ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯ

ಕೋವಿಡ್-19 ನಿಯಂತ್ರಿಸಲು ಮೂಗಿನ ಹೊಳ್ಳೆಗಳಿಗೆ ಲೇಪಿಸುವ ದ್ರಾವಣ (ಜೆಲ್) ಅಭಿವೃದ್ಧಿಪಡಿಸಲು ಹಣಕಾಸು ಒದಗಿಸಲು ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ (ಡಿ.ಎಸ್.ಟಿ.) ಅನುಮೋದನೆ

Posted On: 08 APR 2020 11:42AM by PIB Bengaluru

ಕೋವಿಡ್-19 ನಿಯಂತ್ರಿಸಲು ಮೂಗಿನ ಹೊಳ್ಳೆಗಳಿಗೆ ಲೇಪಿಸುವ ದ್ರಾವಣ (ಜೆಲ್) ಅಭಿವೃದ್ಧಿಪಡಿಸಲು ಹಣಕಾಸು ಒದಗಿಸಲು ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ (ಡಿ.ಎಸ್.ಟಿ.) ಅನುಮೋದನೆ

ಇತರ ರಕ್ಷಣಾತ್ಮಕ ಕ್ರಮಗಳ ಜೊತೆ ಮೂಗಿನೊಳಗೆ ಹಾಕುವ ಜೆಲ್ ಅಭಿವೃದ್ದಿಪಡಿಸಲಾಗುತ್ತಿದ್ದು, ಅದು ರಕ್ಷಣಾತ್ಮಕ ಪದರಗಳಲ್ಲಿ ಇನ್ನೊಂದು ಬಲಿಷ್ಟ ಹೆಚ್ಚುವರಿ ರಕ್ಷಣಾ ಪದರವಾಗಿ ಲಭ್ಯವಾಗಲಿದೆ”: ಡಿ.ಎಸ್.ಟಿ. ಕಾರ್ಯದರ್ಶಿ ಪ್ರೊ. ಅಶುತೋಷ್ ಶರ್ಮಾ

 

ವಿಜ್ಞಾನ ಮತ್ತು ತಂತ್ರಜ್ಞಾನ (ಡಿ.ಎಸ್.ಟಿ.) ಇಲಾಖೆಯ ಶಾಸನಾತ್ಮಕ  ಮಂಡಳಿಯಾಗಿರುವ ವಿಜ್ಞಾನ ಮತ್ತು ತಂತ್ರಜ್ಞಾನ ಸಂಶೋಧನಾ ಮಂಡಳಿ (ಎಸ್..ಆರ್.ಬಿ.)ಯು  ಐ..ಟಿ. ಬಾಂಬೆಯ ಜೈವಿಕವಿಜ್ಞಾನ ಮತ್ತು ಜೈವಿಕ ತಂತ್ರಜ್ಞಾನ (ಡಿ.ಬಿ.ಬಿ.) ವಿಭಾಗಕ್ಕೆ ಕೋವಿಡ್ -19 ಕ್ಕೆ ಕಾರಣವಾಗುವ ನೊವೆಲ್ ಕೊರೊನಾವೈರಸ್ ಹಿಡಿದು ನಿಷ್ಕ್ರಿಯಗೊಳಿಸುವ ತಂತ್ರಜ್ಞಾನಕ್ಕೆ ಬೆಂಬಲ ನೀಡಲಿದೆ

ಈ ಹಣಕಾಸು ನೆರವು ಐ..ಟಿ. ಬಾಂಬೆಯ ಜೈವಿಕ ವಿಜ್ಞಾನಗಳು ಮತ್ತು ಜೈವಿಕ ತಂತ್ರಜ್ಞಾನ ವಿಭಾಗದ ತಂಡಕ್ಕೆ ಕೊರೊನಾವೈರಸ್ ದೇಹದೊಳಗೆ ಪ್ರವೇಶಿಸಲು ಇರುವ ಪ್ರಮುಖ ಹಾದಿಯಾಗಿರುವ ಮೂಗಿನ ಹೊಳ್ಳೆಗಳಿಗೆ ಉಪಯೋಗಿಸಬಹುದಾದ ಜೆಲ್ ಅಭಿವೃದ್ದಿಪಡಿಸಲು ಸಹಾಯ ಮಾಡಲಿದೆ. ಈ ಪರಿಹಾರವು ಆರೋಗ್ಯ ಕಾರ್ಯಕರ್ತರ ರಕ್ಷಣೆಯನ್ನು ಮಾಡುವುದು ಮಾತ್ರವಲ್ಲದೆ ಕೋವಿಡ್-19 ಸಮುದಾಯಕ್ಕೆ ಪ್ರಸಾರವಾಗುವುದನ್ನು ಕಡಿಮೆ ಮಾಡಲಿದೆ,ಆ ಮೂಲಕ ರೋಗ ನಿರ್ವಹಣೆಗೆ ಸಹಾಯ ಮಾಡಲಿದೆ.

