লৌউ-শীংউ অমদি লৌমীগী য়াইফ-থৌরাংগী কেন্দ্র মন্ত্রী শ্রী নরেন্দ্র শিংহ তোমারনা ঙরাং নুমিদাংৱাইরম স্তেৎশিংগা ভিদিও কনফরেন্সিংগী খুত্থাঙদা মীফম অমা পাঙথোকখ্রে‍। ভি.সি.গী খুত্থাঙদা পাঙথোকখিবা মীফম অদুদা এম.ও.এস. শ্রী পর্সোত্তম রুপালা অমদি শ্রী কাইলাস চৌধরী, সেক্রেতরী (এ.সি. অমসুং এফ.দব্লিউ.), শ্রী সঞ্জয় অগর্ৱাল, স্পেসেল সেক্রেতরী (লৌউ শীংউ) অমসুং মিনিস্ত্রীগী মথক থোংবা ওফিসরশিংসু শরুক য়াখি‍।

লৌউ-শীংউ অমদি লৌ লোকপগী থবক, পোত্থোক য়োনবা অমদি কৈথেলগী থৌরাং, এম.এস.পি. দা পোত্থোক লৈবা, ইনপুৎশিং (মরু অমদি ফর্তিলাইজর) য়েন্থোকপগা মরী লৈনবা মরুওইবা ৱাফমশিং অমসুং লৌউ-শীংউ অমদি মনা-মশীংগী পোত্থোকশিং পুথোক পুশিন তৌবগা মরী লৈনবা ৱাফমশিং স্তেৎশিংগী লৌউ-শীংউগী মন্ত্রীশিং, এ.পি.সি.শিং, সেক্রেতরীশিং অমসুং অতোপ্পা মকোক থোংবা ওফিসরশিংগা খন্নখি‍।

কোভিদ-১৯ লায়চৎকী চিরবা তানফমসিদসু লৌউ-শীংউগী থবক থৌরাং পায়খৎপদা মায়পুননা থৌদাং য়ারিবা স্তেৎশিংগী থৌদাংশিংবু কেন্দ্র মন্ত্রীনা তরাম্না ওকখি। মহাক্না অথিংবা লৈরিঙৈ তাল্লকসিদা লৌউ-শীংউ অমদি মসিগা মরী লৈনবা হীরমশিংদা মতেং পাংনবা মিনিস্ত্রীনা পায়খৎলিবা থৌরাংশিংগী মতাংদা ফোঙদোকখি‍। লৌ লোকপা অমসুং মরু হুনবা মতমগী য়েংলগা লৌউ-শীংউগা মরী লৈনবা থবক থৌরমশিংদা কেন্দ্র লৈঙাক্না লাওথোকখিবা কোমথোকখিবশিংগী মতাংদসু শাংনা খন্নখি‍। স্তেৎশিংদা মখাদা পীরিবা কোমথোকখিবশিংগী মতাংদা অমুক্কা হন্না খঙহনখিঃ

