প্রধান মন্ত্রী ভারতিয়া জন ঔসাদি কেন্দ্রগী “শ্বাস্থ কে সিপাহি” হায়না খঙনবা ফারমাসিস্তশিংনা প্রধান মন্ত্রী ভারতিয়া জন ঔসাদি পরিয়োজনা(পি এম বি জে পি)গী মখাদা অনাবশিং অমসুং অহলশিংগী থোংজিলদা তঙাইফদবা থবকশিং অমসুং হিদাকশিং ফংহল্লি । প্রধান মন্ত্রী জন ঔসাদি কেন্দ্রশিংগী শরুক অমা ওইনা মখোয়না লৈবাক অসিগী মীয়াম অমসুং অহলশিংদা তঙাইফদবা থবকশিং অমসুং মগুন লৈবা জেনেরিক হিদাকশিং অহোংবা মমলদা ফংহল্লি । মসি ভারত সরকারনা মীয়াম থাপ্না লৈনবা থবক শৌগৎপগী শরুক অমনি ।

দরকার ওইবা মীওই অমদা অফবা অমসুং অহোংবা হিদাকশিং ফংহন্নবা পান্দমদা ভারত সরকারগী কেমিকেলস অমসুং ফরতিলাইজর মিনিস্ত্রিগী ফারমাসিউতিকেল দিপার্তমেন্তগী মখাদা বিউরো ওফ ফারমা পি এস য়ু ওফ ইন্দিয়ানা পি এম জে কেশিং অসি থবক ওইনা পায়খৎপনি । হৌজিক লৈবাক অসিগী জিলা ৭২৬তা পি এম জে এ কে ৬৩০০ হেন্না লৈরে ।

কোরোনাভাইরস শন্দোরকপা থিংনবা লৈবাক শীনবা থুংনা ভারত সরকারনা ২০২০, এপ্রিল ১৪ ফাওবা নুমিৎ ২১ অথিংবা অমা থমখি ।

অসিগুম্বা মতম অসিদা মীয়ামগী থোংজিলদা হিদাকশিং ফংহনবদা পি এম জে এ কেশিংনা মরুওইবা থৌদাং লৌরি । “শ্বাস্থ কে সিপাহি” অমনা হায়খি বনারসিগী অহল অমনা মহাক্কী মতেং লৌনবা হায়রকখি । হনুবী অদু মহাক্কী মপুরোইবগা লোয়ননা বনারসিদা নাইতোম লৈবনি অমসুং মহাক্কী নুমিৎ খুদিংগী চাগদবা হিদাকশিং লোইশিনখ্রে । হায়রিবা হিদাকশিং অসি মহাক্না নুমিৎ খুদিংগী চাবা দরকার ওই । ফারমাসিস্ত অদুনা মতৈ-মনাও অদুগী মতেং পাংদনা লৈথোকপা ঙমখিদে । মহাক্না হিদাকশিং অদু মখোয়গী ময়ুমদা থিলখি । অশুম্না ফারমাসিস্ত অদুনা অনাবশিং অমসুং অহলশিং মখোয়গী থোংজিলদা হিদাকশিং ফংহনখি ।

লৈবাক শীনবা থুংনা কেন্দ্রশিংদা হিদাকশিং ফংহন্নবা গুরুগ্রামদা সেন্ত্রেল ৱায়ারহাওস অমা, গুৱাহাতি অমসুং চেন্নাইদা রিজনেল ৱায়ারহাওস অনি অমসুং দিস্ত্রিবিউতর ৫০না থবক পায়খৎলি । হিদাক ফংহল্লিবা অসি য়েংশিন্নবা দুকানশিংদা হিদাক লোইথোকখিবা লৈতনবা এস এ পিদা য়ুম্ফম ওইবা পোৎ য়োন্নবগী সোফৱায়রশিং শীজিন্নরি । মখোয়গা খ্বাইদগী নক্নবা জন ঔসাদি কেন্দ্রশিং মফম খঙদোক্নবা অমসুং ফংলিবা হিদাকশিং অদুগী মমল খঙদোক্নবা মীয়ামদা মোবাইল এপ্প “জন ঔসাদি সুগম” ফংহল্লে । মসিগী এপ্প অসি গুগল প্লে স্তোর অমসুং আই-ফোন স্তোরদগী লৌথবা য়াগনি ।

মীয়াম মখোয় মশা কোরোনাভাইরসতকী ঙাকথোকপা ঙম্নবা মতেং পানবা অথিংবা মনুংদা প্রধান মন্ত্রী ভারতিয়া জন ঔসাদি পরিয়োজনানা মখোয়গী সোসিয়েল মেদিয়া প্লেতোফোর্মশিংগী খুৎথাংদা ই-পাউশিং ফংহল্লি। ফেসবুক,তুইতর, ইন্সতাগ্রামদা @pmbjpbppi দা ঐখোয়গী তুংইন্নদুনা নহাকসু অনৌবা পাউ ফংবা য়াগনি ।