ప్రధానమంత్రి ఆవాస్ యోజన - గ్రామీణ్ (పీఎంఏవై-జి  రెండవ దశ) ను 2019 మార్చి తర్వాత కూడా  అమలుచేయడానికి ప్రధానమంత్రి శ్రీ నరేంద్రమోదీ అధ్యక్షతన సమావేశమైన కేంద్ర మంత్రి మండలి ఆమోదం తెలియజేసింది. 

వివరాలు :

·  పీఎంఏవై-జి  రెండవ దశ కింద 2022 నాటికి మొత్తం కోటీ 95 లక్షల గృహాలు నిర్మించాలన్నది లక్ష్యం. 

· ప్రధానమంత్రి ఆవాస్ యోజన - గ్రామీణ గృహనిర్మాణ పధకం కొనసాగింపు. 

· పీఎంఏవై-జి మొదటి దశ కు ప్రస్తుతం ఉన్న నిబంధనల ప్రకారం, 2019-20 వరకు (పీఎంఏవై-జి) గ్రామీణ్ రెండవ దశలో 76 వేల 5 వందల కోట్ల రూపాయల అంచనా వ్యయం తో 60 లక్షల గృహాలు నిర్మించాలన్నది లక్ష్యం. (దీనిలో కేంద్రప్రభుత్వం వాటా 48 వేల 195 కోట్ల రూపాయలు కాగా, రాష్ట్ర ప్రభుత్వాల వాటా 28 వేల 305 కోట్ల రూపాయలు)  

· ప్రస్తుతం అమలులో ఉన్న విధానాన్ని అనుసరించి ఈ పధకం / కార్యక్రమం పై మూడవ పక్షం మూల్యంకనం ఆధారంగా  మదింపు, ఆమోదం అనంతరం, వచ్చే ఆర్ధిక కమీషన్ కాలపరిమితి లో 2019-20 తర్వాత 2021-22వరకు ఈ పధకాన్ని కొనసాగింపు.  

·  పి డబ్ల్యు ఎల్ పరిమితి దాటిన రాష్ట్రాలు / కేంద్ర పాలిత ప్రాంతాల కు ప్రాధాన్యం ఇస్తూ - ఆర్ధిక మంత్రిత్వ శాఖ తో సంప్రదించి , గ్రామీణాభివృద్ధి మంత్రి అనుమతితో ఈ రాష్ట్రాలు / కేంద్ర పాలిత ప్రాంతాలకు లక్ష్యాలను కేటాయిస్తూ -  తుది ఆవాస్+ జాబితా నుండి పెర్మనెంట్ వెయిట్ లిస్ట్ (పి డబ్ల్యు ఎల్) లోకి అదనంగా అర్హత కలిగిన గృహాలను కోటీ 95 లక్షల గరిష్ట పరిమితి వరకు చేర్చడం. 

· 2019-20 వరకు కార్యక్రమ యాజమాన్య యూనిట్ (పీఎంయూ), జాతీయ సాంకేతిక సహాయ ఏజెన్సీ (ఎన్ టి ఎస్ ఏ) ల కొనసాగింపు.  

· ప్రస్తుతం అమలులో ఉన్న ఈ బీ ఆర్ యంత్రా0గం ద్వారా, ఈ పధకం చెల్లుబాటు వరకు అదనపు ఆర్ధిక సహాయాన్ని తెచ్చుకోవడం. 

·   కార్యక్రమ నిధులలో పరిపాలనాపరమైన ఖర్చులను 4 శాతం నుండి 2 శాతానికి తగ్గింపు.  కార్యక్రమ నిధులనుండి పరిపాలనా ఖర్చులకు కేటాయించిన 2 శాతం నిధులను  విభజించాలి.  కార్యక్రమ నిధులలో 0.30 % కేంద్రం స్థాయిలో  నిలిపి ఉంచాలి. కార్యక్రమ నిధిలో మిగిలిన 1.70 % పరిపాలనా పరమైన నిధిగా రాష్ట్రాలకు / కేంద్రపాలిత ప్రాంతాలకు విడుదల చేయాలి.  

ప్రయోజనాలు :

1.95 కోట్ల గరిష్ట పరిమితికి లోబడి - గృహాలు లేక  మరియు / లేదా  శిధిలమైన ఇళ్లలో నివాసముంటున్న గ్రామీణ ప్రాంత ప్రజలకు 2022 నాటికి పక్కా గృహాలు కల్పించడం జరుగుతుంది. 

                                                      *****