খুঙ্গং চাউখৎ-থৌরাংগী মন্ত্রালয়না এপ্রিল ২০২০গীদমক্তা প্রধান মন্ত্রী জন ধন য়োজনা (পি.এম.জে.দি.ৱাই.)গী একাউন্ত হোল্দরশিংদা (বেঙ্কনা অসিগুম্বা একাউন্তশিংগী নম্বর পীখিবা) নুপী অমমমদা লুপা ৫০০গী চাংদা চাউরাকপা শেনফম পীগদৌরি অমসুং শেনফম অসি এপ্রিল ২, ২০২০দা তোঙান তোঙানবা বেঙ্কশিংদা মাগী মাগী একাউন্তা ক্রেদিৎ তৌগনি।

খোংথাং অসি পি.এম. গরীব কল্যান পেকেজগী মখাদা, মথংগী থা অহুমগীদমক্তা থা খুদিংগী নুপী পি.এম.জে.দি.ৱাই.গী একাউন্ত হোল্দরশিংদা লুপা ৫০০গী এক্স-গ্রেসিয়াগী পীবগী মতাংদা শেল-থুম মন্ত্রীনা ২৬.০৩.২০২০দা লাওথোকখ্রবা মতুংদা পাইখৎলকপনি।

বেনিফিসরীশিংনা সোসিয়েল দিস্তেংসিং ঙাক্না চৎননবা অমসুং পৈশা লৌথোকপা ঙম্নবা ফাইনান্সিয়েল সর্বিসকী দিপার্তমেন্ত (দি.এফ.এস.)না বেঙ্কশিংদা পৈশা লৌথোক্নবগীদমক ব্রাঞ্চশিং, বি.সি. অমসুং এ.তি.এম.দা একাউন্তহোল্দরশিংনা লাকপদা পরেং লেপহন্নবা খঙহনখি। বেনিফিসরীশিংগী একাউন্ত নম্বরগী অরোইবা দিজিৎকী মতুং ইন্না য়েন্থোকপগী সেদ্যুল মখাদা পীরিঃ 

বেনিফিসরীশিংনা ০৯.০৪.২০২০গী মতুংদা, তাং অমা হেক্তদা মহৌশাগী বেঙ্ককী মতমদা ব্রাঞ্চ নত্ত্রগা নত্ত্রগা বি.সি.দা চৎপা য়াগনি। বেঙ্কনা বেনিফিসরীগী একাউন্তা ফেজগী মতুং ইন্না ক্রেদিৎ তৌবা য়াগনি। বেঙ্কশিংদা খঙহনখ্রে মদুদি মখোয় মখাদা পীরিবা ৱারোলগী মতুং ইন্না এস.এম.এস.কী খুৎথাংদা বেনিফিসরীশিংদা মথক্তা পনখ্রিবা সেদ্যুল অসিগী মতাংদা খঙহনগদবনিঃ

“ঐখোয় অদোমগীদমক চেকশিঞ্জরি। প্রধান মন্ত্রী গরীব কল্যান পেকেজগী মখাদা এপ্রিল থা ২০২০গীদমক্তা নুপী জন ধন য়োজনাগী বেনিফিসরীগী একাউন্তা লুপা  ৫০০গী শেনফম থা খুদিংগী তুংশিনগনি। চানবীদুনা খুদোংচাদবশিংদগী ঙাকথোক্নবা হয়েং/……. (তাং)দা অদোমগী ব্রাঞ্চ/বেঙ্ক মিত্রগা উনবীয়ু। শোইদ-ঙামদনা লৈবীয়ু, হকচাং ফনা লৈবীয়ু!”

(বেঙ্কনা খঙহল্লিবা ৱারোল অসিদগী চুনবা ওপ্সন খনবা য়াই) 

মথক্কী ৱারোলগী মতুং ইন্না এস.এম.এস. মেসেজ অসিদা নত্তনা, লোকেল পব্লিসিতী (লোকেল চেনেলশিং/প্রিন্ত মীদিয়া/কেবল ওপরেতরশিং/লোকেল রেদিও/অতৈ চেনেলশিংগী থোংদা)সু তৌবা য়াই মদুদি একাউন্ততা ক্রেদিৎ তৌখিবা শেনফম খুদিংমক বেনিফিসরীশিংনা খুদক্তা লৌথোকপগী মথৌ তারকপা মতমদা মথক্তা পনখ্রিবা পেরা ৩দা পল্লিবা সেদ্যুলগী মতুং ইন্না বেঙ্ক ব্রাঞ্চ নত্ত্রগা বি.সি.দা চৎপা য়াই। পনবা য়াই মদুদি সেদ্যুল শেমবা অসি সোশিয়েল দিস্তেন্সিং ঙাক্না চৎতুনা পৈশা লৌথোকপা য়ানবগীদমক্নি।

মসিগীদমক্তা, স্তেৎ লেভেল বেঙ্কিং কমিতী (এস.এল.বি.সি.) কনভেনরশিংবু মতম অদুগী রাজ্য সরকারশিংগা পাউ ফাওননবা, মখোয়বু অসিগুম্বা পরেং শেমবগী থৌরাং অসিবু খঙহন্নবা লোইননা ব্রাঞ্চসিং, বি.সি. কিয়োস্ক অমসুং এ.তি.এম.দা পাইখৎলিবা মতিক চাবা চেকশিন থৌরাংদা মতেং লৌননবসু খঙহনখি। রাজ্য সরকারশিংদা বেনিফিসরীশিংদা শেল য়েন্থোক্নবগী থৌরাং তৌবদা বেঙ্কশিংগী মতেং পাংবীনবগীদমক দিস্ত্রিক্ত এদমিনিস্ত্রেসন অমসুং পুলিসকী ওথোরিতীশিংদা মতিক চাবা য়াথং পীনবা অমসুং লোকেল পব্লিসিতী চৎননবগীদমকসু হায়জখি।

পব্লিক সেক্তর অমসুং প্রাইবেৎ সেক্তর বেঙ্কশিংগী মকোক পুম্নমক্তা হিরম অসিগী মতাংদা ব্রাঞ্চ ওথোরিতীশিং অমসুং বিজিনেস কোরেস্পোন্দেন্তশিংদা মতিক চাবা য়াথং পীননবসু হায়খি।