ঙাকশেল মন্ত্রালয়
ভারতকী নেভীনা মুম্বাইদা পন্দুনা লৈরিবা মফম অতোপ্পদগী লাকপা শিন্মীশিংদমক্তা রেশন ফংহনখ্রে
Posted On:
09 APR 2020 6:31PM by PIB Imphal
কোবিদ-১৯না মরম ওইরগা মুম্বাইদা চৎথরিবা লোকদাউনগী মনুংদা তেংবাংগী মথৌ তারবশিংগী মতেং পাংনবগীদমক্তা ভারতকী নেভীনা রাজ্য সরকারগী ওথোরিতীশিংদা পন্দুনা লৈরবা মফম অতোপ্পদগী লাকপা শিন্মীশিংগী মরক্তা য়েনথোক্নবা এপ্রিল ০৪ অমসুং ০৮দা তঙাইফদনা চংবা চাননবা পোৎলমশিং য়াওবা রেশনগী পেকেৎশিং ফংহনখি।
লোকদাউন মনুংদা মশিং য়াম্লবা মীশিংগী মুম্বাইদা পন্দুনা লৈরিবা মফম অতোপ্পদগী লাকপা শিন্মীশিংদা তেংবাং পীনবগীদমক্তা মুম্বাই শহরগী জিলা কলেক্তরগী লোয়শঙনা এপ্রিল ০৩, ২০২০দা ভারতকী নেভীদা মতেং পাংবীনবগীদমক্তা হায়জখি। তেংবাংনবা হায়জরকখিবা অসিগী মতুং ইন্না থাবক পাংথোকপা ওইনা ৱেস্তর্ন নেভেল কমান্দনা এপ্রিল ০৪,২০২০দা য়াম্না য়াংনা চাউরাক্না রেশন পেকেৎ ২৫০রোম থৌরাং তৌখি। পেকেৎশিং অসিদা তঙাইফদনা চংদা য়াদ্রবা চানা থক্নবা মরাং কাইনা য়াওখি অমসুং মসি মুসাফির খানগী মনাক্তা লৈবা লোকেল ওথোরিতীশিং অমসুং এসিয়াতিক লাইব্রেরীগী মনাক্তা লৈবা কলেক্তরগী লোয়শঙদা খুৎশিন্নখি। কফ পেরেদ অমসুং কালবা দেবীদা য়েনথোক্নবগী মফমশিং ওইহনখি।
মফম অদুগী ওথোরিতীশিংদা এপ্রিল ০৮, ২০২০দা অহেনবা রেশন পেকেৎ ৫০০ পীখি অমসুং মসিসু কামথিপুরাগী মফমশিংদা পন্দুনা লৈরিবা য়ুম শাবগী থবক তৌরিবা শিন্মীশিংগী মরক্তা য়েনথোকখি।
(Release ID: 1613224)
Visitor Counter : 120
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada