কোভিদ-১৯ থেংন্নবা হিদাক তৈরবা মাক্সশিং অমসুং পি পি ইশিং পুথোক্নবা সাইন্স অমসুং তেক্নোলোজি দিপার্তমেন্তগী মখাদা লৈবা সাইন্স এন্দ ইঞ্জিনিয়ারিং রিছার্স বোর্দতা আই আই তি কানপুরগী সাইনতিস্ত কাংবু অমনা শৌগৎলি ।

কাংবু অসিনা মাক্স শাবদা এন্তি-মাইক্রোবিয়েল য়াওবা পোলিমরশিং অমসুং অমুক হন্না শীজিন্নবা য়াবা এন্তি-ভাইরেল মোলিকুলশিং অমসুং মচাকশিং শীজিন্নগনি । মসিনা মাক্স অসি শেন য়াম্না চঙহন্দনা পুথোকপা ঙমহনগনি । মসিনা কোভিদ-১৯ নারবা মীওইশিং লায়েংলিবা দোক্তরশিং অমসুং নর্সশিং অমসুং মখোয়না পাংথোক্লিবা থবক অদুনা লৌনবা য়াবা মীওইশিং ঙাকথোকপা ঙমগনি । শেন য়াম্না চঙদবা মরম্না মসি পাকশন্না পুথোকপা ঙমগনি ।

মাক্সতা ভাইরস অমসুং বেক্তরিয়া পকপা ঙমদনবা আই আই তি কানপুরগী কেমিস্ত্রি দিপার্তমেন্তগী সাইনতিস্তশিংনা ভাইরস হাৎপা ঙম্বা হিদাক তৈরবা পোলিমরশিং শীজিন্নরি । কোরোনাভাইরস অমসুং অতোপ্পা ভাইরসশিং হাৎপা ঙম্বা অহেনবা ঙাকথোক্নবা মচাকশিং পোলিমর অদুদা য়াওহনগনি । এন্তি-মাইক্রোবিয়েল পোলিমরশিং অমসুং অতৈ হিদাক তৈবা অসিনা ভাইরস ঙাকথোকপা ঙমহনগনি ।

" সাইন্স অমসুং তেক্নোলোজি দিপার্তমেন্তগী প্রোফেসার অসুতোস শর্ম্মনা হায়খি মাক্স মখল অয়াম্বা মহিকশিং অমসুং এরোসোলশিং মখোয়গী চাউবগী মতুংইন্না ফিলতর তৌই অমসুং ফাজিন্দুনা থম্মি, মাক্স শাবদা শীজিন্নরিবা মহিক হাৎপা ঙম্বা মচাকশিং অদুনা অরুবা ফিবমদা থবক পাংথোকই । মাক্স অমদা হেনবা শেনফম খর হাপচিল্লগা পুথোকপা মতমদা হেন্না ফবা মাক্স পুথোকপা ঙমগনি ।

রিছার্স তৌরিবা কাংবু অদুদা আই আই তি কানপুরগী কেমিস্ত্রি দিপার্তমেন্তগী প্রো: এম এল এন রাও, আই আই তি কানপুরগী কেমিস্ত্রি দিপার্তমেন্তগী এসোসিয়েত প্রো: দোক্তর অসিস কে পাত্রা অমসুং আই আই তি কানপুরগী কেমিস্ত্রি দিপার্তমেন্তগী এসিসতেন্ত প্রো: দোক্তর নাগমা পরবিন য়াওরি । মাক্স অদুগী প্রোতোতাইপ অমা থা অহুমগী মনুংদা পুথোক্নবা কাংবু অদুনা পান্দম থম্লি অমসুং মখাতানা পাকশন্না পুথোক্নবা ইন্দস্ত্রি অমসুং স্তার্দঅপশিংগী মীওইশিংগা পুন্না চৎমিন্নগনি ।

সর্জিকেল মাক্সশিং অমসুং পি পি ইশিং পুথোকপদা কাংবু অদুনা পোলিমর অমসুং অমুক হন্না শীজিন্নবা য়াবা হিদাকশিং তৈরবা পোৎলমশিং শীজিন্নগনি । মসিগী সিস্তেম অসিনা দোক্তরশিং অমসুং নর্সশিং অমসুং হকশেলগী মীওইশিং কোরোনাভাইরস অমসুং অতৈ ফ্লু ভাইরশিংদগী ঙাকথোকপা ঙমহনগনি ।