ಕೋವಿಡ್-19 ನಿಯಂತ್ರಣಕ್ಕೆ ಮಿತವ್ಯಯ ವೆಚ್ಚದಲ್ಲಿ ವೈರಸಿಡಲ್ ಲೇಪಿತ ಶಸ್ತ್ರಚಿಕಿತ್ಸೆಯ ಮುಖಗವಸುಗಳನ್ನು ಐಐಟಿ ಕಾನ್ಪುರ್ ಸಂಶೋಧಕರು ವಿನ್ಯಾಸಗೊಳಿಸಲಿದ್ದಾರೆ

ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯ ಅಧೀನದಲ್ಲಿರುವ ಸಂಸ್ಥೆಯಾದ ವಿಜ್ಞಾನ ಮತ್ತು ಎಂಜಿನಿಯರಿಂಗ್ ಸಂಶೋಧನಾ ಮಂಡಳಿ (ಎಸ್‌ಇಆರ್‌ಬಿ) ರಕ್ಷಣಾತ್ಮಕ ಲೇಪನವನ್ನು ಅಭಿವೃದ್ಧಿಪಡಿಸಲು ಐಐಟಿ ಕಾನ್ಪುರದ ವಿಜ್ಞಾನಿಗಳ ತಂಡವು ನಡೆಸಿದ ಸಂಶೋಧನೆಯನ್ನು ಬೆಂಬಲಿಸುತ್ತಿದೆ, ಕೋವಿಡ್-19ರ ವಿರುದ್ಧ ಹೋರಾಡಲು ಇದು ಔಷಧೀಯ ಮುಖಗವಸುಗಳು ಮತ್ತು ವೈದ್ಯಕೀಯ ಉಡುಗೆಗಳನ್ನು (ಪಿಪಿಇ) ತಯಾರಿಸಲು ಹೆಚ್ಚು ಸಹಾಯ ಮಾಡುತ್ತದೆ.

ಆ್ಯಂಟಿ ಮೈಕ್ರೊಬಿಯಲ್ ಗುಣಲಕ್ಷಣಗಳು ಮತ್ತು ಪುನರಾವರ್ತಿತ ಆಂಟಿ-ವೈರಲ್ ಅಣುಗಳು ಮತ್ತು ಬಳಸಿದ ವಸ್ತುಗಳನ್ನು ಒಳಗೊಂಡಿರುವ ಸಾಮಾನ್ಯ ಪಾಲಿಮರ್‌ಗಳ ಸಂಯೋಜನೆಯನ್ನು ಬಳಸಿಕೊಂಡು ತಂಡವು ಲೇಪನವನ್ನು ಅಭಿವೃದ್ಧಿಪಡಿಸುತ್ತಿದೆ. ಇದು ಮಿತವ್ಯಯದ ವೆಚ್ಚಕ್ಕೆ ತಕ್ಕದಾದ ಪರಿಹಾರವಾಗಿದೆ. ವೈದ್ಯರು ಮತ್ತು ದಾದಿಯರು ಕೋವಿಡ್-19 ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಾರೆ ಆದ್ದರಿಂದ ಅವರ ಕೆಲಸದ ಸ್ವರೂಪದಿಂದಾಗಿ ಮಾಲಿನ್ಯಕ್ಕೆ ಒಳಗಾಗುತ್ತಾರೆ, ಕೋವಿಡ್-19 ರೋಗಿಗಳಿಗೆ ಚಿಕಿತ್ಸೆ ನೀಡುವಾಗ ಮತ್ತಷ್ಟು ಸುರಕ್ಷತೆಯ ಪದರವನ್ನು ಒದಗಿಸುವುದರಿಂದ ಅವರಿಗೆ ಅಪಾರ ಪ್ರಯೋಜನವಾಗುತ್ತದೆ. ಈ ಯೋಜನೆಯು ವೆಚ್ಚಕ್ಕೆ ತಕ್ಕನಾದುದರಿಂದ ದೊಡ್ಡ ಪ್ರಮಾಣದ ಉತ್ಪಾದನೆಗೆ ಸಹಕಾರಿಯಾಗುತ್ತದೆ.