• এম.এস.পি.গী থবক থৌরাংশিং য়াওনা লৌউ-শীংউগী পোত্থোকশিং লৌবা এজেন্সিশিং
• লৌমী অমসুং শিন্মীশিংনা লৌফমদা শুবা থবক
• এগ্রিকলচর প্রদ্যুস মার্কেত কমিতিনা চলাইবা নৎত্রগা স্তেৎ লৈঙাক্না লাউথোক্লবা কৈথেলশিং
• কৈথেলশিং অসি স্তেৎ লৈঙাক/য়ু.তি. লৈঙাকশিংনা শৌগৎপা, লৌমীশিংদগী / লৌমী লুপশিং, এফ.পি.ও.শিং, কোওপরেতিবশিংনচিংবদগী হকথেংননা লৌদুনা য়োনবা পোৎফমশিংসু য়াওগনি‍;
• মরু, হার অমসুং তিলহাৎ হীদাকশিং য়োনবা দুকানশিং
• মরু, হার অমসুং তিলহাৎ হীদাকশিং শাবা অমদি পেকেজিং তৌবা য়ুনিৎশিং
• লৌউ-শীংউগী খুৎশু খুৎলায়শিংগা মরী লৈনবা কস্তম হায়রিং সেন্তরশিং (সি.ঐচ.সি.)
• কোম্বাইন্দ হার্ভেস্তরগুম্বা লৌ লোকপা অমসুং মরু হুনবদা শীজিন্নবা খুৎশু খুৎলায়শিং অমসুং লৌউ-শীংউ/মনা মশীং-উহৈ ৱাহৈগা মরী লৈনবা পোৎলমশিং স্তেৎ মনুংদা অমদি স্তেৎ মশেল মরক্তা পুথোক পুশিন তৌবা
• কোল্দ স্তোরাজ অমসুং ৱ্যেরহাওশিংগী থবক থৌরমশিং
• চিঞ্জাক্কী আইতেমশিং পেকেজিং তৌনবা মচাক শাব য়ুনিৎশিং
• তঙাই ফদনা চঙদ্রবা য়াদ্রবা পোৎলমশিং পুথোক পুশিন তৌবা
• লৌউ-শিংউগী খুৎশু খুৎলাই, স্প্যের পার্তশিং (সপ্প্লাই চেন য়াওনা) অমদি শেম্নবগী দুকানশিং
• য়াম্লবদা শিন্মী চাদা ৫০গা লোয়নবা থাফম য়াওনা চাগী কারখানাশিং

প্রজেন্তেসন অমা উত্তুনা স্তেৎশিংবু মখাদা পীরিবশিং অসিগীদমক্তা হায়খিঃ

• মরু হুনবা, লৌ লোকপা অমসুং য়োনবা য়াওনা লৌউ-শিংউগা মরী লৈনবা থবক থৌরমশিং নীংথিনা তৌহন্নবা ফিল্দ এজেন্সিশিংদা নীংথিনা খংহনবা‍।
• কোমথোক্লিবা থবক থৌরমশিংসিদা মথৌ তৌরিবা এজেন্সিশিংগী স্তাফ অমদি শিন্মীশিং চত্থোক চৎশিন তৌবা অমসুং মচাক মথুম, খুৎশু খুৎলায় অমদি পোৎলমশিং পুথোক পুশিন তৌবগী অয়াবা থুনা পিননবা‍।
• তঙাই ফদবা পোৎলমশিংগী লৈবাক শীনবা থুংনা সপ্প্লাই চেন লৈবা কম্পেনি/লুপশিংদা অয়াবা চেরোল পীদুনা মখোয়গী লৈরিবা সপ্প্লাই চেন অদু মথৌ তৌহন্নবা মখোয়গী মরুওইবা স্তাফ অমসুং শিন্মীশিং কোম্না চত্থোক চৎশিন য়ানবা রীজনেল পাস পিনবা ৱাফম
• হায়রিবা থবক থৌরমশিংসি পায়খৎপদা সোসেল দিস্তেন্সিংগী চৎন-কাংলোনশিং অমসুং মশা নান্না লৈনবগী ৱাফমশিং মীয়াম পুনবা মফম খুদিংমক্তা ঙাক্না চৎকদবনি‍।

ওইরক্লিবা ফীভমসিদা থেংনরিবা খুদোংচাদবশিং থেংননবা মথৌ তাবা মতেং পুম্নমক পীগনি হায়না কেন্দ্র মন্ত্রীনা স্তেৎশিংদা থাজবা পীখি‍।

স্তেৎকী লৌউ-শীংউগী মন্ত্রীশিংনা লৌউ-শীংউগী কেন্দ্র মিনিস্ত্রীনা লৌখৎলিবা থৌরাংশিংদুবু পুক্নীং থৌগৎলদুনা লৌউ-শীংউগা মরী লৈনবা থবক থৌরমশিংদা পীরিবা কোমথোকপশিংসিনা লৌমীশিং অমসুং মখোয়গী থবকশিংদা চাওনা কান্নবা পীরে হায়না হায়খি‍। স্তেৎশিংদা লৌউ-শীংউগা মরৈ লৈনবা থবক থৌরমশিংদা লু-নানবা অমদি সোসেল দিস্তেন্সিংগী চৎন-কাঙলোন নীংথিনা ঙাক্না চৎলি হায়নসু মখোয়না পাউদমখি‍।

