কোবিদ-১৯ লাইচৎ অসিগীদমক য়েংলদুনা ইকাই খুম্নরবা প্রধান মন্ত্রীনা খঙহনখিবা মতুং ইন্না কেন্দ্রগী পার্সোনেল, পব্লিক গ্রিবেন্সেস, পেন্সন্স অমসুং দোনর মন্ত্রালয়না লোকদাউন লাওথোকখ্রবা মতুংদগী খোংথাং কয়া লেপ্তনা পাইখৎলি। পার্সোনেল অমসুং ত্রেনিং দিপার্তমেন্ত (দি.ও.পি.তি.)কী মখাদা লৈবা কেন্দ্রীয় ভন্দারনা মথৌ তারবা ইমুংশিংদা ‘তঙাই ফদবা কিৎশিং’ ফংহন্নবা তোপ তোপ্পা খোংথাংশিং পাইখৎলি।

কেন্দ্রগী অৱাং নোংপোক চাউখৎ-থৌরাং (দোনর) মন্ত্রী (মনীং তম্বা) অমসুং প্রধান মন্ত্রী ওফিস, পার্সোনেল, পব্লিক গ্রিবান্সেস, পেন্সন্স, এতোমিক ইনর্জী অমসুং স্পেস রাজ্য মন্ত্রী দা. জিতেন্দ্র সিংহনা কোবিদ-১৯ লাইচৎ অসিদা মিৎয়েং থমলদুনা মথৌ তারবা ইমুংশিংদা য়েন্থোক্নবগীদমক ঙসি তঙাইফদবা কিৎ ২২০০দগী হেন্না কন্সাইনমেন্ত শিন্নখ্রে। কিৎ অমমমদা পোৎলম ৯ য়াউই, মদুনা মতম খরগী ওইনা মথৌ তারবা ইমুংশিংদা মতেং ওইহল্লগনি।

দা.জিতেন্দ্র সিংহনা কিৎ ১৭০০ এস.দি.এম., সিবিল লাইনশিং, সেন্ত্রেল দিল্লী দিস্ত্রিক্ততা শিন্নখি অমসুং লেমহৌবা কিৎ ৫০০ দি.এম. (সেন্ত্রেল)দা পীরগনি।

কেন্দ্রীয় ভন্দারনা মথৌ তারবা ইমুংশিংদা য়েন্থোক্নবা পুন্না কিৎ ২২০০ শেম-শাহনখি।

• তঙাইফদবা কিৎ অমমমদা মখাগী পোৎলমশিং অসি য়াওইঃ

১. চেং  কে.জি. ৩

২. গেহুগী য়াম কে.জি. ৩

৩. হৱাই কে.জি. ২​​​​

৪. অচাথাও লীতর ১

৫. চেংপাক গ্রাম ৫০০​​

৬. থুম কে.জি. ১

৭. ইরুজনবা সাপোন বার ১

৮. ফিশু সাপোন বার ১

৯. বিস্কিৎ পেকেৎ ৩