ಐಐಟಿ ಕಾನ್ಪುರದ ರಸಾಯನಶಾಸ್ತ್ರ ವಿಭಾಗದ ಸಂಶೋಧಕರು ಬ್ಯಾಕ್ಟೀರಿಯಾ ಮತ್ತು ವೈರಸ್‌ನ ಜೋಡಣೆಯನ್ನು ವಿರೋಧಿಸಬಲ್ಲ ಪಾಲಿಮರ್‌ಗಳನ್ನು ಬಳಸಿಕೊಂಡು ವೈರಸಿಡಲ್ ಲೇಪನವನ್ನು ವಿನ್ಯಾಸಗೊಳಿಸಲಿದ್ದಾರೆ. ಕೊರೊನಾ ವೈರಸ್‌ಗಳು ಮತ್ತು ಇನ್‌ ಫ್ಲುಯೆಂಜಾ ದಂತಹ ಇತರ ವೈರಸ್‌ಗಳನ್ನು ಅಸ್ಥಿರಗೊಳಿಸುವ ಮತ್ತು / ಅಥವಾ ತಟಸ್ಥಗೊಳಿಸುವ ಅಣುಗಳನ್ನು ಬಳಸಿಕೊಂಡು ಪಾಲಿಮರ್ ಲೇಪನಕ್ಕೆ ಹೆಚ್ಚುವರಿ ರಕ್ಷಣೆಯನ್ನು ಸೇರಿಸಲಾಗುವುದು. ಆಂಟಿ-ಮೈಕ್ರೊಬಿಯಲ್ ಪಾಲಿಮರ್ ಲೇಪನ ಮತ್ತು ಕ್ರಿಯಾತ್ಮಕ ಔಷಧಿಗಳ ಸಂಯೋಜನೆಯು ಸಹಕ್ರಿಯೆಯ ಆಂಟಿವೈರಲ್ ಪರಿಣಾಮವನ್ನು ನೀಡುತ್ತದೆ ಎಂದು ನಿರೀಕ್ಷಿಸಲಾಗಿದೆ.

"ಹೆಚ್ಚು ಬಳಸಿದ ವೈವಿಧ್ಯಮಯ ಮುಖಗವಸುಗಳು ಅವುಗಳ ಗಾತ್ರವನ್ನು ಆಧರಿಸಿ ರೋಗಕಾರಕಗಳು ಮತ್ತು ಏರೋಸಾಲ್‌ಗಳನ್ನು ಶೋಧಿಸುವ ಮೂಲಕ ಮತ್ತು ಉಳಿಸಿಕೊಳ್ಳುವ ಮೂಲಕ ಕಾರ್ಯನಿರ್ವಹಿಸುತ್ತಿದ್ದರೆ, ಬಟ್ಟೆಯ ಮೇಲೆ ಸೂಕ್ಷ್ಮಜೀವಿ-ವಿರೋಧಿ ಮತ್ತು ಆಂಟಿ-ವೈರಲ್ ಪದಾರ್ಥಗಳನ್ನು ನಿಶ್ಚಲಗೊಳಿಸುವುದು ಸೂಕ್ಷ್ಮ ಪರಿಸರದಲ್ಲಿ ಉಪಯುಕ್ತವಾಗಿದೆ ಮತ್ತು ಮುಖಗವಸಿನ ಜೀವಿತಾವಧಿಯನ್ನು ವಿಸ್ತರಿಸಲು, ಮರು-ಉಪಯುಕ್ತತೆ, ಸುರಕ್ಷಿತವಾಗಿ ನಿರ್ವಹಿಸುವುದು ಮತ್ತು ವಿಲೇವಾರಿ ಮಾಡಲು ಉಪಯುಕ್ತವಾಗಿದೆ. ಮುಖಗವಸಿನ ವೆಚ್ಚದ ಒಂದು ಭಾಗಕ್ಕೆ ಇದನ್ನು ಸೇರಿಸಬಹುದಾದರೆ ಈ ಹೆಚ್ಚುವರಿ ರಕ್ಷಣೆಯು ವಿಶೇಷವಾಗಿ ಮೌಲ್ಯಯುತವಾಗಿರುತ್ತದೆ ” ಎಂದು ವಿಜ್ಞಾನ ಮತ್ತು ತಂತ್ರಜ್ಞಾನ ವಿಭಾಗದ ಕಾರ್ಯದರ್ಶಿ ಪ್ರೊಫೆಸರ್ ಅಶುತೋಷ್ ಶರ್ಮಾ ಹೇಳಿದರು.

ಸಂಶೋಧಕರ ತಂಡದಲ್ಲಿ ಪ್ರೊಫೆಸರ್ ಎಂ.ಎಲ್.ಎನ್.ರಾವ್, ಪ್ರೊಫೆಸರ್, ರಸಾಯನಶಾಸ್ತ್ರ ವಿಭಾಗ, ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಕಾನ್ಪುರ್, ಡಾ.ಅಶಿಸ್ ಕೆ ಪತ್ರ ಅಸಿಸ್ಟೆಂಟ್ ಪ್ರೊಫೆಸರ್, ರಸಾಯನಶಾಸ್ತ್ರ ವಿಭಾಗ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ, ಕಾನ್ಪುರ್, ಮತ್ತು ಡಾ. ನಗ್ಮಾ ಪರ್ವೀನ್ ಅಸಿಸ್ಟೆಂಟ್ ಪ್ರೊಫೆಸರ್, ರಸಾಯನಶಾಸ್ತ್ರ ವಿಭಾಗ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ, ಕಾನ್ಪುರ್ ಇರುವರು. ತಂಡವು 3 ತಿಂಗಳೊಳಗೆ ಮೂಲ ಮೂಲಮಾದರಿಯನ್ನು ಸ್ಥಾಪಿಸುವ ಗುರಿಯನ್ನು ಹೊಂದಿದೆ ಮತ್ತು ಮುಂದೆ, ಅದರ ಸಂಭಾವ್ಯ ದೊಡ್ಡ-ಪ್ರಮಾಣದ ಅನ್ವಯಿಕೆಗಳಿಗಾಗಿ ಸಂಭಾವ್ಯ ಕೈಗಾರಿಕಾ ಮತ್ತು / ಅಥವಾ ನವೋದ್ಯಮದವರೊಂದಿಗೆ ಸಹಕರಿಸುತ್ತದೆ.