ಕೋವಿಡ್ -19 ಸಾಂಕ್ರಾಮಿಕ ಸ್ವಭಾವವು ಕೋವಿಡ್ -19 ಖಾಯಿಲೆ ಪೀಡಿತರನ್ನು ಶುಶ್ರೂಷೆ ಮಾಡುವ ಆರೋಗ್ಯ ಒದಗಣೆದಾರರಾದ ವೈದ್ಯರು, ದಾದಿಯರಿಗೆ ಗರಿಷ್ಟ ಅಪಾಯದ ಸಂಭಾವ್ಯತೆಯನ್ನು ತರುವಂತಹದಾಗಿದೆ. ಅದರಲ್ಲೂ ನಿರ್ದಿಷ್ಟವಾಗಿ ಸೋಂಕು  ಲಕ್ಷಣಗಳಿಲ್ಲದೆ ಯಾವುದೇ ವ್ಯಕ್ತಿಯನ್ನು ಕೂಡಲೇ ಗುರುತಿಸಲು ಸಾಧ್ಯವಿಲ್ಲದಂತಹ ಪರಿಸ್ಥಿತಿಯಲ್ಲಿ ಇದು ಬಹಳ ಅಪಾಯಕಾರಿಯಾಗಿದ್ದು ಅದು ಹರಡುವ ಅಪಾಯವೂ ಅಧಿಕವಾದುದಾಗಿದೆ.

ತಂಡವು 2 ರೀತಿಯ  ಧೋರಣೆಯನ್ನು ಅನುಸರಿಸುತ್ತಿದೆ. ಸಾರ್ಸ್-ಕೋವ್-2 ವೈರಸ್ ಹರಡುವಿಕೆಯನ್ನು ಸೀಮಿತಗೊಳಿಸುವುದು. ಈ ವೈರಸ್  ಕೋವಿಡ್-19 ಕ್ಕೆ ಕಾರಣವಾಗುವ ಮಧ್ಯವರ್ತಿಯಾಗಿದೆ. ವೈರಸ್ ಗಳು ಪ್ರಾಥಮಿಕವಾಗಿ ಶ್ವಾಸಕೋಶದ ಅತಿಥೇಯ ಕೋಶಗಳ ಮೇಲೆ ಪುನರುತ್ಪಾದನೆ ಮಾಡುತ್ತವೆ. ಇಲ್ಲಿ ಮೊದಲ ವ್ಯೂಹಾತ್ಮಕ ಘಟಕವೆಂದರೆ ಅತಿಥೇಯ ಕೋಶಗಳಿಗೆ ವೈರಸ್ ಗಳು ಅಂಟಿಕೊಳ್ಳುವುದನ್ನು ಪ್ರತಿಬಂಧಿಸುವುದು. ಇದರಿಂದ ಅತಿಥೇಯ ಕೋಶಗಳ ಸೋಕನ್ನು ಕಡಿಮೆ ಮಾಡುಬಹುದೆಂದು ನಿರೀಕ್ಷಿಸಲಾಗಿದೆ. ವೈರಸ್ ಗಳು ಆಮೇಲೂ ಸಕ್ರಿಯವಾಗಿ ಉಳಿದುಕೊಂಡರೆ, ಆಗ ಅವುಗಳನ್ನು ನಿಷ್ಕ್ರಿಯಗೊಳಿಸುವ ಆವಶ್ಯಕತೆ ಉದ್ಭವಿಸುತ್ತದೆ.

