বিজ্ঞান আৰু প্ৰযুক্তি মন্ত্ৰালয়
ক’ভিড-১৯ৰ বিৰুদ্ধে যুঁজিবলৈ এনআইপিইআৰ-গুৱাহাটীয়ে ডিজাইন কৰিলে উদ্ভাৱনীমূলক ৩ডি সামগ্ৰী
Posted On:
11 APR 2020 12:30PM by PIB Guwahati
গুৱাহাটীৰ নেচনেল ইন্সটিটিউট অব্ ফাৰ্মাচিউটিকেল এডুকেচন এণ্ড ৰিচাৰ্ছৰ গৱেষকসকলে সমগ্ৰ বিশ্বতে মহামাৰীৰ ৰূপ ধাৰণ কৰা ক’ভিড-১৯ৰ বিৰুদ্ধে যুঁজিবলৈ সহায়ক হোৱাকৈ দুটা সামগ্ৰী নিৰ্মাণ কৰিছে৷
প্ৰথমটো সামগ্ৰী হ’ল ৩ডি প্ৰিণ্টেড হেণ্ডছ-ফ্ৰী সামগ্ৰী যাক দুৱাৰ, খিৰিকী, ড্ৰয়াৰ (অনুভূমিক আৰু উলম্বিক), ৰেফ্ৰিজাৰেটৰ বন্ধ অথবা খুলিবলৈ, এলিভেটৰৰ বাটন টিপিবলৈ, লেপটপ/ডেস্কটপৰ কীব’ৰ্ড টিপিবলৈ আৰু যিকোনো ছুইটচ বাটন অন/অফ কৰিবলৈ ব্যৱহাৰ কৰিব পাৰি৷ উক্ত স্থানসমূহত ভাইৰাছৰ সংক্ৰমণৰ প্ৰৱণতা অধিক হোৱা হেতুকে এই সামগ্ৰীবিধে সংক্ৰমণৰ সমস্যা হ্ৰাস কৰিব৷
এনআইপিইআৰ-গুৱাহাটীৰ সঞ্চালক ড০ ইউ এছ এন মুৰ্ত্তীয়ে কয় যে সামগ্ৰীবিধৰ ডিজাইন সহজেই কৰিব পৰা হৈছে৷ তাৰোপৰি ইয়াক ব্যৱহাৰ কৰিবলৈ তথা বীজাণুনাশকৰণ কৰিবলৈও সহজ৷
আনবিধ সামগ্ৰী হ’ল ন’ভেল ক’ৰনা ভাইৰাছৰ বিস্তৃতি ৰোধ কৰাৰ বাবে ৩ডি প্ৰিণ্টেড এণ্টিমাইক্ৰ’বায়েল মুখৰ আৱৰণী৷ মুখ, চকু, নাক আদিৰ জৰিয়তে ভাইৰাছ কিদৰে বিয়পে সেই সন্দৰ্ভত গভীৰ অধ্যয়নৰ পিছত ইয়াক ডিজাইন কৰা হৈছে৷
এনআইপিইআৰ-গুৱাহাটীয়ে ব্যৱহাৰৰ উপযোগী তথা সমাধানসূচক সামগ্ৰী প্ৰস্তুত কৰাৰ দিশত অগ্ৰসৰ হৈছে বুলি ড০ মুৰ্ত্তীয়ে জানিবলৈ দিয়ে৷
*****
KGS/(DST/(India Science Wire))/MANN
(Release ID: 1613238)
Visitor Counter : 151
Read this release in:
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada