ఆయుష్

కోవిడ్-19 సంక్షోభ సమయంలో ఆయుర్వేదం ద్వారా రోగ నిరోధక శక్తిని పెంచుకునే స్వీయ రక్షణ చర్యలు

నాడు పోస్టు చేయడమైనది: 31 MAR 2020 2:29PM by PIB Hyderabad

కోవిడ్-19 విజృంభించడంతో ప్రపంచ వ్యాప్తంగా జీవకోటి తల్లడిల్లుతోంది. ఈ వైరస్ ను నిర్మూలించలేకపోయిన, నివారించడం ఒకటే ప్రస్తుతానికి పరిష్కారం. అందువల్ల దేహంలో సహజ స్వీయ రక్షణ వ్యవస్థను పటిష్టం చేసుకోవలసి ఉంటుంది. రోగనిరోధక శక్తిని పెంచుకోవాలి. ఆయుర్వేదం, జీవన విజ్ఞానం కావడంతో, ఆరోగ్యకరమైన మరియు సంతోషకరమైన జీవితాన్ని కొనసాగించడంలో ప్రకృతి వరం లాంటిది. నివారణే తరుణోపాయం అనే సూత్రంపైనే ఆయుర్వేద విజ్ఞానం ఆధారపడి ఉంది. దినచర్య, రుతుచర్య అనే రెండు ప్రధాన అంశాలు ఆయుర్వేదంలో కీలకం. దినచర్య అంటే రోజు వారి ఆరోగ్య పాలన, రుతుచర్య అంటే మారుతున్న వివిధ కాలాలకు అనుగుణంగా ఆరోగ్య పాలన. ఈ రెంటిపైనే ఆరోగ్యకర జీవనం ఆధారపడి ఉంటుంది. 

ఆయుర్వేదం, మొక్కల ఆధారిత శాస్త్రం. ఆయుర్వేద శాస్త్రీయ గ్రంథాల ప్రకారం ఆమె లేదా అతడి రోగనిరోధక శక్తి పెంపొందించుకుంటే తన అనే మనిషిలో లోని నిరాడంబరత, సరళతపై అవగాహన, ప్రతి వ్యక్తిలోని సామరస్యం వెల్లివిరుస్తుంది. నివారణ ఆరోగ్య చర్యలు మరియు శ్వాసకోశ ఆరోగ్యానికి ప్రత్యేక సూచనతో రోగనిరోధక శక్తిని పెంచడానికి ఆయుష్ మంత్రిత్వ శాఖ ఈ క్రింది స్వీయ-రక్షణ మార్గదర్శకాలను సిఫారసు చేస్తుంది. ఆయుర్వేద సాహిత్యం మరియు శాస్త్రీయ ప్రచురణలు  వీటిని పేర్కొన్నాయి. 

సాధారణ చర్యలు: 

1. రోజంతా గోరువెచ్చటి మంచి నీటిని తరుచు తాగుతూ ఉండాలి

2.  రోజూ కనీసం 30 నిమిషాలు యోగాసన, ప్రాణాయామ, ధ్యానం చేయాలి. ఆయుష్ మంత్రిత్వ శాఖ వీటిని సూచించింది. (#YOGAatHome #StayHome #StaySafe)

3. వంటల్లో పసుపు, జీలకర్ర, ధనియాలు, అల్లం ఉండేలా చూసుకోవాలి. 

 ఆయుర్వేదం ద్వారా రోగనిరోధక చర్యలు:

1. ఉదయాన్నే 10 గ్రాముల చ్యవనప్రాష్(ఒక చెమ్చా); మధుమేహం ఉన్నవారు చక్కర లేని చ్యవనప్రాష్ తీసుకోవాలి. 

