কোবিদ-১৯না হেল্থকেয়র সেক্তরদা শিংনবা কয়ামরুম পীরি। কোবিদ-১৯গীদমক্তা তেস্ত কিৎকী অকক্নবা মশিং অসিসু শিংনবশিং অসিগী মনুংদা অমনি। হৌজিক ফাওবদা মরু ওইনা ত্রাবেল হিস্ত্রী লৈবা অনাবশিংতমক তেস্ত তৌদুনা লাক্লি। অদুম ওইনমক, পার মিলিয়ন পোপুলেসনগী মওংদা তেস্ত তৌবগী চাং হেনগৎহনবা তাই।

মসিগী তেস্তিং কেপাসিতী হেনগৎহন্নবগীদমক্তা সাইন্তিস্ত অমসুং ইন্দস্ত্রিয়েল রিসর্স ইন্সতিত্যুৎ ওফ মাইক্রোবায়েল তেক্নোলোজী (সি.এ.আই.আর. – আই.এম.তি.ই.সি.ই.সি.ঐচ.)না কোবিদ-১৯ সেম্পল তেস্তিংদা খোংজেল য়াংশিন্নবগীদমক থবক পাইখৎপা হৌরে। মসি ভারত সরকারগী প্রিন্সিপল সাইন্তিফিক এদভাইজর (পি.এস.এ.)না থোকখিবা দাইরেক্তিবশিং লোইননা ইন্দিয়ন কাউন্সিল ওফ মেদিকেল রিসর্স (আই.সি.এম.আর.)না সি.এস.আই.আর. অমসুং সাইন্স অমসুং তেক্নোলোজী বিভাগ (দি.এস.তি.), বাইওতেক্নোলোজী বিভাগ (দি.বি.তি.) অমসুং এতোমিক ইনর্জী বিভাগ (দি.এ.ই.)কা মরী লৈনবা অতৈ তেবশিংগী মখাদা কোবিদ-১৯ তেস্ত তৌবগী থবক পাংথোক্নবগীদমক থাদোকখিবা এদভাইজরী অদুগী মনুং চন্ননি।।

আই.এম.তি.ই.সি.ই.সি.ঐচ., চন্দীগরগী দাইরেক্তর দা. সঞ্জীব খোসলানা হায়, “সরকারনা মশক খঙলবা লেব পুম্নমক য়াওহন্নবা আই.সি.এম.আর.গী খোংথাং অসি তরাম্না ওক্নীংঙাই ওইবা খোংথাং অমনি অমসুং মসি কোবিদ-১৯ সেম্পল তেস্ত তৌবদা গেম চেঞ্জর অমা ওইবা ঙমগনি। মসিনা চিংননীংঙাই ওইবা অনাবশিংগী মরক্তা তেস্ত তৌবগী চাং হেনগৎহল্লগনি। অহৌবগী তাঙ্কক্তা আই.এম.তি.ই.সি.ই.সি.ঐচ.কী থৌরাং অসি নুংতিগী সেম্পল ৫০দগী ১০০ তেস্ত তৌবা ঙমবগী পাঙ্গল লৈহন্নবগীনি মসিদগী তপ্না তপ্না মথৌ তাবা মতুং ইন্না হেনগৎহনগনি।”

ইন্সতিত্যুসন্না কোবিদ-১৯গীদমক্তা ক্লিনিকেল তেস্তিং তৌনবগীদমক মখোয়গী তৌবা ঙম্বশিং পুথোক্লি অমসুং মসিগী মোলিক্যুলর মাইক্রোবাইওলোজীদা মথৌ তাবা খঙ-হৈবশিং লৈরি। লেবশিং অদু তেস্ত তৌদ্রিঙৈগী মমাংদা মখল পুম্নমক্কী বাইওসেফতী অমসুং বাইও সেক্যুরিতী প্রিকোসনশিং পাইখৎনবা হায়খিবনা লেবকী মনাক্তা বায়োসেফতী লেভেল (বি.এস.এল.)-৩ ফেসিলিতী য়াওনা মতেং পাংনবা ইনফ্রাস্ত্রকচর লৈরি। রিভর্স ত্রান্সক্রিপ্সন পোলিমেরেস চেন রিয়েক্সন (আর.তি.-পি.সি.আর.) ইকুইপমেন্ত য়াওরবা নৌনা শেম্লবা বি.এস.এল.-২+ ভিরোলোজী লেবসু শেমগৎলে। অথুবা মতমদা মথৌ তৌবা হৌনবগীদমক ক্লিনিকেল সেম্পলশিং তেস্ত তৌননবা মথৌ তাবা এপ্রুবেলশিং লৌরে।

ক্লিনিকেল সেম্পলশিং তেস্ত তৌবদা নত্তনা, সি.এস.আই.আর.-আই.এম.তি.ই.সি.ই.সি.ঐচ.না পার্সোনেল প্রোতেক্সন ইকুইপমেন্ত (পি.পি.ই.) ফংহন্দুনা হেল্থকেয়র প্রোফেস্নরশিংগী মতেংসু পাংলি মসিদগী মখোয় কনাগুম্বা অনাবা মীওইশিং লায়েংবা মতমদা মখোয়দা লৌনরকপদগী কনবা ঙমহনগনি। ইন্সতিত্যুৎনা লোজিস্তিক অমসুং ইনফ্রাস্ত্রকচরগী মতেং ফংহন্দুনা লোকেল এদমিস্ত্রেসন অমসুং চন্দীগরগী রেদক্রোস য়ুনিৎকী মতেংসু পাংলি।