ಸಂಪುಟ
ರಾಷ್ಟ್ರೀಯ ವೈದ್ಯಕೀಯ ಆಯೋಗ ವಿಧೇಯಕ, 2019ರಲ್ಲಿ ತಿದ್ದುಪಡಿಗಳು/ಬದಲಾವಣೆಗಳಿಗೆ ಸಂಪುಟ ಅನುಮೋದನೆ
Posted On:
28 AUG 2019 7:40PM by PIB Bengaluru
ರಾಷ್ಟ್ರೀಯ ವೈದ್ಯಕೀಯ ಆಯೋಗ ವಿಧೇಯಕ, 2019ರಲ್ಲಿ ತಿದ್ದುಪಡಿಗಳು/ಬದಲಾವಣೆಗಳಿಗೆ ಸಂಪುಟ ಅನುಮೋದನೆ
ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಂಪುಟ ಸಭೆಯು, ರಾಷ್ಟ್ರೀಯ ವೈದ್ಯಕೀಯ ಆಯೋಗ ವಿಧೇಯಕ, 2019 ರಲ್ಲಿ ತಿದ್ದುಪಡಿಗಳು/ಬದಲಾವಣೆಗಳ ಕುರಿತು ಪರಾಮರ್ಶೆ ನಡೆಸಿತು. ವಿಧೇಯಕದ ಮೂಲ ಆವೃತ್ತಿಯನ್ನು 2019 ರ ಜುಲೈ 17 ರಂದು ಸಂಪುಟ ಅನುಮೋದಿಸಿತ್ತು. ಮತ್ತು ಅದಕ್ಕೆ ಅಧಿಕೃತ ತಿದ್ದುಪಡಿಗಳೊಂದಿಗೆ ಸಂಸತ್ತಿನ ಉಭಯ ಸದನಗಳು ಅನುಕ್ರಮವಾಗಿ 2019 ರ ಜುಲೈ 29 ಮತ್ತು 2019 ರ ಆಗಸ್ಟ್ 1 ರಂದು ಅಂಗೀಕಾರ ನೀಡಿದ್ದವು. 2019 ರ ಜುಲೈ 17 ರಂದು ಸಂಪುಟ ಅನುಮೋದಿಸಿದ ಆವೃತ್ತಿಯಿಂದ , ಸಂಸತ್ತು ಅಂಗೀಕರಿಸಿದ ರಾಷ್ಟ್ರೀಯ ವೈದ್ಯಕೀಯ ಆಯೋಗ ವಿಧೇಯಕ, 2019 ರಲ್ಲಿ ಈ ಕೆಳಗಿನ ಬದಲಾವಣೆಗಳನ್ನು ಮಾಡಲಾಗಿದೆ ಮತ್ತು ಅವುಗಳನ್ನು ಸಂಪುಟವು ಪರಾಮರ್ಶೆ ನಡೆಸಿತು. i ನಿಬಂಧನೆ 4(1) (c) –ಹದಿನಾಲ್ಕು ಸದಸ್ಯರಿಗೆ ಬದಲಾಗಿ ಇಪ್ಪತ್ತೆರಡು ಅರೆ ಕಾಲಿಕ ಸದಸ್ಯರು. ii ನಿಬಂಧನೆ 4(4) (b) - ಆರು ಸದಸ್ಯರಿಗೆ ಬದಲಾಗಿ ಹತ್ತು ಸದಸ್ಯರು. Iii ನಿಬಂಧನೆ 4(4) (c) -ಐದು ಸದಸ್ಯರಿಗೆ ಬದಲಾಗಿ ಒಂಭತ್ತು ಸದಸ್ಯರು. Iv ನಿಬಂಧನೆ 37 (2) - ಕೊನೆಯಲ್ಲಿ “ ಬೋಧನೆಯ ಉದ್ದೇಶಗಳಿಗೆ ಕೂಡಾ” ಎಂದು ಸೇರಿಸಲಾಯಿತು.
(Release ID: 1583393)
Visitor Counter : 65