2. మూలికా తేనీరు (హెర్బల్ టీ) / తులసి, దాల్చినిచెక్క, మిరియాలు, శొంఠి, ఎండుద్రాక్ష తో కూడిన డికాక్షన్- రోజుకు ఒకటి రెండు సార్లు సేవించాలి. అవసరమనుకుంటే రుచి కోసం బెల్లం, తాజా నిమ్మ రసం వేసుకోవచ్చు

3. అర చెమ్చా పసుపుపొడి  కలిపిన 150 మిల్లీలీటర్ల వేడి పాలు - రోజుకు ఒకటి లేదా రెండు సార్లు 

సరళ తరమైన ఆయుర్వేద ప్రక్రియలు:

1. ముక్కు ద్వారా  -  నువ్వుల నూనె / కొబ్బరి నూనె లేదా నెయ్యి రెండు నాసికా రంధ్రాలలో (ప్రతిమార్ష్నాస్య) ఉదయం మరియు సాయంత్రం వర్తించండి.

2. ఆయిల్ పుల్లింగ్ చికిత్స -  ఒక చెమ్చా నువ్వులు లేదా కొబ్బరి నూనెను నోటిలో తీసుకోండి. త్రాగవద్దు, 2 నుండి 3 నిమిషాలు నోటిలో పుక్కిలించి ఉమ్మివేయండి, తరువాత వెచ్చని నీరుతో  శుభ్రం చేసుకోండి. ఇది రోజుకు ఒకటి లేదా రెండుసార్లు చేయవచ్చు.

  పొడి దగ్గు/గొంతు నొప్పి వచ్చినపుడు:

1. తాజా పుదీనా ఆకులు లేదా అజ్వైన్- వాము (కారవే విత్తనాలు) తో ఆవిరి పీల్చడం- రోజుకు ఒకసారి సాధన చేయవచ్చు. 

2. గొంతు లో ఇబ్బందిగా ఉంటె లవంగ పొడిని బెల్లం లేదా తేనెలో కలిపి రోజుకు 2-3 సార్లు సేవించవచ్చు

3. సాధారణ పొడి దగ్గు, గొంతునొప్పికి  తీసుకొనే చర్యలివి. అయితే ఇంకా ఆ సమస్య కొనసాగితే వైద్యుని సంప్రదించాలి. 

తమ సౌలభ్యం మేరకు వ్యక్తిగతంగా ఈ చర్యలు చేపట్టవచ్చు. ఈ చర్యలు దేశవ్యాప్తంగా ఉన్న ఈ క్రింద పేర్కొన్న ప్రముఖ వైద్యుల సిఫార్సుల మేరకు సూచించినవి. అవి అంటువ్యాధుల బారి నుండి కాపాడ్డానికి ఒక వ్యక్తి యొక్క రోగనిరోధక శక్తిని పెంచుతాయి: 

పద్మశ్రీ వైద్య, పి.ఆర్.కృష్ణకుమార్, కోయంబత్తూర్, పద్మ భూషణ్ వైద్య దేవేంద్ర త్రిగుణ, ఢిల్లీ, వైద్య పిఎం వారియర్, కొట్టక్కల్, వైద్య జయంత్ దేవ్‌పుజారి, నాగ్‌పూర్, వైద్య వినయ వేలంకర్, థానే, వైద్య బిఎస్ ప్రసాద్, బెల్గాం, వైద్య గురుదీప్ సింగ్ జాంనగర్, ఆచార్య బాలకృష్ణయ్య, హరిద్వార్, వైద్య ఎంఎస్ బాగెల్, జైపూర్, వైద్య ఆర్బి ద్వివేది, హర్దోయి, యుపి, వైద్య కెఎన్ ద్వివేది, వారణాసి, వైద్య రాకేశ్ శర్మ, చండీగఢ్, వైద్య అబిచల్ చటోపాధ్యాయ, కోల్‌కతా, వైద్య తనూజా నేసరి, ఢిల్లీ, వైద్య సంజీవ్ శర్మ, వైద్య అనూప్ థక్కర్,జాంనగర్. 
 

హెచ్చరిక: పైన పేర్కొన్న సలహాలు కోవిడ్-19కి చికిత్సగా పేర్కొనలేదు 


(రిలీజ్ ఐడి: 1609752) సందర్శకుల సూచీ సంఖ్య : : 402
ఈ ప్రకటనను ఇందులో చదవగలరు: English , Urdu , Marathi , हिन्दी , Bengali , Assamese , Punjabi , Gujarati , Tamil , Kannada