نئی دہلی،21؍جنوری،  وزیراعظم جناب نریند ر مودی نے نیپال کے وزیراعظم کے پی شرما اولی نے آج جوگبانی- براٹ نگر میں دوسری  مربوط چوکی (آئی سی پی)  کا مشترکہ طور پر افتتاح کیا۔

جوگبانی- براٹ نگر  دونوں ملکوں کے درمیان تجارت کا  ایک اہم  راستہ ہے۔ آئی سی پی کو  جدید سہولتوں سے آراستہ کیا گیا ہے۔

جوگبانی – براٹ نگر  میں  دوسری  مربوط چوکی  کی تعمیر  بھارت کی مدد سے کی گئی ہے تاکہ  بھارت – نیپال سرحد کے آر پار  تجارت میں آسانی پیدا ہو اور لوگوں کی آ مد ورفت بھی آسان ہوجائے۔

 دونوں وزرائے اعظم ویڈیو کانفرنس کے ذریعے اس تقریب میں شرکت کررہے تھے۔

وزیراعظم جناب نریندر مودی نے  اپنے اظہار خیال میں کہا کہ ’’بھارت  نیپال کی  مجموعی ترقی میں ایک بھروسے مند  ساتھی  کا رول ادا کررہا ہے‘‘۔

 انہوں نے کہا کہ ’’ ’پڑوسی پہلے ‘میری حکومت کی  اہم پالیسی ہے اور  سرحد پار  تک  کنکٹی ویٹی کو  بہتر بنانا  اس کا ایک اہم پہلو ہے‘‘۔

جناب مودی نے کہا کہ ’’بہتر کنکٹی وٹی کا مسئلہ اور بھی اہم ہوجاتا ہے اگر اس کا تعلق  بھارت-  نیپال سے ہو۔ کیونکہ ہمارے تعلقات صرف  پڑوسیوں کے تعلقات نہیں ہیں بلکہ  تاریخ  اور جغرافیئے نے  ہمیں  کلچر ، فطرت ، خاندانوں ، زبان ، ترقی  اور دیگر  بہت سی باتوں سے ایک ساتھ ملادیا ہے‘‘۔

وزیراعظم نے کہا  ’’میری حکومت نے تمام دوست ملکوں کے ساتھ ٹرانسپورٹ کی بہتر سہولتوں کو فروغ دینے کا تہیہ کر رکھا ہے اور  تجارت ، کلچر ، تعلیم وغیرہ کو مزید  ترقی دینے کے لئے  میری حکومت عہد بند ہے‘‘۔

وزیراعظم نے کہا کہ بھارت  نیپال میں کئی طرح کے  کنکٹی وٹی پروجیکٹوں مثلا سڑک، ریل اور  ٹرانسمیشن لا ئنوں کے سلسلے میں کام کررہا ہے۔

دونوں وزرائے اعظم نے نیپال میں مکانوں کی تعمیر نو کی پیش رفت کا جا ئزہ لیا۔ زلزلے کے بعد ان مکانوں کی تعمیر نو میں بھارت نے مدد کی ہے۔

نیپال میں 2015 کے  زلزلے کا ذکر کرتے ہوئے وزیراعظم جناب  مودی نے کہا کہ ’’ بھارت نے امداد اور  بچاؤ کارروائیوں میں پہلے  آنے والے ملک کا رول ادا کیا ہے اور وہ اب بھی  نیپال کی تعمیر نو میں اپنے دوستوں کے ساتھ شانہ بشانہ کھڑا ہوا ہے‘‘۔

 گورکھا اور   نوواکوٹ اضلاع میں 50 ہزار  مکانات تعمیر کرنے کے  بھارت کے وعدے کے سلسلے میں اب تک 45 ہزار مکان پہلے ہی مکمل ہوچکے ہیں۔

 نیپال کے وزیراعظم جناب کے پی شرما اولی نے  بھارت کی کوششوں کے لئے اس کا شکریہ ادا کیا۔

۔۔۔۔۔۔۔۔۔۔۔۔۔۔۔۔۔۔

U-285