লৈবাক অসিদা কোবিদ-১৯ থিংননবা, য়েংশিন্নবা অমসুং শিন্দোক-শিনজিন তৌনবগীদমক ভারত সরকারনা রাজ্যশিং/য়ুনিয়ন তেরিতোরীশিংগী মতেংদগী তোঙান তোঙানবা থবক-থৌরমশিং পাইখৎলি। থবক-থৌরমশিং অসি অৱাংবা থাক্তা য়েংশিনবগী থবক পাইখৎলি।

ইকাই খুম্নরবা ভারতকী রাস্ত্রপতি শ্রী রামনাথ কোবিন্দনা ঙসি রাজ্যশিং/য়ুনিয়ন তেরিতোরীশিংগী রাজ্যপালশিং অমসুং উপরাজ্যপালশিংগা লোইননা ভিদিও কনফরেন্সকী থোংদা খুন্নাইগী শোৎথহৌরবা কাংলুপ্তা মিৎয়েং চংলদুনা কোবিদ-১৯ শন্দোকপদগী থিংনবা শেম-শারিবশিং অসিগী ফিভম, সিবিল সোসাইতী/ভোলুন্তরী ওর্গনাইজেসন/প্রাইবেৎ সেক্তর অমসুং রেদক্রোসনা লৌরিবা থৌদাংগী মতাংদা খন্ন-নৈনখি।

ইকাইখুম্নরবা প্রধান মন্ত্রী শ্রী নরেন্দ্র মোদীনা ঙসি অয়ুক লৈবাক মীয়ামদা ৱা ঙাংলদুনা অৱাবগী অসিগুম্বা পলেপফম খঙদবা মতম অসিদা লৈবাক অসিনা উৎখিবা থক্সি-খাসি অমসুং অপুনবগী ৱাখল্লোন অদুবু থাগৎপা ফোংদোকখি। মহাক্না সোসিয়েল দিস্তেন্সিংগী মরুওইবা অদু অমুক হন্না পনখি অমসুং মীপুম খুদিংমক্তা লোকদাউন চৎনহনবদা মতেং পাংপীনবা হায়জখি।

কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শবর্ধন্না অনাবশিং অমসুং মখোয়গী মরী-মতাশিংদা অপীল তৌখি মদুদি দোক্তর অমসুং অতৈ হেল্থ ৱাকর্শিংগী থবক্তা অপনবা পীবীগনু। মহাক্না লৈবাক অপুনবদা মাংজিন থানা থবক তৌরিবা ৱাকর্শিংদা চৎথরিবা অরানবা থৌওংশিংগী মতাংদসু নুংঙাইতবা ফোংদোকখি। মহাক্না হায়খি মদুদি মখোয় ঐখোয়গী কোরোনা ৱারিয়র্সনি, মখোয় কোবিদ-১৯ লাইচৎতগী ঙাকথোক্নবা লেপ্তনা লৈবাক অসিগীদমক থবক তৌরিবনি। মহাক্না হায়খি মদুদি অসিগুম্বা ৱাকর্শিংগী থৌদাং অদুদা প্রধান মন্ত্রীনসু থাগৎপা ফোংদোকখ্রবনি, মরমদি হৌজিক ফাওবদা কোবিদ-১৯না নারবা ১৫৬ লাইনা অসিদগী কনবা ঙমখ্রে।

হকশেল অমসুং য়াইফ-য়ুম্বাল মন্ত্রালয়না এপ্রিল ০২, ২০২০দা কোবিদ-১৯গীদমক্তা ত্রেনিং মেতরিয়েলগী মতাংদা রাজ্য/য়ুনিয়ন তেরিতোরী পুম্নমক্তা এদভাইজরী অমসু থাদোকখি, মদু https://www.mohfw.gov.in/pdf/AdvisoryforHRmanagement.pdf তা ফংবীগনি। মসিদা কেপাসিতী বিল্দিং ত্রেনিং তৌবা অমসুং ফিল্দ সর্ভিলেন্স, আইসোলেসনগী খুদোংচাবশিংগী ক্লিনিকেল মেনেজমেন্ত, ক্বারেন্তাইন, সাইকো-সোসিয়েল কেয়র, লোজিস্তিক্স অমসুং সপ্লাই চেন মেনেজমেন্ত মপাঙ্গল কলহন্নবা পাম্বৈশিং য়াওরি।

মসিদা নত্তনা, এম্সকী মাইকৈদগী আই.সি.য়ু. কেয়র অমসুং ভেন্তিলেসন স্ত্রাতিজীগী মতাংদা ফিজিসিয়নশিংগী ওনলাইন ত্রেনিং অমসুং কোবিদ-১৯না নারবশিংবু য়েংশিল্লিবী নর্সশিংগীদমক্তসু অতৈ ওনলাইন ত্রেনিংসু পাংথোক্লি। মতৌ অসুম্না ৱেবিনার্সগী সেদ্যুল অদু হকশেল মন্ত্রালয়গী ৱেবসাইৎঃ https://www.mohfw.gov.in/দা ফংবীগনি।

হৌজিক ফাওবদা, কোবিদ-১৯গী কেস ২৩০১ কনফার্ম তৌরে অমসুং ৫৬না শিখ্রে। মীওই ১৫৬ লায়েংখ্রে/মশা ফগৎলবা মতুংদা হোস্পিতালদগী চৎহনখ্রে।

কোবিদ-১৯গী মতাংদা তেক্নিকেল ইসুশিংগা মরী লৈনবা মখল খুদিংমক্কী থাজনীংঙাই ওইবা অমদি অপদেৎ ওইবা ই-পাউ, গাইদলাইনশিং অমসুং এদভাইজরীশিংগীদমক্তা চানবীদুনা চাং নাইনা https://www.mohfw.gov.in/তা চংবীয়ু।

কোবিদ-১৯গা মরী লৈনবা তেক্নিকেলগী ওইবা ৱাহংশিং technicalquery.covid19[at]gov[dot]in অমসুং অতৈ ৱাহংশিংনা ncov2019[at]gov[dot]inগী থোংদা থাবীরকপা য়াগনি।

কোবিদ-১৯গী মতাংদা করিগুম্বা মখল অমা হেক্তগী ৱাহংগীদমক চানবীদুনা হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বরঃ +৯১-১১-২৩৯৭৮০৪৬ নত্ত্রগা ১০৭৫ (তোল ফ্রী)দা পাউ ফাওনবীয়ু। রাজ্য/য়ুনিয়ন তেরিতোরীশিংগী হেল্পলাইন নম্বরশিংগী লিস্ত  https://www.mohfw.gov.in/pdf/coronvavirushelplinenumber.pdf তা ফংবীগনি।