লাইফলাইন উরানগী মখাদা, এয়র ইন্দিয়া, এলাইন্স এয়র, আই.এ.এফ., পৱন হন্স অমসুং প্রাইবেৎ কেরীয়রশিংনা ফ্লাইৎ ১১৬ ওপরেৎ তৌরি। ফ্লাইৎশিং অসিগী মনুংদা ৭৯দি এয়র ইন্দিয়া অমসুং এলাইন্স এয়রনা ওপরেৎ তৌরি। ঙসি ফাওবদা ত্রান্সপোর্ত তৌখিবা কার্গো অসি চাউরাক্না তন ১৬১নি। ঙসি ফাওবদা উরান ফ্লাইৎশিংনা কোভর তৌখিবা অরাপ্পা অসি কিলোমীতর ১১২,১৭৮ হেল্লে। ইন্তর্নেস্নেল ফ্রন্ততা সিভিল এভিয়েসন মন্ত্রালয় অমসুং এয়র ইন্দিয়ানা ক্রিতিকেল মেদিকেল সপ্লাইশিংগী ত্রান্সফরগীদমক লৈবাক অনিগী মরক্তা কার্গো এয়র ব্রিজ অমা-লিংখৎনবগীদমক চাইনাগা লোয়ননা নক্ননা থবক তৌরি। ভারত অমসুং চাইনাগী মরক্তা অহানবা কার্গো ফ্লাইৎ ২০২০গী এপ্রিল ৪দা এয়র ইন্দিয়ানা ওপরেৎ তৌদুনা চাইনাদগী ক্রিতিকেল মেদিকেল সপ্লাই তন ২১ পুরকখি।

কোবিদ-১৯গী মায়োক্তা ভারতকী লান্দা মতেং পাংনবগীদমক লৈবাক্কী মনুং হুঞ্জিনবা শরুকশিংদা চংদ্রবা য়াদবা মেদিকেল কার্গো ত্রান্সপোর্ত তৌনবগীদমক সিভিল এভিয়েসন মন্ত্রালয়না লাইফলাইন উরান ফ্লাইৎশিং ওপরেৎ তৌরি।

লাইফলাইন উরান ফ্লাইৎশিংগী তারিক্কী মতুং ইন্না ব্রেকঅপ মখাদা পীরি:    

নোর্থ ইস্ত রিজন (এন.ই.আর.), আইলেন্দ তেরিতোরীশিং অমসুং চিংগী রাজ্যশিংদা অখন্নবা মিৎয়েং থম্লি। সিভিল এভিয়েসন মন্ত্রালয়, এয়র ইন্দিয়া অমসুং আই.এ.এফ.না লদাখ, দিমাপুর, ইম্ফাল, গুৱাহাতী অমসুং পোর্ত ব্লেয়রদা লাস্ত মাইল দেলিবরীগীদমক পুন্না থবক তৌরি।

পেসেঞ্জরশিংগী ফমফম এরিয়া অমসুং ওবরহেদ কেবিনশিংদা চেকশিন থৌরাংগা লোয়ননা কোর্গো স্তোর তৌনবা অখন্নবা পর্মিসন লৌরে। এয়রপোর্তশিংদগী কার্গোগী রোদ ত্রান্সপোর্তেসনদা শিংনবা কয়া লৈরবা ফাওবা লাইফলাই নউরান ফ্লাইৎশিং ওপরেৎ তৌরি।

লাইফলাইন উরান ফ্লাইৎশিংগা মরী লৈনবা পব্লিক ইনফোর্মেশন নুমিৎ খুদিংগী লাইফলাইন উরান ৱেবসাইত্তা অপলোদ তৌরি। নেস্নেল ইনফোর্মেশন সেন্তর (এন.আই.সি.) অমসুং সিভিল এভিয়েসন মন্ত্রালয়না লাইফলাইন উরান ফ্লাইৎশিং কোওর্দিনেৎ তৌনবগীদমক পোর্তেল অমা দিবেলপ তৌখি। লাইফলাইন উরান পোর্তেলদা লিঙ্ক অমা সিভিল এভিয়েসন মন্ত্রালয়গী ৱেবসাইত www.civilaviation.gov.inদা ফংলি।

দোমেস্তিক কার্গো ওপরেতর স্পাইসজেৎ, ব্লু দার্ত অমসুং ইন্দিগোনা কমর্সিয়েল বেসিস্তা কার্গো ফ্লাইৎশিং ওপরেৎ তৌরি। স্পাইসজেৎনা ২০২০গী মার্চ ২৪দগী এপ্রিল ৪ ফাওবদা কার্গো ফ্লাইৎ ১৬৬ ওপরেৎ তৌবগা লোয়ননা কার্গো তন ১,৩২৭ পুদুনা কিলোমীতর ২,২৩,২৪২গী অরাপ্পা কভর তৌখি। মসিগী মনুংদা ৪৬তি ইন্তর্নেস্নেল কার্গো ফ্লাইৎশিংনি। ব্লু দার্তনা দোমেস্তিক কার্গো ফ্লাইৎ ৫২ ওপরেৎ তৌবগা লোয়ননা ২০২০গী মার্চ ২৫দগী এপ্রিল ৪ ফাওবগী মরক্তা কার্গো তন ৭৬১ পুদুনা কিলোমীতর ৫০,০৮৬কী অরাপ্পা কভর তৌখি। ইন্দিগোনা ২০২০গী এপ্রিল ৩-৪গী মনুংদা কার্গো ফ্লাইৎ ৮ ওপরেৎ তৌবগা লোয়ননা চাউরাক্না কার্গো তন ৩ পুদুনা কিলোমীতর ৬,১০৩গী অরাপ্পা কভর তৌখি। মসিদা সরকারগীদমক মমল লৌদনা মেদিকেল সপ্লাইশিং পুবা য়াওরি।