তেক্সতাইল্স মন্ত্রালয়না লোকদাউনগী মনুংদা লিমোনগী মিলশিং থিংবনা মরম ওইরগা হাৱাই-চেংৱাইশিংগী পেকেজিং তৌবদা মায়োক্নরিবা অৱাবা অদু কোক্নবা অমসুং গেহু থারিবা লৌমীশিংগী পোত্থোকশিং অদুবু নীংথিনা ঙাকশেন্দুনা থম্নবগীদমক্তা মখোয়দা অতোপ্পা মখলগী পেকেজিং বেগশিং পীনবগীদমক্তা ঐচ.দি.পি.ই / পি.পি. বেগশিং  অদুগী খ্বাইদগী য়ামবা অয়াবা অকক্নবা মশিংদা পীদুনা মার্চ ২৬, ২০২০দা বেল লাখ ১.৮০   অমসুং মখা তানা এপ্রিল ৬, ২০২০দা বেল লাখ ০.৮২গী অয়াবা পীখ্রে।

মসিগী খোংথাংশিং অসি  মরু ওইনা গেহু থারিবা লৌমীশিংগী  হকশিং ঙাক শেন্নবা লৌখৎখিবা খোংথাংনি মরমদি এপ্রিল ময়াই চল্লকপদা মহৈ-মরোংশিং অদু পেকিং তৌবা য়াবগী ওইথোকপা লৈ। অদুমও ইনমক, সরকারনা নীয়ম খরগী মখাদা মসিগী খুদোংচাবা অসি পীনবগীদমক্তা  খন্নখি মদুদি লোকদাউন তৌবগী মতম অসি লোইরবা মতুংদা লিমোনগী মিলশিংদা লিমোনগী বেগশিং পুথোকপা হৌরবা মতুংদদি, হৱাই-চেংৱাইগী পেকেজিং তৌবা অসি লিমোনগী বেগশিংদা মরু ওইনা তৌগনি। তেক্সতাইল মন্ত্রালয়না  লোকদাউন তৌরিঙৈ মনুংদা  লিমোন থারিবা লৌমীশিংগী মতেং পাংনবগীদমক্তা লিমোন থাবা রাজ্য সরকারশিংদা  অইবা চে ওইনা লিমোনগী মরু, হার অমসুং মদু থাবদা মতেং পাংবা পোৎলমশিংগী পুথোক পুশিন, য়োনবা অমসুং পীবদা অয়াবা পীনবা হায়খ্রে। সরকারনা  জুত পেকেজিং মেতরিয়েলস এক্ত (জে.পি.এম.), ১৯৮৭গী মখাদা পীরিবা প্রোভিজনশিং অসিগী মতুং ইন্না লিমোন থারিবা লৌমীশিং অমসুং শিনমীশিংগী হকশিংবু ঙাক শেন্নবগী থৌদাং লৌখৎলি অমসুং মসিনা লিমোনগী বেগশিংদা হাৱাই-চেংৱাইশিং পেকেজিং তৌনবগীদমক্তা চাদা ১০০ খাক্তুনা থম্মি।

কোবিদ-১৯গা মরি লৈনবা লোকদাউন্না লিমোনগী মিলশিংদা থবক তৌবদা শোকহনবনা মরম ওইরগা লিমোনগী বেগশিং পুথোকপদা অকাইবা লাকহল্লি। লিমোনগী মিলরশিংনা স্তেত প্রোক্যুর্মেন্ত এজেন্সীশিং (এস.পি.এস.)শিং অমসুং ফ়ুদ কোর্পোরেশন ওফ় ইন্দিয়া (এফ়.সি.আই.), পব্লিক দিসত্রিব্যুশন সিস্তেম (পি.দি.এস.)কী মথৌ তৌরিবা অসিগী তঙাইফদনা চংবশিং অদুবু মপুং ফানা পীবা ঙমবগী ফিভমদা লৈতবনা মরম ওইরগা তঙাইফদবদগী সরকারনা মিৎয়েং চংদুনা অমসুং মায়াক্নরিবা খুদোংচাদবা অদুগীদমক্তা অতোপ্পা পাম্বৈ অমা থিনবা হোৎনৈ।

ভারত সরকারনা লৌমীশিং অমসুং মখোয়গী পোৎথোক্কী মতাংদা য়াম্না লুনা লৌই। রবিগী মহৈ-মরোংশিং লোকপগী মতম য়ৌরক্লে। য়াম্না য়াম্লবা চাংগী পেকেজিং বেগশিংগী মথৌ তাগনি। হৱাই-চেংৱাইশিং অসি মরু ওইনা জে.পি.এম. এক্তকী মতুং ইন্না লিমোনগী বেগশিংদা পেক্কিং তৌই। কোবিদ-১৯ লোকদাউননা মরম ওইরগা, লিমোনগী মিলশিংদা লিমোনগী বেগশিং পুথোকপা য়াদনা লৈরে, মরম অসিনা গেহু থাবা লৌমীশিংনা থেংনরিবা অৱাবা অসি কোকহন্নবা অতোপ্পা পাম্বৈ অমা তঙাইফদনা মতৌ তাই।