লৌউ-শিংউ মন্ত্রালয়
লৌউ-শীংউগী কেন্দ্র মন্ত্রীগা স্তেৎকী লৌউ-শীংউগী মন্ত্রীশিংগা ভিদিও কনফরেন্স পাঙথোকখিবগী মতুং তারকপা ওইনা লৈঙাক্না স্তেৎ/য়ু.তি.শিংদা ৱারেপ কয়া খঙহনখ্রে
স্তেৎশিংনা অথিংবা লৈরিঙৈ মরকসিদা পি.এস.এস.কী মখাদা হৱাই চেংৱাই অমসুং থাউ মরু লৌননবা তারিখ লেপকনি। পত্থ-পুমথগনবা মনা মশিংগীদমক লৌমীশিংদা শেন্দোং য়াউবা মমল পীননবগীদমক স্তেৎ/য়ু.তি. খুদিংমক্তা মার্কেৎ ইন্তরভেন্সন স্কিম চৎনহন্নবা খঙহনখ্রে। মরুওইবা সহর খুদিংমক্তা পত্থ-পুমথগনবা মনা মশিং, মহৈ মরোং, মরু মরাং, শঙ্গোম অমদি শঙ্গোমগী পোত্থোকশিং য়াওনা নোংমগী চঙদ্রবা য়াদ্রবা চান-থকনবা পোৎলমশিং ত্রেনশিংনা য়ৌহল্লগনি।
Posted On:
09 APR 2020 7:54PM by PIB Imphal
লৌউ-শীংউ, কোওপরেসন অমদি লৌমীশিংগী য়াইফ থৌরাংগী কেন্দ্র মন্ত্রী শ্রী নরেন্দ্র শিংহ তোমারনা স্তেৎ অমদি য়ু.তিওশিংগী লৌউ-শীংউগী মন্ত্রীশিংগী কোভিদ-১৯ লাইচৎকা মরী লৈননা লৈরিবা অথিংবা অসিনা মরম ওইদুনা লৌমী অমদি লৌউ-শীংউগী থবক থৌরমশিংদা থেংনরিবা খুদোংচাদবশিংগী মতাংদ খন্ননবা ভিদিও কনফরেন্স পাঙথোকখ্রে। মখাদা পীরিবা ৱারেপশিংসি ভারত লৈঙাক্না খন্ন-নৈনখিবা অদুগী মখা তারকপা ওইনা লৌখিবা ৱারেপশিংনি অদুগা মসিমক স্তেৎ/য়ু.তি.শিংগী মফমদা ঙসি খঙহনখ্রে:
- হৱাস-চেংৱাই অমসুং থাউ মরুশিং প্রাইস সপ্পোর্ত সিস্তেমগী মখাদা লৌননবা তারিখ স্তেৎ মশানা লেপচবা হায়না লৈঙাক্না ফিরেপ লৌরে। পোৎ লৌবগী মতম অসি লৌবা হৌবদগী পারগা নুমিৎ ৯০নিগী মনুংদা ওইগদবনি।
- পত্থ পুমথগনবা লৌউ-শীংউ অমসুং মহৈ মরোংগী পোত্থোকশিংগীদমক লৌমীশিংদা শেন্দোং লৈবা মমল পীননবা মার্কেত ইন্তরভেন্সন স্কিমগী মতাংদা লৌউ-শীংউ, কোওপরেসন অমসুং লৌমীশিংগী য়াইফ থৌরাংগী দিপার্তমেন্তনা স্তেৎ/য়ু.তি.শিংদা অকুপ্পা ৱারোল খঙহনখ্রে। অপুনবা শেনফমগী চাদা ৫০ (অৱাং-নোংপোক স্তেৎশিংগী ওইনা চাদ ৭৫) কেন্দ্র লৈঙাক্না পুথোকপগী মওংদা স্কিম অসি চৎনহন্নবা খঙহনখ্রে। অকুপ্পা ৱারোলশিং য়াওবা চেরোল স্তেৎশিংদা ঙসি পীখ্রে।
- অতোপ্পা পায়খৎলিবা থবকশিংঃ-
- অথিংবা থম্লিঙৈ মনুংদা ২৪.৩.২০২০দগী হৌরগা প্রধান মন্ত্রী কিসান সম্মান নিধি (পি.এম.-কিসান) স্কিমগী মখাদা লৌমী ইমুং ক্রোর ৭.৯২ দা কান্নবা পীখ্রে অমসুং লুপা ক্রোর ১৫,৮৪১ হৌজিকফাওবদা থাদোকখ্রে।
- স্তেৎ এ.পি.এম.সি. এক্তগী চৎন-কাংলোন হন্থহন্দুনা পুন্না লৈবা/রিতেলর অচৌবা/প্রোসেসরশিংনা লৌমী/এফ.পি.ও./কোওপরেতিভনচিংবশিংদগী হকথেংননা লৈবা য়াহন্দুনা হকথেংননা য়োন্থোক য়োনশিন য়াহন্নবা স্তেৎ/য়ু.তি. লৈঙাকশিংদা পাউতাক পীখ্রে। তামিল নাদু, কর্নাতকা অমদি ঝর্খান্দনচিংবা স্তেৎ খরদি পাউতাক অসিগী মতুংইন্না লৌখৎফম থোকপা থবক লৌখৎপা হৌখ্রে।
- পত্থ পুমথগনবা মনা মশিংগী পোত্থোক, মরু মরাং, শঙ্গোম অমসুং শঙ্গোমগী পোত্থোকশিং য়াওনা তঙাই ফদনা চংদ্রবা য়াদ্রবা পোৎলমশিং পুননবা মতম নাইবা পোৎ পুননবা ত্রেন ১০৯ রেলৱেজনা হৌদোকখ্রে। অথিংবা অসি থম্বা হৌরকপদগী হৌজিকফাঊবদা পোৎ পুননবা ত্রেনশিংগী চাউরাক্না লম্বী ৫৯ (ত্রেন ১০৯) লাওথোকখ্রে। মসিনা ভারতকী মরুওইবা সহর অয়ামবা চংদ্রবা য়াদ্রবা অমসুং পত্থ পুমথগনবা পোৎলমশিং খোংজেল য়াঙনা পুনথোক পুশিনগীদমক্তা শম্নহল্লগনি। পনবা য়াবদি হায়রিবা থৌরাং অসি মখা তানা হেনগৎলকখিবা য়ারি।
- ই-নাম এপতা মাঙজৌননা লোজিস্তিক মোদ্যুল হাপচিনখ্রে। হায়রিবা মোদ্যুল অসি লৌমী/ লল্লোনবশিংনা হৌজিক শীজিন্নরি অদুগা মীওই ২০০ হেন্না মসিবু শীজিন্নবা হৌখ্রে।
*****
(Release ID: 1612875)
Visitor Counter : 170
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Punjabi
,
Gujarati
,
Tamil
,
Telugu
,
Kannada
,
Malayalam