দিপার্তমেন্ত ওফ বাইওসাইন্সেস এন্দ বাইওইঞ্জিনীয়রিং (দি.বি.বি.), আই.আই.তি. বোম্বেনা পুথোকপা কোভিদ ১৯ থোকহল্লিবা এজেন্ত, নোবেল কোরোনা ভাইরসপু ফাজিন্দুনা মথৌ তৌহনবা ঙমহন্দনবা তেক্নোলোজী অসিদা দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী স্তেতুতোরী বোদী অমা ওইরিবা সাইন্স এন্দ ইঞ্জিনীয়রিং রিসর্স বোর্দ (এস.ই.আর.বি.) না শৌগৎলি‍।

কোরোনা ভাইরসকী মরুওইবা চংফম ওইরিবা নাতোন মখুন্দা হাপ্পা য়াবা জেল অসি শেমগৎপদা দিপার্তমেন্ত ওফ বাইওসাইন্সেস এন্দ বাইওইঞ্জিনীয়রিং (দি.বি.বি.), আই.আই.তি. বোম্বেগী কাংবুদা শেন্থং অসিনা মতেং পাংগনি‍। পাম্বৈ অসিনা হকশেলগী লমদ থবক তৌরিবশিং খক্তা নত্তনা কোভিদ ১৯ খুন্নাইগী মরক্তা শন্দোরকপা হন্থহন্দুনা লাইনা অসিবু লাকশিন্বদা মতেং ওইগনি হায়না পানরি‍।

কোভিদ ১৯গী য়াম্না লৌনগনবা মওং অসিগী মতুং ইন্না কোভিদ ১৯ নারবা মীওইশিং মরুওইনা লাইওং উত্থোক্তবা খংবা ঙমদবা মীওইশিং শেন্নরিবা হকশেলগী লমদা থবক তৌরিবা মরুওইনা দোক্তর অমশুং নর্সশিংগী মফমদা লায়না অসি শন্দোকপগী খুদোংথিবা হেন্না পোকহল্লি‍।

কাংবু অসিনা কোভিদ ১৯ থোকহল্লিবা সারস কোভ-২ ভাইরস শন্দোকপা হন্থহন্নবা মাইওন অনি লোংবা থৌরাং অমা য়াৎলি‍। মরুওইনা ভাইরস অসিনা লংসতা য়াউরিবা হোস্ত সেলগী মনুংদা মচা পোকলকপা মরম্না লাল্লোং অসিগী অহানবা শরুক অসি হোস্ত সেলদা ভাইরস অসি নপশিনহন্দনবা হোৎনবনি‍। মসিনা হোস্ত সেলদা মহিক অসিনা শোকহনবা হন্থহল্লবসু ভাইরস অসি হিংদুনা লৈগদবা মরম্না মখোয়বু মথৌ তৌহনবা ঙমদবা মথৌ তারি‍।

অনিশুবদা ফি শুনবা পাউদরগা মান্ননা মথৌ তৌদুনা মনুংদা ফাজিন্দুনা লৈরবা ভাইরসশিং অদুবু হাৎপা ঙমবা বাইওলোজিকেল মোলিক্যুলশিং হাপচিনগনি‍। হায়রিবশিং অসি লোইরবা মতুংদা নাতোন্দা তৈবা য়াবা জেল শেম্ননবা মাইকৈরোমদা খোং থাংজিনগনি‍।

দি.এস.তি. সেক্রেতরী প্রোফ. অশুতোস শর্মনা হাই, “ভাইরস অসিবু লান্থেংনবদা মাংদা থোক্তুনা মাইয়োঙ য়ারিবা হকশেল অমসুং অতোপ্পা লমশিংদা লৈরিবা মীওইশিং অসিদা অশোয়বা লৈত্রবা চাদা ২০০গী চাংদা ঙাকথোক্নবা পাম্বৈ পীবা মথৌ তাই‍। অতোপ্পা ঙাকথোক্নবগী পাম্বৈশিংগা লোয়ননা শেমগৎলিবা নাতোন্দা হাপ্নবা জেল অসিনা ঙাকথোক্নবগী অহেনবা অকনবা মরোল অমা পীরগনি”‍।

আই.আই.তি. বোম্বেগী দিপার্তমেন্ত ওফ বাইওসাইন্স এন্দ বাইওইঞ্জিনীয়রিংগী প্রো: কিরন কোন্দাবগিল, প্রো: রিন্তী বেনর্জী, প্রো: অশুতোস কুমার অমসুং প্রো: শমিক সেন প্রোজেক্ত অসিগী শরুক ওইগনি‍। কাংবু অসি ভাইরোলোজী, স্ত্রকচরেল বাইওলোজী, বাইওফিজিক্স, বাইওমেতরিএল্স, অমশুং দ্রগ দেলিভরীগী লমশিংদা হৈথোই শিংথোইরবশিংনি, অদুগা হায়রিবা তেক্নোলোজী অসি চাউরাক্না থা ৯ লোমগী মনুংদা লোইশিল্লবা য়াই হায়না পানরি‍।

(মখা তাবা অকুপ্পা মরোলগীদমক প্রো: কিরন কোন্দাবগিলগা kirankondabagil@iitb.ac.in, মোবাইল: ৯৬১৯৭৩৯৬৩০দা পাউ ফাউনবীয়ু‍।)

*****