ବିଜ୍ଞାନ ଓ ପ୍ରଯୁକ୍ତି ମନ୍ତ୍ରଣାଳୟ
କୋଭିଡ-19 ମୁକାବିଲାରେ ବ୍ୟବହୃତ ଅଭିନବ 3-D ସାମଗ୍ରୀର ଡିଜାଇନ ନାଇପର-ଜି ଦ୍ୱାରା ପ୍ରସ୍ତୁତ
प्रविष्टि तिथि:
11 APR 2020 12:30PM by PIB Bhubaneshwar
କୋଭିଡ-19ର ସଂକ୍ରମଣକୁ ରୋକିବାରେ ସହାୟକ ହେଉଥିବା 3-D ସାମଗ୍ରୀର ଦୁଇଟି ଅଭିନବ ଡିଜାଇନ ଗୌହାଟିସ୍ଥିତ ଜାତୀୟ ଔଷଧୀୟ ଗବେଷଣା ପ୍ରତିଷ୍ଠାନ (ନାଇପର-ଜି)ର ଗବେଷକମାନେ ପ୍ରସ୍ତୁତ କରିଛନ୍ତି । ସେଥି ମଧ୍ୟରୁ ଗୋଟିଏ 3-D ପ୍ରିଂଟେଡ ହ୍ୟାଣ୍ଡି-ପ୍ରିଂ ସାମଗ୍ରୀ ଓ ଅନ୍ୟଟି 3-D ପ୍ରିଂଟେଡ ଆଣ୍ଟିମାଇକ୍ରୋବିୟାଲ ଫେସ ସିଲ୍ଡ । ଖାଲି ହାତରେ ବିଭିନ୍ନ ବସ୍ତୁ ଓ ସାମଗ୍ରୀ ଛୁଇଁବାରୁ କରୋନା ଭୂତାଣୁ ସଂକ୍ରମଣ ଆଶଙ୍କା ଅଧିକ ରହୁଥିବାରୁ ତାହାକୁ ପ୍ରତିହତ କରିବା ପାଇଁ ଗଭୀର ଅନୁଶୀଳନ ଓ ଗବେଷଣା ପରେ ଏହି ଦୁଇ ସାମଗ୍ରୀର ଡିଜାଇନ ପ୍ରସ୍ତୁତ ହୋଇଛି ।
3-D ପ୍ରିଂଟେଡ ହ୍ୟାଣ୍ଡି-ପ୍ରିଂ ସାମଗ୍ରୀକୁ କବାଟଝରକା ଖୋଲିବା ଓ ବନ୍ଦ କରିବା ଆଦି ପାଇଁ ବ୍ୟବହାର କରାଯାଇପାରିବ । ଡ୍ରୟାର, ରେଫ୍ରିଜିରେଟର ହ୍ୟାଣ୍ଡେଲ, ଏଲିଭେଟର ବଟନ, ଲ୍ୟାପଟପ-ଡେସ୍କଟପ, କିବୋର୍ଡ ତଥା ସୁଇଚ ବଟନରେ ଏହାକୁ ବ୍ୟବହାର କରିହେବ । ଏସବୁ ସାମଗ୍ରୀ ଯାହା ଏବେ ପାରମ୍ପରିକ ଜ୍ଞାନକୌଶଳରେ ନିର୍ମିତ ତାହା ବାରମ୍ବାର ସ୍ପର୍ଶ ଦ୍ୱାରା ସବୁଠୁ ଅଧିକ ସଂକ୍ରମିତ ହୋଇଥାଏ । ତେଣୁ ସାଂପ୍ରତିକ କାଳରେ ଘରେ ଓ ହସ୍ପିଟାଲରେ ଏହି ନୂଆ 3-D ପ୍ରିଂଟେଡ ହ୍ୟାଣ୍ଡସ ପ୍ରିଂ ସାମଗ୍ରୀକୁ ଲଗାଇଲେ ସଂକ୍ରମଣ ଆଶଙ୍କା ରହିବ ନାହିଁ ।
ଦ୍ୱିତୀୟ ସାମଗ୍ରୀ ଆଣ୍ଟି ମାଇକ୍ରୋବିୟାଲ ଫେସ ସିଲ୍ଡ ଦ୍ୱାରା କରୋନା ସଂକ୍ରମିତଙ୍କ ଚିକିତ୍ସା ଓ ଉପଚାରରେ ନିୟୋଜିତ କର୍ମଚାରୀ ଓ ଚିକିତ୍ସକ ମୁହଁ, ନାକ, ପାଟି, ଆଖି ଓ ଅନ୍ୟାନ୍ୟ ଇନ୍ଦ୍ରୀୟ ଦ୍ୱାରା ହେଉଥିବା ସଂକ୍ରମଣରୁ ସୁରକ୍ଷିତ ରହିପାରବେ । ସବିଶେଷ ଗବେଷଣା ପରେ ଏହି ସାମଗ୍ରୀର ଡିଜାଇନ ପ୍ରସ୍ତୁତ ହୋଇଛି । ଏହା ଅତ୍ୟନ୍ତ ନିରାପଦ ଓ ପିନ୍ଧିବାକୁ ସହଜ ଏବଂ ଏହାର ରାସାୟନିକ ସ୍ଥିରତା ଉତ୍ତମ । ତେଣୁ ସହଜରେ ଯେ କୌଣସି ଉତ୍ତମ ମାନର ସାନିଟାଇଜର ଦ୍ୱାରା ସଫା କରିହେବ ।
ନାଇପର-ଜିର ନିର୍ଦ୍ଦେଶକ ଡକ୍ଟର ୟୁ ଏ ଏନ ମୂର୍ତ୍ତି କହିଛନ୍ତି ଯେ ଏହି ଦୁଇ ସାମଗ୍ରୀର କ୍ଷୁଦ୍ର ମଡେଲ ପ୍ରସ୍ତୁତ ହୋଇଛି । ଏହା ଉପରେ ଆଉ କିଛି ଗବେଷଣା ଓ ଅନୁଧ୍ୟାନ କରାଯାଇ ଏସବୁର ଉତ୍ପାଦନ ପାଇଁ ବିଭିନ୍ନ କମ୍ପାନୀ ଓ ସଂସ୍ଥାକୁ ଅନୁମତି ଦେବାକୁ ବିଚାର କରାଯାଉଛି । କରୋନା ମୁକାବିଲାରେ ଏହି ଦୁଇ ସାମଗ୍ରୀ ବିଶେଷ ସହାୟକ ହେବ ବୋଲି ସେ ଆଶା ପ୍ରକାଶ କରିଛନ୍ତି ।
***************
.
(रिलीज़ आईडी: 1613281)
आगंतुक पटल : 252
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada