কেন্দ্ৰীয় কৃষি আৰু কৃষক কল্যাণ মন্ত্ৰী শ্ৰী নৰেন্দ্ৰ সিং টোমৰে যোৱা সন্ধিয়া ৰাজ্যসমূহৰ কৃষি মন্ত্ৰীসকলৰ সৈতে ভিডিঅ’ কনফাৰেন্সযোগে এক বৈঠকত মিলিত হয়৷ এই বৈঠকত ৰাজ্যিক মন্ত্ৰী শ্ৰী পৰষোত্তম ৰুপালা আৰু সচিব (এচি এণ্ড এফ ডব্লিউ)শ্ৰী কৈলাশ চৌধুৰী, বিশেষ সচিব, অতিৰিক্ত সচিব (কৃষি) শ্ৰী সঞ্জয় অগৰৱাল আৰু মন্ত্ৰালয়ৰ জ্যেষ্ঠ বিষয়াসকলে অংশগ্ৰহণ কৰে৷

বৈঠকখনত কৃষি কাৰ্য সম্বন্ধীয় বিভিন্ন বিষয় যেনে কৃষি বজাৰ, এমএছপিত ইয়াৰ আহৰণ, বীজ আৰু সাৰৰ যোগান, লজিষ্টিক আদিৰ বিষয়ে ৰাজ্যসমূহৰ কৃষি মন্ত্ৰী আৰু ৰাজ্যৰ অন্যান্য বিষয়াসকলৰ সৈতে আলোচনা কৰা হয়৷

ক’ভিড-১৯ৰ পৰিপ্ৰেক্ষিতত ৰাজ্য চৰকাৰসমূহে গ্ৰহণ কৰা পদক্ষেপক কেন্দ্ৰীয় মন্ত্ৰীগৰাকীয়ে প্ৰশংসা কৰে৷ ৰাজ্যসমূহক নিম্নোক্ত দিশসমূহত লকডাউনৰ সময়ছোৱাত শিথিলতা প্ৰদান কৰাৰ বাবে অৱগত কৰা হয়ঃ

• কৃষিজাত সামগ্ৰী কৰা সংস্থা, এমএছপিকে ধৰি;
• খেতি পথাৰত কৃষক আৰু কৃষি কৰ্মীসকলে কৰা কাৰ্য;
• কৃষি সামগ্ৰী বিপণন কমিটী অথবা ৰাজ্য চৰকাৰৰ দ্বাৰা অধিসূচীত ‘মণ্ডী’সমূহ;
• বীজ, সাৰ আৰু কীটনাশক দ্ৰব্যৰ দোকানসমূহ;
• বীজ, সাৰ আৰু কীটনাশক দ্ৰব্যসমূহৰ নিৰ্মাণ আৰু পেকেজিং;
• কাষ্টম হায়াৰিং চেণ্টাৰ (চিএইচচি) সম্পৰ্কীয় কৃষি যন্ত্ৰাদি;
• কৃষি সম্বন্ধীয় কাৰ্যৰ বাবে আন্তঃৰাজ্যিক সঞ্চালন
• শীতলীকৰণ ভৱন আৰু পণ্যাগাৰ সেৱা;
• খাদ্য সামগ্ৰীৰ পেকেজিং পদাৰ্থৰ নিৰ্মাণ;
• অত্যাৱশ্যকীয় সামগ্ৰীৰ পৰিবহণ;
• চাহ উদ্যোগ, সৰ্বাধিক ৫০% কৰ্মীৰ সৈতে চাহপুলি ৰোপণ কাৰ্য৷

কেন্দ্ৰীয় কৃষি মন্ত্ৰীগৰাকীয়ে ৰাজ্যসমূহক এই সময়ছোৱাৰ প্ৰত্যাহ্বানৰ সৈতে মোকাবিলা কৰিবলৈ প্ৰয়োজনীয় সকলো সাহায্য আৰু সমৰ্থন প্ৰদান কৰিব বুলি জানিবলৈ দিয়ে৷

বৈঠকখনত মন্ত্ৰালয়ৰ পৰা ই-ট্ৰেডিং আৰু নিবিদাৰ বাবে ই-নামৰ বিভিন্ন মডিউল মুকলি কৰা হৈছে বুলি অৱগত কৰা হৈছে৷ তাৰোপৰি বৈঠকখনত ফচল ক্ৰয়, যোগানসমূহৰ উপলব্ধতা, ক্ৰেডিট, বীমা আৰু কৃষিজাতীয় সামগ্ৰীসমূহৰ আন্তঃৰাজ্যিক সঞ্চালন আদিৰ সমস্যাসমূহৰ বিষয়েও আলোচনা কৰা হয়৷

কেন্দ্ৰীয় মন্ত্ৰীগৰাকীয়ে অহা ১৬ এপ্ৰিল ২০২০ তাৰিখে ভিডিঅ’ কনফাৰেন্সযোগে খাৰিফ ৰাষ্ট্ৰীয় সন্মিলন অনুষ্ঠিত হ’ব বুলি ঘোষণা কৰে৷ 

*****

APS/PK/MS/BA/MANN