লাইফলাইন উড়ানৰ অধীনত ১১৬খন বিমান এয়াৰ ইণ্ডিয়া, এলায়েন্স এয়াৰ, আইএএফ, পৱনহংস আৰু ব্যক্তিগত বিমান সংস্থাসমূহৰ দ্বাৰা পৰিচালিত হয়৷ ইয়াৰে ৭৯খন বিমান এয়াৰ ইণ্ডিয়া আৰু এলায়েন্স এয়াৰে পৰিচালনা কৰে৷ এই পৰ্যন্ত ১৬১ টন কাৰ্গ’ পৰিবাহিত কৰা হৈছে৷ লাইফলাইন উড়ানৰ বিমানে এই পৰ্যন্ত ১১২,১৭৮ কিলোমিটাৰ দূৰত্ব অতিক্ৰম কৰিছে৷ তাৰোপৰি অসামৰিক বিমান পৰিবহণ মন্ত্ৰালয় আৰু এয়াৰ ইণ্ডিয়াই চীনৰ সৈতে যোগাযোগ স্থাপন কৰি জৰুৰীকালীন চিকিৎসা সামগ্ৰী পৰিবহণৰ দিশতো অগ্ৰসৰ হৈছে৷ ৪ এপ্ৰিল ২০২০ তাৰিখে প্ৰথমখন কাৰ্গ’ বিমানে ২১ টন জৰুৰীকালীন চিকিৎসা সামগ্ৰী চীনৰ পৰা ভাৰতলৈ কঢ়িয়াই আনে৷

এই পৰ্যন্ত লাইফলাইন উড়ান বিমানে তাৰিখ অনুযায়ী কৰা যাত্ৰাঃ

এই ক্ষেত্ৰত উত্তৰ পূৰ্বাঞ্চল, দ্বীপ ৰাজ্য আৰু পাহাৰীয়া এলেকাসমূহত বিশেষ গুৰুত্ব প্ৰদান কৰা হৈছে৷ অসামৰিক বিমান পৰিবহণ মন্ত্ৰালয়, এয়াৰ ইণ্ডিয়া আৰু আইএএফে লাডাখ, ডিমাপুৰ, ইম্ফল, গুৱাহাটী আৰু প’ৰ্ট ব্লেয়াৰলৈ সামগ্ৰীসমূহৰ পৰিবহণৰ দায়িত্ব সূচাৰুৰূপে পালন কৰি আছে৷

যাত্ৰীবাহী বিমানৰ আসন, অভাৰহেড কেবিন আদিতো সাৱধানপূৰ্বকভাৱে সামগ্ৰীৰ পৰিবহণ কৰা হৈছে৷ লাইফলাইন উড়ানৰ ৱেবছাইটত লাইফলাইন উড়ান সম্বন্ধীয় ৰাজহুৱা তথ্যসমূহ নিতৌ আপলোড কৰি থকা হৈছে৷ লাইফলাইন উড়ানৰ প’ৰ্টেলৰ লিংক www.civilaviation.gov.in ত উপলব্ধ হ’ব৷

ঘৰুৱা কাৰ্গ’ অপাৰেটৰসমূহ যেনে স্পাইচ জেট, ব্লুডাৰ্ট আৰু ইণ্ডিগ’য়ে বাণিজ্যিক ভিত্তিত পৰিবহণ কৰি আছে৷ স্পাইচ জেটে ১৬৬খন বিমানেৰে ২৪ মাৰ্চৰ পৰা ৪ এপ্ৰিললৈ ১,৩২৭ টন কাৰ্গ’ কঢ়িয়াইছে৷ ইয়াৰে ৪৬খন আছিল আন্তৰ্জাতিক কাৰ্গ’ বিমান৷ ব্লুডাৰ্টে ৫২খন বিমানেৰে ২৫ মাৰ্চৰ পৰা ৪ এপ্ৰিললৈ ৭৬১ টন কাৰ্গ’ কঢ়িয়াইছে৷ ইণ্ডিগ’ই ৮খন বিমানেৰে ৩-৪ এপ্ৰিলত ৩ টন কাৰ্গ’ কঢ়িয়াইছে৷ 

****

RJ/NG/MANN