ରସାୟନ ଓ ସାର ମନ୍ତ୍ରଣାଳୟ
ପ୍ରଧାନମନ୍ତ୍ରୀ ଜନଔଷଧୀ ପରିଯୋଜନା ଅଧୀନରେ ବୟସ୍କ ଓ ରୋଗୀମାନଙ୍କ ଦ୍ଵାର ଦେଶରେ ଔଷଧ ପହଞ୍ଚାଇବେ ସ୍ୱାସ୍ଥ୍ୟ ସିପାହୀ
Posted On:
07 APR 2020 4:24PM by PIB Bhubaneshwar
ପ୍ରଧାନମନ୍ତ୍ରୀ ଜନଔଷଧୀ ପରିଯୋଜନାରେ ସ୍ୱାସ୍ଥ୍ୟ ସିପାହୀ ବା ଫାର୍ମାସିଷ୍ଟମାନେ ବୟସ୍କ ଓ ରୋଗୀମାନଙ୍କ ଦ୍ଵାରଦେଶରେ ଔଷଧ ପହଞ୍ଚାଇବେ । କରୋନା ମହାମାରୀର ମୁକାବିଲା ପାଇଁ ସେମାନେ ପ୍ରଧାନମନ୍ତ୍ରୀ ଜନଔଷଧି କେନ୍ଦ୍ରରେ ସାମୁହିକ ଭାବେ କାର୍ଯ୍ୟରତ ଏହି ଫାର୍ମାସିଷ୍ଟମାନେ ସୁଲଭ ମୂଲ୍ୟରେ ଗୁଣାତ୍ମକ ଔଷଧମାନ ଘରେ ପହଞ୍ଚାଇବେ । ଏହାଦ୍ଵାରା ସରକାର ନେଇଥିବା ସାମାଜିକ ଦୁରତ୍ଵର ନୀତିଗତ କାର୍ଯ୍ୟକାରୀ ହୋଇପାରିବ । କେନ୍ଦ୍ର ସାର ଓ ରସାୟନ ମନ୍ତ୍ରଣାଳୟ ଅଧିନସ୍ଥ ଫାର୍ମାସ୍ୟୁଟିକାଲ ବିଭାଗ ଅଧୀନରେ କାର୍ଯ୍ୟ କରୁଥିବା ବ୍ୟୁରୋ ଫାର୍ମା ପିୟୁସି ଏହି ପ୍ରଧାନମନ୍ତ୍ରୀ ଜନଔଷଧି କେନ୍ଦ୍ରଗୁଡ଼ିକର ପରିଚାଳନା କରି ଲୋକମାନଙ୍କ ପାଖରେ ଆବଶ୍ୟକ ଔଷଧ ପହଞ୍ଚାଇଥାଏ । ଦେଶର 726ଟି ଜିଲ୍ଲାରେ ବର୍ତ୍ତମାନ 6,300 ପ୍ରଧାନମନ୍ତ୍ରୀ ଜନଔଷଧି କେନ୍ଦ୍ର କାର୍ଯ୍ୟ କରୁଛି । ସରକାରଙ୍କ ଘୋଷିତ 21 ଦିନିଆ ଲକଡାଉନ ପରିପ୍ରେକ୍ଷୀରେ ଏହିଭଳି ଘରକୁ ଘର ଔଷଧ ପହଞ୍ଚାଇବା ଦ୍ଵାରା କରୋନା ସଂକ୍ରମଣ ଅନେକାଂଶରେ ରୋକିହେବ । ଗୁରୁଗ୍ରାମରେ ଥିବା ଗୋଟିଏ କେନ୍ଦ୍ର ପଣ୍ୟାଗାର, ଗୌହାଟି ଓ ଚେନ୍ନାଇ ଠାରେ ଥିବା ଗୋଟିଏ ଲେଖାଏଁ ପଣ୍ୟାଗାର ଓ 50 ଜଣ ବିତରକଙ୍କୁ ନେଇ ଦେଶବ୍ୟାପୀ ଔଷଧପତ୍ର ମହଜୁଦ ରଖାଯାଇଛି । ସାଧାରଣ ଜନତା ସେମାନଙ୍କର ସୁବିଧା ନିମନ୍ତେ ଜନଔଷଧି ସୁଗମ ମୋବାଇଲ ଆପ ଦ୍ଵାରା ସେମାନଙ୍କ ନିକଟସ୍ଥ ଔଷଧ ଭଣ୍ଡାର ଓ ମହଜୁଦ ଔଷଧର ବିବରଣୀ ପାଇପାରିବେ । ଲକଡାଉନ କାଳରେ ପ୍ରଧାନମନ୍ତ୍ରୀ ଭାରତୀୟ ଜନଔଷଧି ପରିଯୋଜନା ପକ୍ଷରୁ କରୋନା ସଂକ୍ରମଣ ନେଇ ଜନ ସଚେତନତା ସୃଷ୍ଟି କରାଯାଉଛି । ଏହାବ୍ୟତୀତ ଏସମ୍ପର୍କିତ ସବିଶେଷ ତଥ୍ୟ @pmbjpbppi, ଫେସବୁକ, ଟ୍ଵିଟର, ଇନଷ୍ଟାଗ୍ରାମରେ ମିଳିପାରିବ ।
**********
(Release ID: 1612018)
Visitor Counter : 237
Read this release in:
Tamil
,
English
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Telugu
,
Kannada
,
Malayalam