ভিদিও কনফরেন্সকী খুৎথাংদা ঙসি প্রধান মন্ত্রী নরেন্দ্র মোদীনা মীয়ামগী য়াইফনবা লৈবা লুপশিংগী মীহুৎশিংগা ৱারি শানখি । প্রধান মন্ত্রীনা হায়খি কোভিদ-১৯ থেংন্নবা লৈবাক পুম্বা অসিনা খাংবা কনব অমসুং অমতা ওইবা উৎলি । লৈবাক অমগী সেবা তৌবগী খ্বাইদগী ফবা মওংদি লায়রবশিং অমসুং তোল্লবশিং সেবা তৌবনি হায়না মহাত্মা গান্ধীনা হায়রমখি । মীওইবগী সেবা তৌনবা শরুক য়ারিবা লুপশিংগী কৎথোকপা অদু মহাক্না থাগৎখি । প্রধান মন্ত্রীনা হায়খি হায়রিবা লুপশিং অসিদা অখন্নবা মগুন অহুম লৈরি: মীওইবগী খনবা, মীয়াম য়ৌহনবা অমসুং মীয়ামগা শম্নবা অমসুং থবক তৌনিংবগী ৱাখল্লোন অদুনি । মসিনা মরম ওইদুনা মখোয়দা থাজবা থম্লি । মহাকনা হায়খি মমাংদা অমুক্ত ওইখিদ্রিবা মওংদা লৈবাক অসিনা অৱাবা মায়োকনরি অমসুং হায়রিবা লুপশিং অসিগী থবক অমসুং রিছোসশিং দরকার ওইরি । লায়রবশিংগী দরকার ওইবশিং ফংহনবদা হায়রিবা লুপশিং অসিনা অচৌবা থৌদাং অমা লৌরি অমসুং অনাবশিং অমসুং লায়রবশিং সেবা তৌবদা অমসুং মেদিকেলগী খুদোংচাবশিং পীনবা মখোয়না কৎথোক্লি । শিংনবা অসি থেংন্নবা লৈবাক অসিনা অতেনবা অমসুং অশাংবা মীৎয়েংগী পান্দমশিং দরকার ওইরি । প্রধান মন্ত্রীনা মখানা হায়খি, অরানবা থাজবশিং অমসুং অরানবা পাউশিং থেংনবদা মখোয়না মরুওইবা থৌদাং অমা লৌরি । লাইনিংগী মিংদা মীওই কয়া মফম কয়াদা পুল্লি অমসুং মীয়াম লাপ্না লৈনবগী নিয়মশিং থুগাইরি অমসুং মসিনা মরম ওইদুনা ভাইরস অসি শন্দোরকপা থিংনবা মীয়াম লাপ্না লৈনবগী মরুওইবা অদু মখা তানা শন্দোকপা দরকার ওইরি । লুরবা তানফম অসিদা প্রধান মন্ত্রীগী লুচিং মখাদা পায়খৎলিবা থবকশিং অসি মীয়ামগী লুপশিংগী মীহুৎশিংনা থাগৎখি । ভাইরস শন্দোরকপা থিংনবা সরকারনা পায়খৎলিবা থবকশিং মখোয়না থাগৎখি । পি এম-কিয়ারস ফন্দদা মতেং পাংগনি অমসুং মসিগী অৱাবা তারবা মতম অসিদা মখোয়গী মীওইশিং লৈবাক্কী থবক তৌনবা কৎথোক্কনি হায়না মখোয়না ৱাশকখি । দিজিতেলগী খুৎথাংদা পায়খৎলিবা মীয়াম ৱাখল তাহনবা, চানবা পেকেতশিং য়েন্থোকপা, সেনিতাইজরশিং অমসুং হিদাকশিং য়েন্থোকপা অমসুং মেদিকেলগী মতেং পীবগী মখোয়না হৌজিক পায়খৎলিবা থবকশিংগী মতাংদা মখোয়না পাউদমখি ।

          মীয়ামদা খঙহনবগী মরুওইবা, লায়রবশিংদা তঙাইফদনা চংদবা য়াদ্রবশিং ফংহনবা , মেদিকেলগী খুদোংচাবশিং ফংহনবা অমসুং কোভিদ-১৯না শোকহল্লবশিং সেবা তৌনবা ভলুন্তিয়ারশিংগী মরুওইবা অদু প্রধান মন্ত্রীনা অমুক হন্না পনখি । মহাক্না হায়খি অরানবা পাউ শন্দোকপা থিংনবা মেদিকেল অমসুং সাইন্তিফিক ওইবা পাউতাকশিং মীয়ামদা পীবা মরুওই । লাইচৎ অসি থেংন্নবা পুন্না থবক তৌমিন্নবা দরকার ওই ।

           ৱারি শানবা অদুদা প্রধান মন্ত্রীগী এদভাইজর অমসুং নিতি অয়োগকী সি ই ও শরুক য়াখি ।