কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়

তেংবাং পীনবগীদমক্তা এন.জি.ও..শিংনা এফ.সি.আই.দগী হকথেংননা চানবা পোৎলম লৈবা য়াহল্লে

Posted On: 08 APR 2020 8:47PM by PIB Imphal

লৈবাক শিনবা থুংনা থিংজিনবগী মতম অসিদা লায়রবা অমদি পাম্বৈ লৈজদ্রবা মীওই লিশিং কয়াদা থোংদোক্লবা চিঞ্জাক পীবদা এন.জি.ও. অমদি চেরিতেবল ওর্গনাইজেসনশিংনা মরুওইবা থৌদাং লৌরি‍। তানফম অসিদা অসিগুম্বা লুপশিং অসিদা চানবা পোৎলমশিং ৱাৎহন্দনবা হায়রিবা লুপশিংসিদা ই-ওক্সনগী থৌওং য়াওদ্রবসু ওপন মার্কেৎ সেল স্কিম (ও.এম.এস.এস..) মমলদা লৈবা য়াহন্নবা লৈঙাক্না এফ.সি.আই.দা খঙহনখ্রে‍। হান্নদি স্তেৎ লৈঙাকশিং অমসুং রোল্লর ফ্লোর মিলশিংগুমবা রেজিস্তর তৌরবা চাং য়াম্না ৱাংনা শিজিন্নবা খরখক্তমক এফ.সি.আই.দগী ও.এম.এস.এস.কী মমলদা লৈবা য়াহল্লম্বনি‍। অদুবু হৌজিক্তি হায়রিবা লুপশিং অসিনা মাংজৌননা লেপথোক্লবা মমলদা এফ.সি.আই.দগী অমুক্তা মেত্রিক তন ১দগী ১০ ফাউবা লৈবা য়ারগনি‍। লৈবাক শিনবা থুংনা এফ.সি.আই.গী গোদাউন ২০০০গী মথক্তা লৈ অমসুং হায়রিবা গোদাউন ময়ামগী নেতৱর্ক অসিনা অসিগুম্লবা অৱাবা তানফম অসিদা হায়রিবা লুপশিং অসিদা চানবা পোৎলমশিং ৱাত্তনা পীনবা হোৎনগদৌরি‍। মসিনা রিলিফ কেম্পশিংদা লৈরিবা লায়রবা অমদি লমদগী লাকপা শিন্মীশিংদা চান-থক্নবা পীবদা মতেং ওইরগনি‍। অসিগুম্বা লুপশিংনা লৌরিবা চানবা পোৎলমশিং অসি মরম চানা শিজিন্নহন্নবগীদমক্তা অকুপ্পা ৱাফম মরী লৈনবা দি.সিশিংদা শুকশোয় শোয়দনা য়ৌহনগদবনি‍। লৈবাক শিনবা থুংনা চানবা পোৎলমশিং অথুবা মতমদা য়ৌহনবগী চাং অসি কায়হন্দনা লৈরিবা অথিংবা অসি হেক হৌরকপদগী হৌজিক ফাউবদা মরাং কায়না লৈবা স্তেৎশিংদগী চানবা পোৎলম তন মিল্লিয়ন ২.২ এফ.সি.আই.না চিংথোকখ্রে‍। মসিনা পি.এম.জি.কে.এ.ৱাই.গী মখাদ লেম্না য়েন্থোক্নবগীদমক্তা স্তেৎ লৈঙাকশিংদা চানবা পোৎলম তন মিল্লিয়ন ১গী মথক্তা হান্ননা পীখ্রে‍।

এফ.সি.আই.না স্তেৎ লৈঙাকশিংদা মখোয়গী মথৌ তাবশিং শীন্ননবগীদমক্তা ২৪.০৩.২০২০দগী হৌনা হান্না লৈজবা এন.এফ.এস.এগী চাকথুং মখাদা চানবা পোৎলম তন মিল্লিয়ন ৩.২ পিখ্রে‍। স্তেৎ অমদি য়ু.তি. খুংদিংমক্তা লৈরিবা চানবা পোৎলমশিংগী চাং কুপ্না শেন্নবগা লোয়ননা মফম খুদিংমক্তা মরাং কায়না ফংহন্নবা থৌরাং লৌখৎলি‍। ০৭.০৪.২০২০ ফাওবদা এফ.সি.আই.দা চানবা পোৎলম মেত্রিক তন মিল্লিয়ন ৫৪.৪২ (চেং এম.এম.তি. ৩০.৬২ অমদি গেহু এম.এম.তি. ২৩.৮০) লৈরি‍। পি.দি.এস. অমদি অতোপ্পা লৈঙাক্কী থৌরাংশিংগী মখাদা চানবা পোৎলমশিং মরাং কায়না ফংহন্নবা হোৎন-হোৎননা মীয়ামগী কৈথেলদসু মমল হেনগৎপা থিংননবা মরাং কায়না ফংহন্নবা থৌরাং লৌখৎলি‍। মসিনা মচাক অমদি মমল চাং কায়দনা থম্নবগীদমক মরী লৈনবা দি.সি/দি.এমশিংনা পীরকপা ৱাফমগী মতুংইন্না স্তেৎ লৈঙাকশিং চেং অমসুং ফ্লোর মিলশিংদা গেহু ও.এম.এম.এসগী মখাদা চাং নাইনা ফংহল্লি‍। হৌজিক ফাওবদা গেহু এল.এম.তি. ১.৪৫ অমসুং চেং এল.এম.তি. ১.৩৩ পীখ্রে‍। অথিংবা লৈরিঙৈ মতমসিদা লৈবাকসিদা চানবা পোৎলমশিং মরাং কায়না অমদি চাং নাইনা ফংহন্নবা লৌখৎপা য়াবা থৌরাং পুম্নমক লৌখত্তুনা লাক্লি‍।



(Release ID: 1612488) Visitor Counter : 17