হন্থহন্নবা থৌরাংগী মরুওইবা মচাক অমা ওইরিবা খুৎনা পায়দুনা শিজিন্নবা য়াবা দিজিতেল আই.আর. থর্মোমীতর অমা শেমখ্রে‍। মোবাইল ফোন নত্ত্রগা পাৱর বেঙ্কশিং পাৱর সোর্স ওইনা শিজিন্নবা য়াই‍। আই.আর. থর্মোমীতর অসিগী মওং মতৌ ওপন সোর্স ওইনা ফংই অদুগা পাক্তক্ননা পুথোকপা য়ারবা হার্দৱেয়র অমসুং সোফৱেয়রগী মওং মতৌশিংনা ইন্দিয়াগী পোৎ পুথোকপশিংদা লৈবাক শিনবা থুংনা লেম্না ফংহনগনি‍। থৌরাং অসি মশিং য়াম্লবা পোৎ পুথোকপায়শিংনা মশিং য়াম্না পুথোক্তুনা মখোয় মখোয়গী মফমশিংদা লৈরিবা দিমান্দ পীবা ঙম্ননবগীদমক্তনি‍। হৌজিক মসি বি.ই.এল. (ভারত ইলেক্ত্রোনিক লিমিতেদ) পুনেগা খুৎশম্নদুনা হেন্না চাউখৎহল্লে‍। অহানবগী ওইনা য়েন্থোক্নবগীদমক অমসুং তি.য়ু.ভি. রেনলেন্দ ইন্দিয়া প্রাইভেৎ লিমিতেদ বেঙ্গলোরদা চাংয়েং তৌনবগীদমক চাউরাক্না প্রোতোতাইপ য়ুনিৎ ১০০ রোম পুথোক্কদৌরি‍।

২) অনিশুবা অনৌবা পোৎশক অসিনা ওক্সিজেন ইনরিচমেন্ত য়ুনিৎ (ও.ই.য়ু.)নিঃ কোভিদ-১৯না নারবা মীওইশিংগী লংসশিং শোকহনবনা মরম ওইদুনা মখোয়গীদমক খ্বাইদগী মরুওইবশিংগী মরক্তা মথৌ তাবা ওক্সিজেন ফংবা অসিনি‍। সি.এস.আই.আর.-এন.সি.এল.না এন.সি.এল.গী পোলিমর সাইন্স এন্দ ইঞ্জিনীয়রিং দিভিজনগী মকোক দাঃ উলহাস খরুলনা লিংখৎপা স্তার্ত-অপ ইন্নোভেসন ভেঞ্চর জেনরিচ মেমব্রেন্সকা পুনশিন্দুনা নুংশিত্তগী ওক্সিজেনগী চাং চাদ ২১-২২দগী চাদা ৩৮-৪০ ফাওবা হেনগৎহনবা ঙমবা ওক্সিজেন ইনরিচমেন্ত য়ুনিৎ (ও.ই.য়ু.) পুথোক্লে‍। ও.ই.এম. অসি য়ুমদা অমসুং হোস্পিতালদা লৈবা অনাবা মীওইশিংগীদমক্তা হেন্না ফবা ওক্সিজেন পুথোক্নবগীদমক নুংশিৎপূ খাইদোক্নবা অমসুং চুমথোক্নবা অহোবা ফাইবর মেমব্রেন মপুল অমনি‍। প্রোতোতাইপ য়ুনিৎশিং শেম শাবা লোইরে অমদি তি.য়ু.ভি. রেনলেন্দ ইন্দিয়া প্রাইভেৎ লিমিতেদ বেঙ্গলোরদা চাংয়েং তৌনবা অমদি অয়াবা পীননবগীদমক্তা থারগনি‍। চাংয়েংগী মতুংদা এন.সি.এল. বি.ই.এল. পুনেদা ও.ই.য়ু. মেচিন ১০ রোম পানখৎকনি অমদি পুথোকপগী খোংজেল হেনগৎহনগনি‍।