• ಪಾಲಿಮರ್ ಮತ್ತು ಮರುಉತ್ಪಾದಿತ ಔಷಧಿಗಳ ಸಂಯೋಜನೆಯನ್ನು ರೂಡಿಯಲ್ಲಿರುವ ಆರೋಗ್ಯರಕ್ಷಣೆಯಲ್ಲಿ ಉಪಯೋಗಿಸುವ ವಸ್ತುಗಳಾದ ಶಸ್ತ್ರಚಿಕಿತ್ಸೆಯ ಮುಖಗವಸುಗಳು, ವೈದ್ಯಕೀಯ ಉಡುಗೆಗಳಿಗೆ ಲೇಪಿಸುತ್ತದೆ, ಇವುಗಳನ್ನು ಔಷಧೀಯ ಮುಖಗವಸುಗಳು ಮತ್ತು ವೈದ್ಯಕೀಯ ಉಡುಗೆಗಳನ್ನು (ಪಿಪಿಇ) ತಯಾರಿಸಲು ಬಳಸಲಾಗುತ್ತದೆ. ಆರೋಗ್ಯ ವ್ಯವಸ್ಥೆಗಳಲ್ಲಿ ಕೊರೊನಾ ವೈರಸ್‌ಗಳು ಮತ್ತು ಇನ್‌ ಫ್ಲುಯೆಂಜಾ ದಂತಹ ಇತರ ಫ್ಲೂ ವೈರಸ್‌ಗಳಿಂದ ಉಂಟಾಗುವ ಸೋಂಕಿನ ವಿರುದ್ಧ ತಡೆಗಟ್ಟುವ ಕ್ರಮವಾಗಿ ಈ ವ್ಯವಸ್ಥೆಯು ಹೆಚ್ಚು ಸಹಾಯ ಮಾಡುತ್ತದೆ ಎಂದು ನಿರೀಕ್ಷಿಸಲಾಗಿದೆ, ಅಲ್ಲಿ ವೈದ್ಯರು ಮತ್ತು ದಾದಿಯರು ಸೋಂಕಿತ ರೋಗಿಗಳಿಗೆ ಚಿಕಿತ್ಸೆ ನೀಡುವಾಗ ಮಾಲಿನ್ಯಕ್ಕೆ ತುತ್ತಾಗುತ್ತಾರೆ. ಸಾಮಾನ್ಯ ಪಾಲಿಮರ್‌ಗಳು, ಮರುಬಳಕೆ ಮಾಡಬಹುದಾದ ಆಂಟಿ-ವೈರಲ್ / ವೈರಸಿಡಲ್ ಔ ಷಧಗಳು ಮತ್ತು ಏಜೆಂಟ್‌ಗಳನ್ನು ಬಳಸುವ ಮೂಲಕ ಮಿತವ್ಯಯ ವಿನ್ಯಾಸದ ವೆಚ್ಚದ-ಪರಿಣಾಮಕಾರಿತ್ವವು ಆಸ್ಪತ್ರೆಗಳಲ್ಲಿ ದೊಡ್ಡ ಬಳಕೆಗಾಗಿ ಮತ್ತು ಸಾಮಾನ್ಯ ಬಳಕೆಗಾಗಿ ಔಷಧೀಯ ಮುಖಗವಸುಗಳ ದೊಡ್ಡ ಪ್ರಮಾಣದ ಉತ್ಪಾದನೆಗೆ ಅವಕಾಶವಾಗಬಹುದು.

ಚಿತ್ರ 1. ವೈರಿಯನ್‌ಗಳ ಜೋಡಣೆಯನ್ನು ವಿರೋಧಿಸಲು ಮತ್ತು ಯಾವುದೇ ಅಂಟಿಕೊಂಡಿರುವ ವೈರಿಯಾನ್‌ಗಳನ್ನು ನಿಷ್ಕ್ರಿಯಗೊಳಿಸಲು ಶಸ್ತ್ರಚಿಕಿತ್ಸೆಯ ಮುಖಗವಸುಗಳ ವೈರಸಿಡಲ್ ಲೇಪನದ ಯೋಜನೆ.

(ಹೆಚ್ಚಿನ ವಿವರಗಳಿಗಾಗಿ ಸಂಪರ್ಕಿಸಿ :  ಡಾ. ನಗ್ಮಾ  ಪರ್ವೀನ್ (ಪಿಐ),  nagma@iitk.ac.in,  ಮೊಬೈಲ್: 9474024181 )

***