ବୟନ ଶିଳ୍ପ ମନ୍ତ୍ରଣାଳୟ
ଲକଡାଉନ ଯୋଗୁଁ ଝୋଟ କଳଗୁଡିକ ବନ୍ଦ ଥିବାରୁ ବସ୍ତା ତିଆରି ସୀମା 1.80 ରୁ 2.62 ଲକ୍ଷ ଗାଣ୍ଠିକୁ ବୃଦ୍ଧି ପାଇଁ ବୟନ ମନ୍ତ୍ରଣାଳୟର ଅନୁମତି
• ଝୋଟ ଉତ୍ପାଦନକାରୀ ରାଜ୍ୟଗୁଡିକୁ ବିହନ ଓ ସାର ଇତ୍ୟାଦିର ପରିବହନ ପାଇଁ ଅନୁମତି
• ଝୋଟ ଚାଷୀ ଓ ଶ୍ରମିକମାନଙ୍କ ସ୍ଵାର୍ଥ ରକ୍ଷା ପାଇଁ ମନ୍ତ୍ରଣାଳୟ ଅଙ୍ଗୀକାରବଦ୍ଧ
Posted On:
07 APR 2020 7:40PM by PIB Bhubaneshwar
ଲକଡାଉନ ଯୋଗୁଁ ଝୋଟ କଳଗୁଡିକ ବନ୍ଦ ହୋଇ ପଡିରହିଛି । ଅଖା ଉତ୍ପାଦନ ବନ୍ଦ ହୋଇଥିବାରୁ ଖାଦ୍ୟ ଶସ୍ୟ ପରିବହନ ଲାଗି ଆବଶ୍ୟକ ମୁଣାର ସୀମା 1.80 ରୁ 2.62 ଲକ୍ଷକୁ ବୃଦ୍ଧି କରିବା ପାଇଁ କେନ୍ଦ୍ର ବୟନ ମନ୍ତ୍ରଣାଳୟ ଅନୁମତି ପ୍ରଦାନ କରିଛି । ଏହା ଗହମ ଚାଷୀମାନଙ୍କ ଉତ୍ପାଦିତ ସାମଗ୍ରୀର ପ୍ୟାକେଜ ସମସ୍ୟାର ସମାଧାନ କରିପାରିବ ।
ଉତ୍ପାଦିତ ଗହମ ଏପ୍ରିଲ 15 ତାରିଖ ସୁଦ୍ଧା ବଜାରକୁ ଆସିବା ସମ୍ଭାବନାକୁ ଦୃଷ୍ଟିରେ ରଖି ବୟନ ମନ୍ତ୍ରଣାଳୟ ଏପରି ନିଷ୍ପତ୍ତି ନେଇଛି । ତେବେ ଲକଡାଉନ ପରେ ଝୋଟ କଳଗୁଡିକ ପୁଣି ଚାଲୁ ହେଲେ ଗହମ ପ୍ୟାକିଙ୍ଗ ପାଇଁ ଝୋଟ ଅଖା ପୁଣି ବ୍ୟବହାର କରାଯିବ । ଝୋଟ ଚାଷୀମାନଙ୍କ ହିତକୁ ଦୃଷ୍ଟିରେ ରଖି ଲକଡାଉନ କାଳରେ ଝୋଟ ଚାଷ ପାଇଁ ଆବଶ୍ୟକ ବିହନ ଓ ସାର ଇତ୍ୟାଦିର ପରିବହନ ବ୍ୟବସ୍ଥା ସୁଚାରୁରୂପେ ସମ୍ପାଦନ କରିବା ପାଇଁ ମନ୍ତ୍ରଣାଳୟ ପକ୍ଷରୁ ରାଜ୍ୟ ସରକାରଗୁଡିକୁ ପତ୍ର ଲେଖାଯାଇଛି । Jute Packaging Materials Act (JPM), 1987ର ବ୍ୟବସ୍ଥା ଅନୁସାରେ ସରାକର ଝୋଟ ଚାଷୀମାନଙ୍କ ସ୍ଵାର୍ଥ ରକ୍ଷା ପାଇଁ ସଂକଳ୍ପବଦ୍ଧ ବୋଲି ଏଥିରେ ଦର୍ଶାଯାଇଛି ।
ରବି ଫସଲ ଅମଳ ଦିନ ପାଖେଇ ଆସୁଥିବାରୁ ଏଗୁଡ଼ିକର ପ୍ୟାକିଙ୍ଗ ପାଇଁ ପର୍ଯ୍ୟାପ୍ତ ଅଖାର ଆବଶ୍ୟକତା ରହିଛି । ଝୋଟ କଳଗୁଡିକ ବନ୍ଦ ଥିବାରୁ ବିକଳ୍ପ ବ୍ୟବସ୍ଥା ସ୍ୱରୂପ ଅନ୍ୟାନ୍ୟ ବସ୍ତା ତିଆରି ପାଇଁ ଏହି ନିଷ୍ପତ୍ତି ହୋଇଥିବା ଜଣାପଡିଛି ।
**********
(Release ID: 1612122)
Visitor Counter : 189
Read this release in:
Urdu
,
English
,
Hindi
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada