ক’ভিড-১৯ক প্ৰতিৰোধ কৰিবলৈ নাসিকা পথৰ বাবে এক ধৰণৰ জেল প্ৰস্তুতিৰ বাবে ডিএছটিয়ে অনুমোদন প্ৰদান কৰিছে পুঁজি আৱণ্টনৰ

বিজ্ঞান আৰু প্ৰযুক্তি বিভাগৰ বিজ্ঞান আৰু অভিযান্ত্ৰিক গৱেষণা ব’ৰ্ড (এছইআৰবি) শীৰ্ষক এক স্বায়ত্বশাসিত প্ৰতিষ্ঠানে আইআইটি ব’ম্বেৰ জৈৱ বিজ্ঞান আৰু জৈৱ অভিযান্ত্ৰিক বিভাগ (ডিবিবি)ক ক’ভিড-১৯ৰ ন’ভেল ক’ৰনা ভাইৰাছক নিষ্ক্ৰিয় কৰি তোলা প্ৰযুক্তি বিকাশৰ ক্ষেত্ৰত সহায় আগবঢ়াইছে৷

এই বিত্তপোষণৰ জৰিয়তে আইআইটি ব’ম্বেৰ জৈৱ বিজ্ঞান আৰু জৈৱ অভিযান্ত্ৰিক বিভাগে এক নাসিকা জেল প্ৰস্তুত কৰিব যি ক’ৰনা ভাইৰাছৰ প্ৰধান প্ৰৱেশ পথত ইয়াক বাধা প্ৰদান কৰিব৷ এই সমাধানে কেৱল স্বাস্থকৰ্মীসকলক উপকৃত কৰাই নহয় বৰঞ্চ ই জনসংক্ৰমণো প্ৰতিৰোধ কৰাত সহায়ক হ’ব৷

দলটোৱে দুটা পৰ্যায়ত ছাৰ্চ-চিঅ’ভি-২ ভাইৰাছৰ সংক্ৰমণ প্ৰতিৰোধৰ দিশত অগ্ৰসৰ হৈছে৷ যিহেতু এই ভাইৰাছবিধে হাঁওফাঁওৰ হোষ্ট কোষৰ ভিতৰত নিজৰ প্ৰতিলিপি পুনৰ নিৰ্মাণ কৰি ল’ব পাৰে৷ সেয়ে প্ৰথমটো পৰ্যায়ত ইয়াত হোষ্ট কোষৰ ভিতৰত প্ৰৱেশ কৰাত বাধা প্ৰদান কৰা হ’ব৷ কিন্তু তথাপিও ভাইৰাছসমূহ সক্ৰিয় হৈ থাকিব বুলি আশা প্ৰকাশ কৰা হৈছে৷ সেয়ে ইয়াক নিষ্ক্ৰিয় কৰি তোলাটো আৱশ্যক হ’ব৷ দ্বিতীয় পৰ্যায়ত ইয়াৰ ওপৰত সেই জেল প্ৰয়োগ কৰি ইয়াক নিষ্ক্ৰিয় কৰিবলৈ প্ৰয়াস কৰা হ’ব৷

এই সন্দৰ্ভত ডিএছটিৰ সচিব অধ্যাপক আশুতোষ শৰ্মাই কয় যে এই নাসিকা জেলৰ জৰিয়তে আমাৰ স্বাস্থ্যকৰ্মীসকলক অতিৰিক্ত সুৰক্ষা প্ৰদান কৰিব পৰা হ’ব৷

উল্লেখ্য, এই প্ৰকল্পটোত জড়িত আছে অধ্যাপক কিৰণ কণ্ডাবাগিল, অধ্যাপক ৰিণ্টি বেনাৰ্জী, অধ্যাপক আশুতোষ কুমাৰ আৰু অধ্যাপক শ্বামিক সেন৷ আগন্তুক ৯ মাহৰ ভিতৰত এই প্ৰকল্প সম্পূৰ্ণ হৈ উঠিব বুলি আশা প্ৰকাশ কৰা হৈছে৷

(অধিক তথ্যৰ বাবে যোগাযোগ কৰক অধ্যাপক কিৰণ কণ্ডাবাগিল, kirankondabagil@iitb.ac.in, ম’বাইল- ৯৬১৯৭৩৯৬৩০)

*****

KGS/(DST)/MANN