ক’ভিড-১৯ৰ বিৰুদ্ধে ভাৰত চৰকাৰে অব্যাহত ৰখা অভিযানত সৰ্বান্তঃকৰণৰে সহযোগিতা আগবঢ়াইছে ভাৰতীয় ৰে’লে। ক’ভিড-১৯য়ে সৃষ্টি কৰা পৰিস্থিতি চম্ভালিব পৰাকৈ বিভাগটোৰ হাস্পটালসমূহক সাজু কৰাৰ লগতে সাম্ভাব্য পৰিস্থিতিৰ মোকাবিলা কৰিব পৰাকৈ অতিৰিক্ত চিকিত্সক, স্বাস্থ্যসেৱা-কৰ্মীৰ সংযোজন, যাত্ৰীবাহী ডবাসমূহক ‘কোৱাৰেণ্টাইন-আইছলেশ্যন কক্ষ’লৈ ৰূপান্তৰিতকৰণ, চিকিত্সা উপকৰণৰ সংগ্ৰহ, নিজাববীয়াকৈ ‘ব্যক্তিগত সুৰক্ষা উপকৰণ’, ‘ভেণ্টিলেটৰ’ আদিৰ দৰে অত্যাৱশ্যকীয় সামগ্ৰীৰ উত্পাদনৰ বিভিন্ন কাৰ্যক্ৰম যুদ্ধকালীন তত্পৰতাৰে অব্যাহত ৰাখিছে বিভাগটোৱে।

ইতিমধ্যে ভাৰতীয় ৰে’লৰ স্বাস্থ্যসেৱা বিভাগে ভাৰত চৰকাৰে অব্যাহত ৰখা ক’ভিড-১৯ বিৰোধী যুঁজত অৱতীৰ্ণ হ’ব পৰাকৈ নিজকে সষ্টম কৰি তুলিছে। উল্লেখ্য যে, ভাৰতীয় ৰে’লৰ দেশ জুৰি থকা স্থাস্থ্য সুৰক্ষা শৃংখলটোত আছে ৫৮৬টা প্ৰাথমিক চিকিত্সা গোট, ৪৫খন উপ-সংমণ্ডলীয় চিকিত্সালয়, ৫৬খন সংমণ্ডলীয় চিকিত্সালয়, ৮খন নিৰ্মাণ গোট চিকিত্সালয় আৰু ১৬খন মাণ্ডলিক চিকিত্সালয়। এই শৃংখলৰ এক বৃহত্ অংশই এতিয়া ক’ৰোনা-আক্ৰান্তৰ চিকিত্সাৰ বাবে আচুতীয়াকৈ ৰখা হৈছে। ইয়াত প্ৰথমিক, দ্বিতীয় আৰু তৃতীয় পৰ্যায়ৰ চিকিত্সা সেৱা আগবঢ়োৱাৰো বিশেষ ব্যৱস্থা আছে।

ক’ভিড-১৯ৰ বিৰুদ্ধে যুঁজাৰ বাবে ভাৰতীয় ৰে’লে গ্ৰহণ কৰা বিশেষ পদক্ষেপসমূহ :

১. প্ৰথম পৰ্যায়ত ৮০০০০খন বিচনাৰে ৫০০০টা ডবাক ‘আইছ’লেশ্যন’ আৰু ‘কোৱাৰাণ্টাইন’ কক্ষলৈ ৰূপান্তৰণৰ প্ৰস্তুতি সম্পূৰ্ণ কৰাৰ লগতে ৩২৫০টা ডবাৰ ৰূপান্তৰণৰ কাম ইতিমধ্যেই সম্পূৰ্ণ কৰা হৈছে।

২. ক’ভিড-১৯ আক্ৰান্তক চিকিত্সা কৰাৰ বাবে ৰে’ল বিভাগে আচুতীয়াকৈ ৰখা ১৭খন চিকিত্সালয় আৰু চিকিত্সালয়ৰ ৩৩টা আংশিক ভাগৰ ৫০০০খন বিচনা আচুতীয়া কৰাৰ লগতে সাম্ভাব্য যিকোনো প্ৰত্যাহ্বান গ্ৰহণৰ বাবে সাজু কৰি তোলা হৈছে বিভাগটোক।

৩. ১১০০০ খন কোৱাৰাণ্টাইন বিচনা : কোভিড-১৯ বিৰোধী যুঁজৰ প্ৰস্তুতি হিচাপে বিভাগটোৰ বিভিন্ন গোটসমূহত ১১০০০খন বিচনা সাজু কৰাৰ প্ৰক্ৰিয়া অব্যাহত ৰখা হৈছে।

৪. চিকিত্সা উপকৰণৰ উপলব্ধতা : ৰাষ্ট্ৰীয় প্ৰয়াসক সহযোগিতা আগবঢ়াব পৰাকৈ ৰে’ল বিভাগৰ ডবা নিৰ্মাণ কাৰখানা, অন্যান্য কাৰখানা, ডবা-আস্থান, চিকিত্সালয় আদিত  ‘ব্যক্তিগত সুৰক্ষা উপকৰণ’(পিপিই), ছেনিটাইজাৰ, মাস্ক আদিৰ নিৰ্মাণ-প্ৰস্তুত কৰাৰ বাবে বিশেষ তত্পৰতা গ্ৰহণ কৰা হৈছে।

৫. বিভাগটোৰ বিভন্ন গোটে প্ৰতিদিনে প্ৰায় ১০০০টা ‘ব্যক্তিগত সুৰক্ষা উপকৰণ’(পিপিই) ৰ উত্পাদন কৰাৰ বাবে প্ৰয়াস অব্যাহত ৰাখিছে।

৬. কেন্দ্ৰীয় চৰকাৰৰ সকলো কৰ্মচাৰীলৈ যাৱতীয় চিকিত্সাসেৱা আগবঢ়োৱাৰ বাবে ৰে’ল বিভাগে পদক্ষেপ গ্ৰহণ কৰিছে। সংশ্লিষ্টসকলে বিভাগীয় পৰিচয় পত্ৰ প্ৰদৰ্শন কৰি ৰে’ল বিভাগৰ চিকিত্সালয়সমূহত চিকিত্সা সেৱা গ্ৰহণ কৰিব পাৰিব।

****

SG/MKV/KB