নোবেল কোরোনাভাইরস অসি অনৌবা ভাইরস অমনি অমসুং মসিগী তোঙানবা মশক অদু খঙদোক্নবা রিছর্সসরশিংনা হোৎনবা হৌরে । সি এস আই আরগী ইন্সতিতুৎ অনি হায়বদি সেন্তর ফোর সেল্লুরার এন্দ মোলিকুলার বাইওলোজি(সি সি এম বি) হায়দ্রবাদ অমসুং ইন্সতিতুৎ ওফ জেনোমিক্স এন্দ ইন্তেগ্রেতিব বাইওলোজি(আই জি আই বি), নিউ দিল্লিনা অপুনবা ওইনা নোবেল কোরোনাভাইরস জেনোম সিক্বেন্সিংগী থবক পায়খৎপা হৌরে ।

সি সি এম বিগী দিরেক্তর, দোক্তর রাকেস মিশ্রানা হায়খি মসিনা ঐখোয়না ভাইরস অসিগী ইভোলুসন খঙবদা মতেং ওইগনি , মসি কয়া য়াম্না কনবগে অমসুং মসিনা কয়া য়াম্না য়াংনা মচা পোকপগী হায়বা খঙবা ঙমগনি । থিজিনবা অসিনা মসি কয়া য়াম্না ওনবগে হায়বা অমসুং মসি তুংদা করি ওইরক্কনি হায়বা খঙবদা ঐখোয়দা মতেং ওইগনি ।

হোল-জেনোম সিক্বেন্সিং অসি অকক্নবা জিবা অমগী জেনোম মপুংফানা দি এন এ সিক্বেন্স মশক খঙদোক্নবা পাম্বৈ অমনি । খ্বাইদগী নৌবা কোরোনাভাইরস সিক্বেন্সিং তৌনবা পোজিতিব ওইরবা অনাবশিংদগী সেম্পলশিং লৌগনি অমসুং হায়রিবা সেম্পলশিং অদু সিক্বেন্সিং সেন্তরদা থাগনি । জেনোম সিক্বেন্সিং পাংথোক্নবা মশিং য়াম্লবা সেম্পলশিং দরকার ওই । “দেতা য়াম্না য়াওদনা নহাক্না মসিগী মতাংদা ৱারেপ অমা অচুম্বা ওইরোই । হৌজিক ঐখোয়না অঙম্বা সিক্বেন্সিংগী থবক পাংথোক্লি অমসুং ঐখোয়না সিক্বেন্সিং চা কয়া শুরকপা মতমদা মসিগী ভাইরস অসিগী তোঙান তোঙানবা বাইওলোজিকেলগী মশকশিং খন্দোকপা ঙমগনি” হায়না দোক্তর মিশ্রানা হায়খি ।

ইন্সতিতুৎ অমমমগী মীওই অহুমদগী মরি ফাওবনা হোল-জেনোম সিক্বেন্সিংগী থবক লেপ্তনা পায়খৎলি । মথংগী চয়োল ৩-৪দা রিছর্সসরশিংনা য়ামদ্রবদা আইসোলেত ২০০-৩০০ ফংবা ঙমগনি অমসুং মসিগী পাউ অদুনা মখোয়না ভাইরস অসিগী হৈনবীগী মতাংদা মখা তানা ৱারেপ লৌবদা মতেং  পাংগনি । মসিগী থবক অসিগীদমক, তোঙান-তোঙানবা মফমশিংদগী খন্দোরকপা ভাইরস পীনবা নেসনেল ইন্সতিতুৎ ওফ ভাইরোলোজি(নিব)তা হায়জখ্রে ।

মসিনা সাইন্সতিস্তশিংনা লৈবাক শীনবা থুংনা হেন্না চাউবা অমসুং ময়েক শেংবা শক্তম অমা উবা ফংলগনি । মসিনা ইন্সতিতুৎশিংনা ভাইরস অসিগী চারোন-শুরোন থিগৎপদা মতেং ওইগনি । দোক্তর মিশ্রানা হায়খি করম্বা স্ত্রেন য়াম্না মান্নবা কদাইদগী ভাইরস অসি লাকপগে হায়বা অমসুং তোঙান-তোঙানবা মিউতেসনশিং অমসুং করম্বা স্ত্রেন্না খ্বাইদগী শোল্লি অমসুং হেন্না ফবা আইসোলেসনগী থবকশিং পায়খৎপদা মসিনা য়ুমফম ওইহনগনি।

মসিগী মথক্ত  ইন্সতিতুৎ অসি তেস্ত তৌনবগী থবক হেনগৎহল্লে । মশি য়াম্লবা মীওই কয়া তেস্ত তৌবগী থবক পায়খৎলি অমসুং মখোয়না পাকশন্না স্ক্রিন তৌবগী থবক পায়খৎলগনি । মসিনা মখোয়না পোজিতিপ ওইবা মশিং খঙদোকপদা মতেং পাংগনি অমসুং মখোয় ক্বারেনতাইন তৌনবা থাখিগনি ।

*****