লৌমীশিং, এফ.পি.ও.শিং অমসুং কোওপরেতিভশিংনা চিঞ্জাক ফংফমদগী ই-ত্রেদিং অমসুং বিদ্দিং তৌবা য়ানবা ই-নাম মোদ্যুলশিংসু মিনিস্ত্রীনা থাদোকখ্রে হায়বা ৱাফম খঙহনখি‍। অসসগুম্লবা লৌমীশিংনা মখোয়গী থোঙজিন্দা পোত্থোক য়োনবদা, শীজিন্নফমশিংদা পোত্থোক ফংহনবদা অমদি পোৎফমশিংদা মী চিলহন্দবদা খুদোং চাহনগদবা ৱাফম অসি চৎনহন্নবা স্তেৎশিংনা মথৌ তাবা পাউতাকশিং পীবা য়াগনি‍। মতৌ অসুম্না স্তেৎ পুম্নমক কান্নবা ফংমিন্ননবাকোম্বাইন্দ হার্ভেস্তরগুম্বা লৌ লোকপা অমসুং মরু হুনবদা শীজিন্নবা খুৎশু খুৎলায়শিং অমসুং লৌউ-শীংউ/মনা মশীং-উহৈ ৱাহৈগা মরী লৈনবা পোৎলমশিং স্তেৎ মনুংদা অমদি স্তেৎ মশেল মরক্তা পুথোক পুশিন তৌবা য়াহনগদবনি‍।

খন্নবা অদুদা লোক্লবা পোত্থোকশিং লৌবা, চঙগদবা মচাকশিং ফংহনবা, শেন্থং, ইন্স্যুরেন্স, স্তেৎ মশেল মরক্তা লৌউ-শীংউগী পোত্থোক পুথোক পুশিন তৌবনচিংবা ৱাফম কয়া পুখৎনরকখি, মখোয়শিংদুগী মনুংদা ৱাফম খরদি খুদক্তা ৱারোয়শিন পুরকখি অমদি স্তেৎশিংদা পাউতাকশিং পীখি‍। মখা তানা খন্নবা মথৌ তাবা ৱাফমশিং খঙজিন্দুনা স্তেৎশিংদা মদুগী মতাংদা য়েংশিন্দুনা মথৌ তাবা পাউতাক মতুংদা অমুক পীরক্কনি হায়না থাজবা পীখি‍।

লাক্কদৌরিবা খারিফ লৌরোক্কীদমক লৌফমশিং শেমগৎননবগীদমক খারিফ নেস্নেল কনফরেন্স এপ্রিল ১৬, ২০২০ দা ভিদিও কনফরেন্সিংগী খুত্থাংদা পাঙথোক্কনি হায়রদুনা কেন্দ্র মন্ত্রীনা স্তেৎশিংদা চৎথোক চৎশিনগী থৌরাং মাঙজৌননা তৌদুনা কনফরেন্স অসিগীদমক্তা শেম শানবা হায়খি‍। মহাক্না আরোগ্য এপকী কান্নবশিংগী মতাংদা ৱা ঙাঙলদুনা স্তেৎশিংদা মসিবু পাক শন্না খঙহন্দুনা লৌমীশিং অমদি মীয়ামদা শীজিন্নহন্নবা ৱাফমশিং ফোঙদোকখি‍। অরোয়বদা লৌউ-শীংউগা মরী লৈনবা থবক থৌরম খুদিংমক লু-নানবা অমদি সোসেল দিস্তেন্সিংগী চৎন-কাংলোনশিং নীংথিনা ঙাক্তুনা পাঙথোক্নবা অমুক্কা হন্না ফোঙদোকখি‍।