ಎರಡನೆಯದಾಗಿ ಜೈವಿಕ ಅಣುಗಳನ್ನು ಜೊತೆಗೂಡಿಸಿ ಅದರಿಂದ ಸಿಕ್ಕಿ ಬಿದ್ದ ವೈರಸ್ ಗಳನ್ನು ಡಿಟರ್ಜೆಂಟ್ ಗಳು ಮಾಡುವಂತೆ ನಿಷ್ಕ್ರಿಯಗೊಳಿಸಬಹುದು. ಈ ಲೆಕ್ಕಾಚಾರವನ್ನು ಪೂರ್ಣಗೊಳಿಸಿದಾಗ ಈ ಕ್ರಮವು ಮೂಗಿನೊಳಗೆ ಸ್ಥಳೀಯವಾಗಿ ಲೇಪನ ಮಾಡಬಹುದಾದ ಜೆಲ್ ಗಳ ಅಭಿವೃದ್ದಿಗೆ ಕಾರಣವಾಗುತ್ತದೆ.

ಡಿ.ಎಸ್.ಟಿ. ಕಾರ್ಯದರ್ಶಿ ಪ್ರೊ. ಅಶುತೋಷ್ ಶರ್ಮಾ ಹೇಳುತ್ತಾರೆ, “ನಮ್ಮ ಆರೋಗ್ಯ ಕಾರ್ಯಕರ್ತರು  ಮತ್ತು ವೈರಸ್ ವಿರುದ್ದ  ಹೋರಾಟದಲ್ಲಿ ಮುಂಚೂಣಿಯಲ್ಲಿ ನಿಂತು ಹೋರಾಡುತ್ತಿರುವವರಿಗೆ ಸಂಪೂರ್ಣ, 200 % ರಕ್ಷಣೆ ಅವಶ್ಯವಿದೆ. ಮೂಗಿಗೆ ಹಾಕುವ ಈ ಜೆಲ್ ಇತರ ರಕ್ಷಣಾತ್ಮಕ ಕ್ರಮಗಳ ಜೊತೆಯಲ್ಲಿ ಅಭಿವೃದ್ದಿಪಡಿಸಲಾಗುತ್ತಿದ್ದು, ಅದು ರಕ್ಷಣೆಯ ನಿಟ್ಟಿನಲ್ಲಿ ಬಲಿಷ್ಟವಾದ ಹೆಚ್ಚುವರಿ ಪದರವನ್ನು ಒದಗಿಸಲಿದೆ

ಬಾಂಬೆ ಐ..ಟಿ.ಯ ಜೈವಿಕ ವಿಜ್ಞಾನ ಮತ್ತು ಜೈವಿಕ ತಂತ್ರಜ್ಞಾನ ವಿಭಾಗದ ಪ್ರೊ.ಕಿರಣ್ ಕೊಂಡಬಾಗಿಲ್, ಪ್ರೊ. ರಿಂಟಿ ಬ್ಯಾನರ್ಜಿ, ಪ್ರೊ. ಅಶುತೋಷ್ ಕುಮಾರ್ ಮತ್ತು ಪ್ರೊ. ಶಾಮಿಕ್ ಸೇನ್ ಈ ಯೋಜನೆಯ ಭಾಗವಾಗಿರುತ್ತಾರೆ. ಈ ತಂಡವು ವೈರಾಲಜಿ, ರಾಚನಿಕ ಜೀವಶಾಸ್ತ್ರ, ಜೈವಿಕವಸ್ತುವಿಜ್ಞಾನ  ಮತ್ತು ಔಷಧಿ ತಯಾರಿ ಕ್ಷೇತ್ರದಲ್ಲಿ ತಜ್ಞತೆಯನ್ನು ಹೊಂದಿದೆ, ಮತ್ತು ಈ ತಂತ್ರಜ್ಞಾನ 9 ತಿಂಗಳಲ್ಲಿ ಲಭ್ಯವಾಗುವ ನಿರೀಕ್ಷೆ ಇದೆ.

 

(ಹೆಚ್ಚಿನ ವಿವರಗಳಿಗೆ ಸಂಪರ್ಕಿಸಿ ಪ್ರೊ. ಕಿರಣ್ ಕೊಂಡಬಾಗಿಲ್ , kirankondabagil@iitb.ac.in,ಮೊಬೈಲ್: 9619739630)

***

 



(Release ID: 1612368) Visitor Counter : 123